Sapta – jańa tehnıka

Seısenbi, 21 aqpan 2012 8:07

Astanalyq áskerı bó­­lim jańa jaýyngerlik BTR-82 jáne BRM «Kobra» qarý-jaraǵyna ıe boldy, dep ha­barlady Qorǵanys mı­­­nıs­tr­liginiń baspasóz qyzmeti.

Búgin bes qarýyn asynǵan desantshylar jaýyngerlik mashınalarmen «Spassk» oqý or­ta­lyǵy baǵytyna joryqqa shyq­ty. Mun­da olar dala tósindegi jattyǵýlarda jaý­yn­ger­lik atystardy júzege asyryp, táji­rı­belerin tolyqtyratyn bolady. Oqý ort­a­lyǵynyń po­­lıgonynda jańadan kelgen tehnıkalar da qatystyrylady.

Seısenbi, 21 aqpan 2012 8:07

Astanalyq áskerı bó­­lim jańa jaýyngerlik BTR-82 jáne BRM «Kobra» qarý-jaraǵyna ıe boldy, dep ha­barlady Qorǵanys mı­­­nıs­tr­liginiń baspasóz qyzmeti.

Búgin bes qarýyn asynǵan desantshylar jaýyngerlik mashınalarmen «Spassk» oqý or­ta­lyǵy baǵytyna joryqqa shyq­ty. Mun­da olar dala tósindegi jattyǵýlarda jaý­yn­ger­lik atystardy júzege asyryp, táji­rı­belerin tolyqtyratyn bolady. Oqý ort­a­lyǵynyń po­­lıgonynda jańadan kelgen tehnıkalar da qatystyrylady. Sonymen qatar jol-jó­ne­keı jeke quram táji­rı­be júzinde shabýylǵa toıtarys berý, tosqaýyldardan ótý jáne shart­ty túrdegi qarsy­las­tar­dyń kózin joıý sııaqty jat­ty­ǵýlardy pysyq­taı­dy. Oqý or­talyǵyna kelisimen desantshy-jaýyngerler jeke qarýdan jáne T-72, BTR-80A, BTR-82, BRM «Kobradan» atý jatty­ǵý­laryn oryndaıdy. Bıylǵy jyly Qazaqstan armııa­syn­daǵy is-sharalardyń barlyǵy Qa­zaqstan Res­pýblıkasy Qarýly Kúsh­te­ri­niń 20 jyl­dy­ǵyn merekeleýge baılanysty ótkiziledi.

Jaýyngerlik ázirlikke baılanysty jyl­dyń qaı mezgilinde de alǵa qoıylǵan bar­lyq tapsyrmalar áskerlerdiń bilikti­li­gin je­til­di­rý­ge arnalǵan basty shara bolyp sanalady.

Qarýly Kúshterdiń jaý­yn­ger­lik ázirli­gin arttyrý maqsa­tyn­da áskerler jańa qa­rý-ja­raqpen, áskerı tehnıkamen jáne basqa da qural jabdyqtarmen jab­dyqtalýda. Bas­ty nazar qol­da bar tehnıkany jetildirýge, qalpyna keltirýge jáne zamanaýı qarý-jaraq alýǵa aýdarylǵan.

Otandyq taýar óndirý jáne otandyq óner­kásip keshenin damytýda aıtarlyqtaı ju­mys­tar júrgizilip jatqandyǵyn atap ót­ken jón. Memleket basshysy – Joǵarǵy Bas qol­basshynyń tapsyrmasy boıynsha 2020 jyl­ǵa deıin otandyq kásip­oryn­dar­da ás­ker­ge ar­nalǵan ónimderdi 80 paıyzǵa arttyrý belgi­lengen. Búginde ol 50 paıyzǵa jetip otyr.

Buǵan mysal retinde Qazaq­stan kásip­or­yn­darynda shyǵa­ry­lyp jatqan 125 mm-lik snarıadtardy, ımıtasııalyq qural­dar­dy, tir­ke­meler men qashyq­tyq ólshegishterdi, «Kam­AZ» av­tokóligi bazasynda jasalǵan shtab mashınalaryn, jaýyn­ger­lik mashına ekıpajdaryn ázir­lik­ten ótkizetin trenajer­ler­di ataý­ǵa bolady. Sonymen birge, otandyq ká­siporyndar brondy tehnıka men avto­kó­likterdi, avıa­sııalyq tehnıkalardyń jekelegen túrlerin tolyq kólemde jetildirýdi jáne barlyq jóndeý jumystaryn júrgizýdi qamt­ama­syz etedi. Nátıjesinde, Qazaq­stan aı­maǵynda áskerı maq­sat­taǵy ónim shyǵa­rý­dyń aýqymy artty, birqatar birlesken ká­sip­­oryndar ashyldy, olardyń ónim­deri qa­zir­diń ózinde armııany jabdyqtaýǵa jiberilýde.

– Búgin Qazaqstan Aero­u­t­qyr áskerleri­niń jaýyngerlik mashına parkin BTR-82 men BRM «Kobra» tolyqtyrdy, – dep atap ótti 68665 áskerı bólimniń ko­man­dıri, general-maıor Almas Jumakeev. – Qazaqstan armııasy TMD elderi arasynda alǵash jańa tehnıkamen jabdyqtaldy.

BTR-82 – tereń jetildirilgen BTR-80 brondy transporteri. Keshendi jumys­tar­dyń atqary­lýy barysynda mashınanyń ómir­­sheń­­­digi 20 paıyzǵa arttyryldy, ekıpaj múshe­le­ri men agregattardy jáne júıelerdi qor­ǵaý kúsheıtildi. Jaryq­shaq­tardan qorǵaı­tyn, jylý men shýdy saqtaıtyn qon­dyr­ǵy­nyń qoıylýy ekıpajdyń jumys isteýine yńǵaılylyq týǵyzdy. Atys qýaty men jú­rý deńgeıiniń arttyrylýy jolsyz jermen jú­­rýi kezinde jyldamdyǵyn art­tyrýǵa múm­kindik berdi.

«Kobra» barlaý mashınasyna brone­tras­porterdiń quramdas bó­likteri paıdalanyldy. Mashı­na­nyń korpýsy BTR-ǵa qara­ǵan­da shaǵyn ári yńǵaıly, áskerı tehnıka ekıpaj músheleri men ishtegi jabdyqtardy qorǵaý­dy qamtamasyz etedi. Mashınany qosymsha bronmen qaptaý múm­kin­shilikteri qarasty­ry­lýda. Ma­shına esh qıyndyqsyz tereń­digi 1,1 metr sýly bógetten óte alady, sýda jú­zedi ári jyldam júredi.

Desantshy-jaýyngerler «Spassk» oqý ortalyǵynda bir aı boıy shyńdalyp táji­rıbe jı­naq­taıdy. Qazaqstan armııa­sy­nyń áskerı qyzmetshileri qys­­tyń qy­­­tymyr aıazyna yryq ber­­­meıdi, aýa raıy olardyń qan­daı kıim kııý kerektigin ǵana anyq­taı­dy.

Jattyǵý aıaqtaldy, maqsat oryndaldy

Qarýly Kúshterdiń 20 jyldyǵy qarsańyndaǵy qysqy oqý kezeńine arnalǵan is-sharalar jospary qarqyndy iske asyrylýda. Respýblıkanyń ońtústiginde Qurlyq áskerleriniń brıga­da­lyq-taktıkalyq oqý-jattyǵýlary ótkizildi. Oǵan «Oń­tús­tik» óńirlik qolbasshylyǵynyń áskerı bólimderi tartyldy. Jambyl oblysynyń Gvardeıskıı garnızony mańynda moto­at­qysh­tar, tank jáne artıllerııalyq bólimsheler aralas ádispen: te­mir jol boıymen eshelondarmen jáne avtokólikpen jetti.
Bul jattyǵýlardyń bir erek­sheligi – oqý-jaýyngerlik tapsyrmalar daǵdyly dala tósinde emes, qosymsha qıynshylyqtar týdyratyn belgisiz taýly aı­maq­ta, óte kúrdeli jaǵdaıda alǵash ret uıymdastyryldy. Mundaı ádistiń Qarýly Kúshterdiń bar­lyq áskerı bólimderindegi kási­bı-ofıser men kásibı kelisim-shart qyzmetkerin jáne merzimdi qyzmettegi sarbazdyń jaýyng­er­lik ázirliktegi biliktiligin artty­rýǵa septigin tıgizeri haq.
Oqý-jattyǵý qımyldaryna barlyǵy 2,5 myńnan astam áske­rı qyzmetshi qatysty. Olar jaıaý áskerdiń jaýyngerlik mashınalaryn, brondy transporter­ler­di, tankterdi, artıllerııalyq qon­dyr­­ǵylar men atys qarý­la­ryn sheber meńgergendikterin baı­qat­ty. Ás­­kerlerdi áýeden maı­dan­dyq jáne armııalyq avıasııa sú­ıe­meldedi. Jattyǵýdyń kúrdeli kezeńderin áskerı qyz­metshiler kúndiz de, túnde de júzege asyrdy.
– Jyl mezgiliniń qandaı táý­liginde bolmasyn jaýyn­ger­­­lik ázirlik boıynsha berilgen tapsyrmalardy oryndaý – Qarýly Kúshterdiń Joǵarǵy Bas qolbas­shysy Nursultan Nazarbaevtyń talap etip otyrǵanyndaı, Qa­zaq­stan armııasy áskerı qyzmet­shi­leriniń biliktilikterin jetildi­rý­ge arnalǵan basty qural bolýy tıis, – dep atap ótti jat­ty­ǵýdyń ereksheligi men mańyz­dy­lyǵy týraly Qurlyq áskerle­riniń bas qolbasshysy, general-leıtenant Murat Maıkeev.
Jattyǵý aıaqtaldy. Áskerı qyz­metshiler aralas ádispen: te­mir jol boıymen eshelondarmen jáne avtokóliktermen óz áskerı bólimderine atanyp ketti.
Júnis OMAR, QR QM baspasóz qyzmeti.