«Astana» jınaqtaýshy zeınetaqy qory keleshekke berik senimmen
Sársenbi, 7 naýryz 2012 8:03
Kópshilikke belgili, elimizde jınaqtaýshy zeınetaqy qoryn odan ári jetildirý jáne damytý máselesi Memleket basshysynyń qazaqstandyqtarǵa joldaǵan bıylǵy Joldaýynda atap aıtylǵan bolatyn. Elbasynyń bul tapsyrmasyn dáıektilikpen júzege asyrýda «Astana» jınaqtaýshy zeınetaqy qorynyń tabysy mol. Eń bastysy, «Astana» qory bul saladaǵy kóshbasshylyq ustanymyn taǵy da dáleldep shyqty, ıaǵnı «Astana» jınaqtaýshy zeınetaqy qory – Qazaqstanda «K2 (12) kórsetkishi boıynsha ınflıasııany eńsergen birden-bir qýatty qor atandy. Anyǵyraq aıtqanda, «Astana» JZQ Qazaqstannyń zeınetaqy qyzmeti naryǵynda kirisi jaǵynan alty aı boıy alǵy shepten kórinýde.
Sársenbi, 7 naýryz 2012 8:03
Kópshilikke belgili, elimizde jınaqtaýshy zeınetaqy qoryn odan ári jetildirý jáne damytý máselesi Memleket basshysynyń qazaqstandyqtarǵa joldaǵan bıylǵy Joldaýynda atap aıtylǵan bolatyn. Elbasynyń bul tapsyrmasyn dáıektilikpen júzege asyrýda «Astana» jınaqtaýshy zeınetaqy qorynyń tabysy mol. Eń bastysy, «Astana» qory bul saladaǵy kóshbasshylyq ustanymyn taǵy da dáleldep shyqty, ıaǵnı «Astana» jınaqtaýshy zeınetaqy qory – Qazaqstanda «K2 (12) kórsetkishi boıynsha ınflıasııany eńsergen birden-bir qýatty qor atandy. Anyǵyraq aıtqanda, «Astana» JZQ Qazaqstannyń zeınetaqy qyzmeti naryǵynda kirisi jaǵynan alty aı boıy alǵy shepten kórinýde.
Kún tártibinde turǵan, mine osy jáne ózge de máseleler jóninde «Astana» JZQ-nyń Almatyda ótken baspasóz máslıhatynda jan-jaqty sóz boldy. Bul basqosýda «Astana» qory dırektorlar keńesiniń tóraıymy, «SATEK» AQ prezıdenti Gúlnara Artambaeva, «Astana» JZQ basqarma tóraǵasy Andreı Karıagın, «Sberbank» jeke tulǵalardy nesıelendirý departamentiniń bastyǵy Roman Goncharov qordyń búgingi ahýaly jáne keleshegi týraly baıandady. Sala basshylarynyń aıtýynsha, 2012 jyldyń 1 aqpanyndaǵy málimetter boıynsha, 12 aıda K2 tabys koeffısıenti 60 paıyzǵa jetken, munyń ózi Qazaqstan rynogyndaǵy ortasha kórsetkishten eki ese joǵary (2,59 %), «Astana» JZQ respýblıka boıynsha K2 (12) kórsetkishi boıynsha ınflıasııany eńsergen birden-bir qor atandy. О́tken jyldyń qańtar jáne 2012 jylǵy qańtar aılary aralyǵynda qordaǵy zeınetaqy salymdarynyń sany 67 mıllıard teńgege jýyq artyp, 140 mıllıard teńgege jetti. Oǵan qosa, qordaǵy salymdardyń ósý qarqyny da joǵary, búgingi tańda qor salymshylarynyń sany 534 myńnan asty, sóıtip ótken jyldyń basynan beri túsken ınvestısııalyq tabys mólsheri 9,7 mıllıard teńge, al zeınetaqy tólemderi 3,8 mıllıard teńgege jetti.
Qordyń jarǵylyq kapıtalyn arttyrý týraly sheshimdi ony nyǵaıtý maqsatynda jasalǵan mańyzdy qadam deýge bolady, óıtkeni, jarǵylyq kapıtal qordyń strategııalyq damý múmkindikteriniń ındıkatory bolyp tabylady. Al, ony ósirý – aksıonerlerdiń óz bıznesiniń damýyna degen senimin arttyryp, salymshylarǵa kórsetiletin qyzmet túrlerin ári qaraı jetildire túsýge múmkindik bermek.
– Jarǵylyq kapıtaldyń artýy – qor damýyndaǵy mańyzdy qadamdardyń biri, «Astana» JZQ-nyń aı saıyn qýatynyń artyp, tabysty kompanııaǵa aınalyp kele jatqanyn kórip otyrmyz. «Astana» qorynyń tabysty damýǵa múmkindigi jetkilikti, men buǵan senimdimin jáne kún saıyn kóbeıip kele jatqan salymshylarymyzdyń aldyndaǵy jaýapkershiligimiz de kúsheıedi. Sondyqtan da aldaǵy ýaqytta jumys qarqynyn arttyrmaqpyz, – dedi «Astana» qory dırektorlar keńesiniń tóraǵasy, «SATEK» AQ prezıdenti Gúlnara Artambaeva óz oıyn ortaǵa salyp.
Shyn máninde de qor úshin mańyzdy baǵyttardyń biri – bıznes-prosesterdi damytyp, tehnologııalyq sheshimder arqyly kórsetiletin qyzmet sapasyn da jaqsartý bolyp otyr. Qor zań talaptaryn oryndaý maqsatynda mýltıqorjyn júıesin engizdi. Bul salymshynyń óz aktıvterin ınvestısııalyq strategııa – ornyqty jáne konservatıvtik ınvestısııalyq qorjyndar negizinde basqarýǵa múmkindik beredi. Sonymen qatar, bizdiń klıentterimiz «Salymshy bólmesi» qyzmetin paıdalanyp, óz salymdaryn ınternet arqyly baqylaı alady. «Salymshy bólmesiniń» qalaı jumys isteıtini týraly tolyq aqparatty «Astana» JZQ-nyń keńsesinen nemese www.astananpf.kz saıtynan tabýǵa bolady.
– Salymshylar ózderiniń zeınetaqy jınaqtarynyń tıimdi basqarylýyn qalaıdy. «Astana» jınaqtaýshy zeınetaqy qory qurylǵan kúnnen bastap salymshylardyń osy talaptaryna jaýap berýdi basty maqsat etken bolatyn, – dedi «Astana» JZQ basqarma tóraǵasy Andreı Karıagın. – Sondyqtan da biz ábden oılastyrylǵan, belsendi ınvestısııalyq saıasattyń nátıjesinde eldegi zeınetaqy qorlarynyń arasynda ınvestısııalyq tabys jaǵynan taǵy iri jetistikterge jetip otyrmyz. Soǵan oraı klıentterge kórsetiletin qyzmet sapasyn jaqsartyp, salymshylarǵa qolaıly bolýy úshin olarmen ashyq jumys isteýge únemi kóńil bólemiz.
Qor «Sberbank» AQ EB-men strategııalyq baǵytta seriktestik ornatty. Bank qor salymshylaryna qarjylyq qyzmet pen banktik ónimder boıynsha qolaıly múmkindikter týǵyzyp otyr. «Biz qarqyndy damyp kele jatqan «Astana» JZQ-nyń jumysyn qoldaımyz» deıdi «Sberbank» AQ EB jeke tulǵalarǵa nesıe beretin departamentiniń bastyǵy Roman Goncharov:
– Bizdiń bank qormen seriktestik sheńberinde «Astana» JZQ salymshylaryna birqatar qyzmet túrlerin usynady. Máselen, qordyń árbir klıenti tómen paıyzben tutyný nesıesin ala alady, onyń paıyzdyq mólsherlemesi standartty nesıemen salystyrǵanda bir paıyzǵa tómen. Sonymen qatar, bank nesıeni aldyn-ala maquldaý josparyn jasap shyqqan. Sberbank «Astana» qorynyń ózge bankterdiń qyzmetin paıdalanatyn salymshylaryna da kómektesýge, olardyń buryn alǵan nesıelerin qaıta qarjylandyrýǵa daıyn. Sonymen qatar, Sberbank zańdy jáne jeke tulǵalar úshin tólem kartalary boıynsha aıryqsha qyzmet túrlerin usynady. Bul seriktestik qor salymshylary úshin paıdaly ári qyzyqty bolady dep oılaımyn.
Sóz reti kelgende aıta ketetin taǵy bir jaıt, «Astana» JZQ-nyń salymshylar sany 534 myńnan asyp, zeınetaqy aktıvteri 140 mıllıard teńgeni quraıdy. Sonymen, respýblıka zeınetaqy júıesinde salymshylar sany jaǵynan tórtinshi, al zeınetaqy aktıvteri jaǵynan altynshy oryndaǵy «Astananyń» aldaǵy asýlary bıik ekendigine kópshiliktiń senimi mol.
Baqyt BALǴARINA,
Almaty.
