Týǵan jerdi túletý – árkimniń azamattyq paryzy

Beısenbi, 26 sáýir 2012 7:17

Aqtóbe oblysynyń ákimi Arhımed Muhambetov jyl ba­synda óńirdiń áleýmettik má­selelerin sheshýdiń sony jol­daryn izdestirý qajet­ti­gin alǵa tarta kelip, osyǵan baı­lanysty óz isin ashyp, jaǵ­daıyn túzegen, ár jerde júr­gen qarjyly kásipker­ler­di, qaltaly azamattardy ózde­ri ósken aýyldarǵa qoldaý kór­setýge shaqyrdy. Osylaı 2012-2015 jyldarǵa arnalǵan «Kórkeıe ber, týǵan jer» ob­lystyq aksııasy ómirge joldama alǵan bolatyn.

Beısenbi, 26 sáýir 2012 7:17

Aqtóbe oblysynyń ákimi Arhımed Muhambetov jyl ba­synda óńirdiń áleýmettik má­selelerin sheshýdiń sony jol­daryn izdestirý qajet­ti­gin alǵa tarta kelip, osyǵan baı­lanysty óz isin ashyp, jaǵ­daıyn túzegen, ár jerde júr­gen qarjyly kásipker­ler­di, qaltaly azamattardy ózde­ri ósken aýyldarǵa qoldaý kór­setýge shaqyrdy. Osylaı 2012-2015 jyldarǵa arnalǵan «Kórkeıe ber, týǵan jer» ob­lystyq aksııasy ómirge joldama alǵan bolatyn.

Igi bastama halyqtan keń qoldaý tapty. Bastama kóte­ril­gen boıda Shalqar aýda­ny­nyń isker azamattary basqo­syp, ózderi týyp-ósken týǵan aýyldarynda áleýmettik nysandardy jańǵyrtýǵa jáne jańadan salýǵa úles qosa­tyn­dyqtaryn bildirip, uıym­shyl­dyqtyń úlgisin tanytty. «Kórkeıe ber, týǵan jer» aksııasyn ótkizý bastamasyn ile-shala Muǵaljar, Yrǵyz aýdandary da qoldaı jóneldi. Qalǵan aýdandarda osy ba­ǵytta jumystar júrgizýde.

Jaqynda aksııany qoldaý­ǵa baılanysty Alǵa aýdany ákim­digi uıytqy bolǵan ula­ǵat­ty sharaǵa qatysýdyń sáti tústi. Ǵazıza Jubanova atyn­da­ǵy oblystyq fılarmonııada ótken bul sharaǵa osy óńir­den túlegen isker azamattar men qarjyly kásipkerler sha­qyrylypty. Áýeli jınal­ǵan­dar­ǵa aýdannyń táýelsizdik al­ǵan kezdegi jáne búgingi eko­nomıkalyq-áleýmettik jaǵ­daıy salystyryla baıandalatyn beınefılm kórse­til­di. Sodan keıin bastalǵan aýdan kórkemónerpazdary konsertiniń shymyldyǵy Ahmet Jubanovtyń «Bı kúıi» jáne Qurmanǵazy baba­myz­dyń «Adaı» kúılerimen ashyldy.

Sahnaǵa kóterilgen aýdan ákimi Aıbek Saǵıev jerleste­rine jyly lebizin, salmaqty sózin arnady. Ol aýyl – ár­kimniń altyn besigi, týǵan jer tuǵyry ekenine toqtala ke­lip, «kóp kótergen júk je­ńil» bolatynyn jetkizdi. Son­dyqtan, osy óńirden tú­lep-ushqan kásipkerler men basshylyq qyzmette júrgen azamattardy «Kórkeıe ber, týǵan jer» aksııasyna bir ki­sideı uıymshyldyqpen qaty­sýǵa úndedi. Sizderdiń qoldaý-kómekterińizben aýyldardaǵy áleýmettik nysandardy jań­ǵyrtý men jańadan salýdyń qyrýar sharýalaryn birlesip, ıyqtasa júrip atqaraty­ny­myzǵa senimdimin, dep qoryt­ty oıyn aýdan basshysy.

Isker azamattardyń arasynan sóz alǵan «Reıimqul» JShS-niń dırektory Samat Qaldyǵulov bul aksııany ata­qonys, týǵan jerdi kórkeı­týdiń úsh jyldyq baǵdarla­masy retinde baǵalaı kelip, kesimdi oı, kesek tujyrymyn málim etti. Ol ózi týyp-ósken Qarabulaq aýyldyq okrýgine qarasty Amangeldi aýylyna jalpy alańy 420 sharshy metr Mádenıet úıin jáne aýmaǵy 1 gektar saıabaq salyp beremin degende zaldaǵylar dý qol soǵyp, qoshemet kór­setti.

Foıege qoıylǵan usynys­tar kitabyna «Kórkeıe ber, týǵan jer» aksııasyn qol­daýǵa jáne ony ótkizýge baılanysty osy sharaǵa qatys­qan alǵalyq isker azamattar men qaltaly kásipkerler óz oı-pikirlerin qaldyryp jatty.

Satybaldy SÁÝIRBAI.

Aqtóbe oblysy.