Jaqsy kúndi otbasy bolyp qarsy alamyz!
Juma, 4 mamyr 2012 8:25
Qazaqstannyń Azamattyq alıansy «Otbasylyq akademııa» otbasylyq tárbıeni nasıhattaý ortalyǵymen birlesip, «Bolashaq búginnen bastalady» aksııasy aıasynda «Kóktemdi birge qarsy alamyz!» atty is-shara ótkizdi.
Almaty qalasynyń Medeý aýdany turǵyndarynan quralǵan otbasylyq komandalar bul merekelik sharada ózara túrli sporttyq oıyndar, qyzyqty vıktorınalar men konkýrstarǵa qatysyp, mektep jasyna deıingi jáne oqýshy jasóspirimderdiń daıyndaǵan konserttik baǵdarlamalaryn tamashalady.
Juma, 4 mamyr 2012 8:25
Qazaqstannyń Azamattyq alıansy «Otbasylyq akademııa» otbasylyq tárbıeni nasıhattaý ortalyǵymen birlesip, «Bolashaq búginnen bastalady» aksııasy aıasynda «Kóktemdi birge qarsy alamyz!» atty is-shara ótkizdi.
Almaty qalasynyń Medeý aýdany turǵyndarynan quralǵan otbasylyq komandalar bul merekelik sharada ózara túrli sporttyq oıyndar, qyzyqty vıktorınalar men konkýrstarǵa qatysyp, mektep jasyna deıingi jáne oqýshy jasóspirimderdiń daıyndaǵan konserttik baǵdarlamalaryn tamashalady.
Merekeniń mánisi – ómirdiń bastaýyndaı bolyp búkil tabıǵatqa jylylyq lebin, jastyqtyń shýaǵyn sebe keletin kóktemdi kópshilik asa qýanyshpen, barsha adamzatqa tatýlyq pen birliktiń, bereke men syılastyqtyń nuryn darytatyn keremet kezeńniń basy ekendigin nasıhattaý. Uıymdastyrýshylar óz otbasyńnan bastap, barlyq adam balasyna jaqsylyq tileý jáne beıbit ómirde jaqsylyqtar jasaýǵa jas urpaqty tárbıeleý nıetimen merekelik kóńil-kúıde osyndaı sharany uıymdastyrýdy qolǵa alyp otyr.
Osyndaı otbasylyq merekeler, qoǵamdyq sharalar bizdiń dástúrimizge aınalýy tıis. Bul bizdiń shańyraǵymyzdyń aýyzbirshiligin arttyrýmen qatar, jastarymyzdyń patrıottyq rýhta tárbıe alýyna, aldyńǵy urpaq ókilderiniń jaqsy qasıetterin boılaryna sińirip ósýlerine yqpal etedi. Deni saý, kóńili kórkem jas otbasy músheleri ultaralyq kelisim men qoǵamdyq uıysýdyń ne ekenin bilip, óz balalaryn da jaqsy isterge shaqyryp, bolashaq urpaǵynyń bıikterden kóriný baqytyna ıe bolady.
Elbasy N.Nazarbaevtyń Qazaqstan halqyna arnaǵan bıylǵy Joldaýynda «bizdiń bolashaǵymyz – adam kapıtalynyń sapaly ósiminde» dep aıtqanyndaı, bizdiń búgingi urpaq tárbıesine jumsaǵan kúsh-qaıratymyz kúni erteń elimizdiń tizginin nyq ustaıtyn sapaly urpaqtyń ıgilikterimen tolyǵady. Sondyqtan da atalmysh sharanyń uıymdastyrýshylary mektepke deıingi jáne mektep jasyndaǵy jas urpaq tárbıesi men qamqorlyǵyn arttyryp qana qoımaı, bilim salasyna jańa tehnologııalar men zamanaýı tálim berý úlgilerin de saýatty engize bilýimiz kerek dep esepteıdi.
«Bolashaq búginnen bastalady» aksııasy aıasynda ótkizilip jatqan ıgi sharalar qazaqstandyq qoǵamdy salamatty ómirge, jarqyn bolashaqqa degen senimdilikke bastap otyrǵany aıan. Elimizdiń ár shalǵaıynda osy uranmen kóptegen ister atqarylyp, tyń ıdeıalar, sony sharalar qoldanysqa engizilýde. Jastarymyzdy qoǵamdyq iste ǵana emes, bylaıǵy ómirde de birlesýge úıretip, egemen eldiń erteńine degen senimdilikterin arttyrdy. El ıgiligine jaraıtyn ıgi ıdeıany jaqsy dástúrge aınaldyrý barshamyzdyń mindetimiz dep qabyldaý kerek.
Qanat ESKENDIR,
Almaty.
