Úmit oty
Beısenbi, 29 naýryz 2012 8:01
Alysta júrgen adamǵa atamekennen ystyq jer bolmaıtyny aıtpasa da túsinikti. Sonaý Qaraqalpaqstanda turyp jatqan erli-zaıypty Edil Áıtimbetov pen Qarlyǵa Ábdiǵalıeva otbasy tórt balasymen 2004 jyly ata-babalarynyń kindik qany tamǵan Aqtóbe óńirine atbasyn buryp, kósh kerýendi túzegenderine qazir esh ókinbeıdi. Muǵaljar aýdanynyń Aqkemer aýylyna taban tiregen olar kvota boıynsha bólingen qarjyǵa úı satyp alyp, «kóppen kórgen uly toı» degendeı, tirshilikke aralasyp, elden qalmaýǵa talpyndy. Eńbekten boıyn aýlaq salmaıtyn aǵaıyndar aýyldastary arasynda ónegeli otbasy retinde tez sińisip ketti.
Beısenbi, 29 naýryz 2012 8:01
Alysta júrgen adamǵa atamekennen ystyq jer bolmaıtyny aıtpasa da túsinikti. Sonaý Qaraqalpaqstanda turyp jatqan erli-zaıypty Edil Áıtimbetov pen Qarlyǵa Ábdiǵalıeva otbasy tórt balasymen 2004 jyly ata-babalarynyń kindik qany tamǵan Aqtóbe óńirine atbasyn buryp, kósh kerýendi túzegenderine qazir esh ókinbeıdi. Muǵaljar aýdanynyń Aqkemer aýylyna taban tiregen olar kvota boıynsha bólingen qarjyǵa úı satyp alyp, «kóppen kórgen uly toı» degendeı, tirshilikke aralasyp, elden qalmaýǵa talpyndy. Eńbekten boıyn aýlaq salmaıtyn aǵaıyndar aýyldastary arasynda ónegeli otbasy retinde tez sińisip ketti.
Balalary da tártipti bolyp ósip, óz ómir joldaryn taba bastady. Balalary «eki qolǵa, bir kúrek» degendeı, jumysqa ornalasty, eńbekke aralasty, uly úılendi, qyzy turmys qurdy. Ǵalymy da aǵa-apasynyń izin qýyp, ómirden óz ornyn tabýǵa umtyldy. О́zi qolǵa alǵan isin aıaǵyna deıin jetkizgenshe tynym tappaıtyn eńbekqor. Oblys ortalyǵyndaǵy «Raýan» kolledjin keden isi mamandyǵy boıynsha bitirgen ol eki jyldaı «IMK Sekıýrıtı» JShS-inde kúzetshi bolyp jumys istedi. Arasynda oblys ortalyǵyndaǵy jıhaz jınaý sehynda jumys istep, aǵash sheberligine de tóselip aldy. Sóıtip, jıhaz jasaýdyń qyr-syryn ıgerdi. Bireýge táýeldi bolǵansha aýylǵa baryp, óz isimdi nege ashpasqa degen oı keldi qaperine. Nartáýekel dep 2007 jyly sáýir aıynda «Áıtimbetov.Ǵ.E.» jeke kásipornyn ashyp, tirkeýden ótkizdi. Qural-jabdyǵyn túgendep, qajetti materıaldy Aqtóbe qalasynan jetkizýge týra keldi. Ol úshin árıne, kólik kerek boldy. Jas kásipker táýekelge baryp, BTA banktiń oblystyq fılıalynan 600 myń teńge nesıe alyp, jıhaz qurastyrý stanogyn, «GAZel» qorapty avtokóligin satyp aldy. Jıhazdy basynda yńǵaılastyrylǵan oryndarda jınady. О́z qolynan shyqqan jıhazǵa tapsyrys kóbeıe túskenin ańǵarǵan Ǵalym arnaıy seh salýdy oılastyrdy.
«Qulannyń qasýyna, myltyqtyń basýy» degendeı, osy kezde Muǵaljar óńirinde qara altyn óndirýmen aınalysatyn Reseıdiń «Lýkoıl» kompanııasy óńirdegi aýyldarda óz isin ashýǵa úmitkerlerge «Araı» arnaýly baǵdarlamasyn júzege asyrýǵa kiristi. Bir ereksheligi, bul baǵdarlama boıynsha bólinetin grant ótemsiz tegin beriletin edi. Kásipker jigit óz bıznes-jobasyn jasap, grantqa ilikti. Grant boıynsha qolyna tıgen 1 mıllıon teńgege tym-táýir jıhaz jınaý sehyn salyp aldy. Ǵalymnyń qolynan shyqqan jıhazdardyń dúkenderdegiden artyq bolmasa, kem túspeıtinin ańǵarǵan aýyldastary at sabyltyp, Aqtóbege baryp, jıhaz ákelýdi qoıdy. Osynda tapsyrys berip, kireberiske, as úılik jıhazdardy, kompıýter ústeli jáne basqa jıhazdardy jaqyn jerden úılerine kirgize qoıýǵa daǵdylandy. Kórshi aýyldardan da kelip, alyp jatady. Bir sózben aıtqanda, Ǵalymnyń isi júrdi, endi óndiristi keńeıtýge týra keldi. Byltyr ol «Jumyspen qamtý-2020» baǵdarlamasy boıynsha «Bıznes-Navıgator» kásipkerlik ortalyǵynda bilimin kóterip, arnaıy kýrstan ótti. Oqýy, jatar orny men jolyn Úkimet kóterdi. Qolyna arnaıy sertıfıkatpen birge, osy baǵdarlamanyń ekinshi baǵyty boıynsha 1 mıllıon teńge nesıesi de tıdi. Jıhaz jınaýshy kásipker bul qarjyǵa qosymsha materıal satyp alyp, óndirisin keńeıti. Qazir osy shaǵyn jıhaz sehynda ózi men inisi Nurymnan basqa eki aýyldasy Kenen Baısultanov, Jańalyq Aımaǵambetov eńbek etedi. Aılyqtary da jaman emes, 40-50 myńnan aınalady. Bolashaqta jumysqa taǵy da bir-eki aýyldasyn tartýdy kózdeýde.
– Qashanda jańadan is bastaý ońaı emes. Men bul sharýaǵa on oılanyp, myń tolǵanyp baryp kiristim. Sondaı-aq, maǵan ata-anam, baýyrlarymnyń qoldaý kórsetýi de kúsh berdi. Elbasy Nursultan Nazarbaevtyń áleýmettik baǵdar ustanǵan sara saıasatynyń arqasynda qolǵa alǵan isimizden bereket taptyq desem artyq aıtqandyq bolmas. Kásipkerlikti, sonyń ishinde aýylda shaǵyn jáne orta bıznesti damytýǵa baǵyttalǵan baǵdarlamalardyń tıimdiligi sózsiz. Mundaı múmkindikti jalqaý, enjar adam ǵana paıdalanbaıdy. «Qolymyzǵa qarmaq berdi», sonyń ıgiligin kórý árkimniń óz ynta-yqylasyna baılanysty. Biz kóptegen turmysqa qajetti jıhazdar qurastyryp, shyǵarýdy jolǵa qoıdyq. Bizdiń jıhazdarymyz fırmalyq ónimderden kem túspeıdi, esesine arzan, tasymalǵa da shyǵyndanyp jatpaıdy. Sondyqtan bolar suranys joǵary, onyń ústine biz tutynýshynyń tapsyrysy boıynsha ózderiniń talǵamyna saı etip daıyndaımyz. Jıhazdardy sol úıdiń alańyna saı keletindeı etip, tutynýshymen kelise otyryp jasaımyz. Bul da tutynýshylar kóńilinen shyǵyp tur, – dedi aqkemerlik kásipker jigit Ǵalym Áıtimbetov bizben áńgimesinde.
Kásipker jigittiń áńgime aýanynan ańǵarǵanymyz isi ońǵa basyp, ilgeri kúnge úlken úmitpen qarap otyr. Qazir bankten alǵan nesıelerin birtindep qaıtara bastapty. Bolashaqta dıvan, kreslo sııaqty jumsaq jıhaz shyǵarýdy da oılastyrýda. Jalpy, Ǵalym Áıtimbetov «Táýekel túbi, jel qaıyq» dep bastaǵan isiniń júrgeni tek óziniń eńbekqorlyǵynyń ǵana emes, shaǵyn kásipkerlikti damytý baǵytynda elimizde kabyldanǵan baǵdarlamalarda qarastyrylǵan jeńildikter men Elbasynyń sara saıasatynyń arqasynda múmkin bolǵanyn aǵynan jaryla jetkizdi. О́z boıyna erteńgi kúnge degen senimdilik uıalatqanyn tilge tıek etti.
Satybaldy SÁÝIRBAI.
Aqtóbe oblysy.
