Memlekettik áleýmettik kómekke ıe bolǵan azamattar

Beısenbi, 16 aqpan 2012 8:11

Jambyl oblysy
Qatysýshy – Joldasbekova Nurlykúl Qy­ryq­baıqyzy. (kóp balaly ana)
Týǵan jyly – 1972
Memlekettik qoldaý sharalary – Memleket­tik áleýmettik qarjy júıesi (MÁQJ) qarjy­sy­nan jáne respýblıkalyq bıýdjetten kóp balaly otbasyna tıisti áleýmettik járdemaqy.
Joldasbekova Nurlykúl Qyryqbaıqyzy Jambyl aýdanynyń Jalpaqtóbe selosyndaǵy Chkalov atyn­daǵy orta mektepte muǵalim bolyp jumys is­teıdi. Joldasy Taraz qalasynda ishki ister depar­tamentinde eńbek etedi. О́tken jyly otbasynda 4-shi náreste dúnıege keldi.

Jambyl oblysy
Qatysýshy – Joldasbekova Nurlykúl Qy­ryq­baıqyzy. (kóp balaly ana)
Týǵan jyly – 1972
Memlekettik qoldaý sharalary – Memleket­tik áleýmettik qarjy júıesi (MÁQJ) qarjy­sy­nan jáne respýblıkalyq bıýdjetten kóp balaly otbasyna tıisti áleýmettik járdemaqy.
Joldasbekova Nurlykúl Qyryqbaıqyzy Jambyl aýdanynyń Jalpaqtóbe selosyndaǵy Chkalov atyn­daǵy orta mektepte muǵalim bolyp jumys is­teıdi. Joldasy Taraz qalasynda ishki ister depar­tamentinde eńbek etedi. О́tken jyly otbasynda 4-shi náreste dúnıege keldi. Nurlykúl Qyryqbaıqyzy MÁQJ qarjysy ese­­bimen júkti bolýy sebepti otbasy kirisinen aırylýyna jáne bala týýyna baılanysty 247000 teńge járdemaqy aldy. Sonymen birge, náreste 1 jasqa tolǵanǵa deıin aı saıynǵy kiristiń 40 paıyzy kóleminde 18572 teńge áleýmettik ótemaqy alady.
Sonymen birge, Nurlykúl Qyryqbaıqyzy res­pýb­lıkalyq bıýdjet qarjysy esebinen 4-shi ná­res­­te­niń týýyna baılanysty (50 AEK, bir rettik) 75600 teńge kóleminde kómek jáne aı saıyn kóp ba­laly otbasy retinde arnaıy memlekettik jár­de­m­aqy alady. Bul otbasyna tórt jáne odan da kóp ká­­meletke tolmaǵan balalary bar otbasy retinde aı saıyn 6428 teńge (3,9 AEK) járdemaqy tólenedi.
Meken-jaıy – Jambyl aýdany, Qyzyl dıqan aýyly.
Baılanys telefony – 8 777-139-4573,
úı t.8 726 3331542.

Pavlodar oblysy
Qatysýshy – Prosık Stepanıda Potapovna. (jalǵyzbasty zeınetker)
Týǵan jyly – 1938
Memlekettik qoldaý sharalary – úıde kútim jasaý úshin áleýmettik qyzmet kórsetý bólimshesi tarapynan arnaıy áleýmettik qyzmet kórsetý.
Osydan eki jyl buryn Stepanıda Potapov­na­nyń kúıeýi qaıtys boldy. Úlken qyzy Almaty qa­lasynda, kishi qyzy Ekibastuz qalasynda turady. Kishi qyzynyń aýrýshań balasy bolýyna baılanysty anasyna kútim jasaýǵa múmkindigi joq. Al Stepanıda Potapovnanyń aıaqtary júrýge jaramaı, uzaq merzim jatyp qalady. Únemi aýyrady.
Áleýmettik qyzmet kórsetý bólimshesi oǵan arnaıy áleýmettik qyzmetker bekitti. Ol kún saıyn keıýananyń úıine kelip, kútim (bul belgili standarttar boıynsha jasalatyn arnaıy kútimniń 8 túri) jasaıdy. Osydan keıin keıýana aýrýynan jazylǵandaı turyp ketti.
Keıýananyń aıtýy boıynsha, qazir onyń kó­ńil-kúıi jaqsy. Áleýmettik qyzmetker oǵan barynsha kútim jasaıdy. Azyq-túlikpen jáne dári-dármekpen qamtamasyz etedi. Úıdi jınap, qajet bolǵan jaǵ­daı­da ystyq tamaq pisirip beredi. Keıýana áńgime-dúken quryp, kóńilin kóteretin qam­qor adam tabylǵanyna sheksiz qýanyshty. Qajet bolǵan jaǵdaıda áleý­met­tik qyzmetker emhanaǵa ba­ryp, tıisti dárigerlerdi shaqyrady. Memleket­tik áleýmettik kómektiń arqa­synda Stepanıda Po­ta­povnanyń jaǵdaıy kúnnen-kúnge jaqsaryp keledi.
Meken-jaıy – Pavlodar q-sy.
Baılanys telefony – 8 (7182) 641345.

Batys Qazaqstan oblysy
Qatysýshy – Bısalıeva Arýjan (sal aýrýyna shaldyqqan múgedek).
Týǵan jyly – 2000
Memlekettik qoldaý sharalary – kúndiz qabyl­daı­tyn bólimshede arnaıy áleýmettik kómek kórsetý.
Bısalıeva Nurbıke sal aýrýyna ushyraǵan 11 jasar Bısalıeva Arýjandy tárbıelep otyr. Bısalıeva Arýjan tolyq otbasynda ómir súredi, jastaıynan sal aýrýyna shaldyqqan múgedek bolyp tabylady. Áleýmettik kómek kórsetý bólimshesine qabylda­n­ǵanǵa deıin únemi úıde bolǵan. О́z qatarlastarymen kezdesip, aralasýǵa múmkindigi bolmaǵan. Dostary joq, únemi ózimen-ózi ýaqyt ótkizetindigine baılanys­ty tuıyqtalyp qalǵan. Balanyń densaýlyǵyna baılanysty otbasy ony balalar baqshasyna, shaǵyn tár­bıe ortalyqtaryna ornalastyra almaǵan. Múgedek balany jalǵyz qaldyrýǵa da bolmaıdy. Oǵan qozǵa­lý úshin kómek kórsetý kerek. Sondyqtan otbasy bala kútimi úshin turaqty túrde kútýshi jaldap otyrǵan.
Kúndiz qabyldaıtyn arnaıy áleýmettik kómek kórsetý bólimshesiniń ashylǵanyn estigennen keı­in otbasy qujattaryn tapsyryp, 2010 jyly Arýjandy arnaıy topqa tirketedi. Mine, sońǵy eki jyldan beri Arýjan osy topta turaqty túrde tárbıe alyp keledi. Jaqsy sóıleýdi úırendi, oqı biledi. Bólimshe qyzmetkerleri uıymdastyrǵan ártúrli sharalarǵa belsene qatysady. Balalarmen erkin aralasyp ketti. Arýjandy kúndizgi bólimge ornalastyrǵannan keıin onyń anasy alańsyz eń­bek etetin boldy. Nurbıke Bısalıeva Batys Qa­zaq­stan gýmanıtarlyq ýnıversı­tetinde aǵylshyn tili páninen dáris beredi.
Meken-jaıy – Oral q-sy.
Baılanys telefony – 8 777-426-3892.

Qostanaı oblysy
Qatysýshy – «Qostanaıgaz» MKK
Tasqojın Jangeldi Shaǵataıuly.
Týǵan jyly – 1952
Memlekettik qoldaý sharalary – jumysqa qabiletti múgedek adamdardy eńbekpen qamtama­syz etý úshin múgedekterdiń qoǵamdyq birlestigi belgi­legen uıym kómegi.
«Qostanaıgaz» MKK – Tasqojın Jangeldi Sha­ǵataıuly, dırektordyń orynbasary «Qazaq sańy­raý­lar qoǵamy oqý-óndiristik kásiporny» qoǵam­dyq bir­lestiginen jumys kıimin satyp alýmen aınalysady. «Qazaq sańyraýlar qoǵamy oqý-óndi­ristik kásipor­ny» qoǵamdyq birlestigi (basshysy V.P.Voronın) 1949 jyly qurylǵan. Búginde óndi­ristik birlestikte 80 adam eńbek etedi. Olardyń 68 paıyzy estý múmkindigi kem múgedekter bolyp tabylady.
О́ndiristik birlestik mynandaı tigin buıym­daryn shyǵarady:
– balabaqsha buıymdary (jaıalyq, polzýnkı, ıtkóılek, bas kıim);
– tósekjaıma;
– medısına qyzmetkerleriniń halattary, bas kıim­deri;
– áıelder úshin halattar, kóılekter, ishkóı­lek­ter;
– jumysshylarǵa arnalǵan barlyq túrdegi jumys kıimi;
– Qorǵanys, Ishki ister mınıstrliginiń jáne Ulttyq qaýipsizdik komıtetiniń qyzmetkerlerine arnalǵan jumys kıimderi;
– qysqy kúrtesheler, kombınezondar;
– QTJ jáne Qazaqtelekom úshin arnaıy kıim úlgileri jáne tósekjaımalar;
– dánekerleýshilerdiń kıimderi, qolǵaptary;
–perdeler;
– úı jıhazdary;
Negizgi tutynýshylar – respýblıkamyzdyń, Qos­­­­­t­a­naı oblysynyń, Qostanaı qalasynyń bıýd­jettik mekemeleri: bilim, densaýlyq saqtaý bas­qar­malary, áleýmettik mekemeler, sonymen birge «Baıan Sulý» AQ, «ABZ+» AQ, «KEGOK», «AdalI» JShS, «Qos­ta­naıgaz», «Qostanaı jylýenerge­tı­ka­lyq kompanııasy», «Qostanaı-Sý» MKK-lary jáne basqalar.
Meken-jaıy – Qostanaı q-sy.
Baılanys telefony – 8 (7142) 54-17-15.

Astana qalasy
Qatysýshy – Iskakov Arnur Qaınarbekuly.
Týǵan jyly – 1985
Memlekettik qoldaý sharalary – múgedek­terge avtokólik qyzmetin kórsetý.
Iskakov Arnur Qaınarbekuly, «Qazaqstan múge­dekter konfederasııasy» qoǵamdyq birlestigi kórse­tetin «ınvataksı» qyzmetin tutynady.
«Qazaqstan múgedekter konfederasııasy» res­pýb­­lı­kalyq qoǵamdyq birlestigi (RQB) 2006 jyly qu­rylǵan. Elimizdiń barlyq óńirlerinde fılıaldary bar. RQB-ny Omarbekova Janat Ánýarbek­qyzy bas­qa­rady. RQB-nyń negizgi maqsaty múge­dekterge kómek kórsetý, olardy saýyqtyrý úshin jan-jaqty jaǵdaı jasap, múgedekterdiń múdde­leri men quqyqtaryn qorǵaý.
Astana qalasynda múgedekterdi arnaýly kólik – «ınvataksımen» tasý eki jyldan beri júzege asyrylyp keledi. Orta eseppen kúnine sal bolyp qalǵan 40 múgedekke qyzmet kórsetiledi. RQB qaramaǵynda «ınvataksı» retinde qyzmet kórsetetin 5 avtokólik bar. Bul avtokólikter arnaıy jabdyqtalǵan. Múge­dekter­diń qo­lar­basy kólik salonyndaǵy arnaýly orynǵa bekitiledi.
Meken-jaıy – Astana q-sy.
Baılanys telefony – 8 702-371-8656.