Birlik barda aýyrtpashylyq qorqynyshty emes – deıdi Qazaqstan halqy Assambleıasynyń músheleri
Beısenbi, 29 naýryz 2012 7:58
Aqpannyń ortasyn ala bastalǵan qarǵyn sý Ońtústik halqyna úlken ábiger ákelgendigi belgili. Eń úlken qıyndyq Arystyń eteginde otyrǵan Ordabasy aýdanynyń ortalyǵy – Temirlanda boldy. Sý tasqynynan 937 úı zardap shekti. Oblystyq jumyldyrý daıarlyǵy, azamattyq qorǵanys, apattar men dúleı zilzalalardyń aldyn alý jáne joıýdy uıymdastyrý basqarmasy bastyǵynyń orynbasary Kóktembek Tabyldıev osy úılerdiń 661-i jaramdy, 66-sy apatty jaǵdaıda, 6-ýy múlde jaramaıdy deıdi. Qarǵyn sý irgetasynan asqan, qam kirpishine sý namy sińgen 121 úı de kómek qajet etedi.
Beısenbi, 29 naýryz 2012 7:58
Aqpannyń ortasyn ala bastalǵan qarǵyn sý Ońtústik halqyna úlken ábiger ákelgendigi belgili. Eń úlken qıyndyq Arystyń eteginde otyrǵan Ordabasy aýdanynyń ortalyǵy – Temirlanda boldy. Sý tasqynynan 937 úı zardap shekti. Oblystyq jumyldyrý daıarlyǵy, azamattyq qorǵanys, apattar men dúleı zilzalalardyń aldyn alý jáne joıýdy uıymdastyrý basqarmasy bastyǵynyń orynbasary Kóktembek Tabyldıev osy úılerdiń 661-i jaramdy, 66-sy apatty jaǵdaıda, 6-ýy múlde jaramaıdy deıdi. Qarǵyn sý irgetasynan asqan, qam kirpishine sý namy sińgen 121 úı de kómek qajet etedi.
Búginde bul úılerdiń turǵyndary qaýipsiz jerlerge kóshirilgen. О́z ótenine oralyp, amaldap turyp jatqandary da bar. Kún jylynǵannan keıin olar palatkalarǵa kóshirilip, jaramsyz úılerdiń qurylysy bastalady.
Ońtústikte aýyr jaǵdaı oryn alǵanda Elbasy Úkimetke shuǵyl tapsyrma berip, Premer-Mınıstrdiń birinshi orynbasary S.Ahmetov oblysqa arnaıy kelgen. Topan sý alǵan aýyldardy kórip, Shardara sý qoımasy, Kóksaraı sý rettegishindegi qalyptasqan jaǵdaıǵa qanyǵyp, Elbasyǵa baıandaǵan. Nursultan Ábishuly úı-jaıy sýǵa ketip, kóńili júdegen halyqqa basý aıtyp, memleket tarapynan kómek bolatyndyǵyn jetkizdi. Shetelderde ádette barlyq úıler saqtandyrý kompanııalary arqyly saqtandyrylady. Memlekettiń apatty jaǵdaıdaǵy mindeti – adam shyǵynyna jol bermeý. Barlyq kúsh osyǵan jumyldyrylady. Osyny eskertken Elbasy barlyq máseleni Úkimettiń moınyna artyp qoıýǵa bolmaıtyndyǵyn aıtty. Álemdik tájirıbede bar úrdisti eshkim joq demeıdi.
Biraq, qalaı bolǵanda da, Úkimet te, qarapaıym halyq ta apatqa ushyraǵan jurttyń qatarǵa tez qosylýyna qoldan keler kómektiń barlyq túrin jasap jatyr. Osydan birer apta buryn oblystyq kásipodaq uıymynyń tóraǵasy D.Sherimqulov pen “OQO Azamattyq alıans assosıasııasynyń” tóraıymy K.Álipovanyń muryndyq bolýymen úndeý qabyldanyp, arnaıy esep-shot ashylǵan bolatyn. Ońtústik jurty qaıyrymdy keledi. Sý tasqynynan zardap shekkenderge kerek jyly kıim-keshekterdi bylaı qoıǵanda, esep-shot ashylǵan bir aptada túsken qarjy kúnige 1 mln. teńgege jýyqtaıdy eken. Endi bul áreket respýblıkalyq qarqyn aldy. Onyń bir jarqyn dáleli – Parlament depýtaty Qýanysh Aıtahanovtyń bastamasymen halyq qalaýlylarynyń bir kúndik jalaqylaryn aýdarǵany.
Jaqynda Ońtústikte “Qazaqstandaǵy memlekettik etnosaıasatty júzege asyrý jáne etnokonfessııalyq qatynastardy retteý” taqyrybynda aımaqtyq semınar-trenıng ótken. Konferensııaǵa kelgen etnomádenı birlestikterdiń músheleri de Ońtústiktegi qıyn ahýalǵa óz únderin qosyp, azamattyq pozısııasyn tanytty. Olardyń birqatary apatqa baılanysty qurylǵan qoǵamdyq qor múshelerimen kezdesýge keldi. Oblystyq kásipodaq uıymynyń májilis zalynda ótken basqosýda oblys ákiminiń orynbasary Álı Bektaev Assambleıa múshelerine qarǵynǵa baılanysty Úkimet jáne oblys ákimdigi tarapynan jasalynyp jatqan jumystardy baıandap berdi.
Qazaqstan halqy Assambeıasy tóraǵasynyń orynbasary E.Toǵjanov: “Osyndaı qıyn kezderińizde jandaryńyzǵa jalaý, kóńilderińizge demeý bolaıyq dep arnaıy keldik. Ońtústiktegi qıynshylyqtardy jeńetin bir kúsh bar, ol – birlik. Biz sizdermen birgemiz”, deı kelip, Assambleıa atynan Ońtústikte ashylǵan esep-shotqa 10 mln. teńge aýdaratyndyqtaryn aıtty. “Ahyka” Qazaqstan túrikteri qoǵamynyń tóraǵasy Zııadın Qasanov: “Taǵy da kómegimiz bolady, ázirge úlesimiz”, dep 1 mln. teńgeni komıssııa tóraıymy K.Álipovaǵa qolma-qol tabystady. Qorǵa respýblıkalyq uıǵyr etnomádenı birlestiginiń tóraǵasy Ahmetjan Shardınov 7 mln. teńge, “Almaty” lokomotıv deposynyń bastyǵy Bolat Musaqojaev bir kúndik jumys kúni esebinen 5 mln. teńge aýdarýǵa ýáde berdi.
Jıyn sońynda oblys ákiminiń orynbasary Álı Ábdikerimuly qınalǵanda qol sozǵan aǵaıynǵa Ońtústik halqy atynan alǵys aıtty.
Baqtııar TAIJAN.
ShYMKENT.
