Jastardyń alǵan nemese alyp otyrǵan bilimderiniń sapasyna qanaǵattaný deńgeıi ártúrli: bilim berý júıesin 5-baldyq júıe boıynsha baǵalaý usynylǵanda respondentterdiń 35,2%-y óz ómiriniń osy qyryn 5 balǵa, 42,3%-y – 4 balǵa, 15%-y – 3 balǵa, 4%-y – 2 balǵa jáne 1,6%-y
1 balǵa baǵalady.
«О́zińizdiń alǵan nemese alyp jatqan bilimińizdiń sapasyna qanaǵattaný deńgeıińiz qandaı?» suraǵyna baǵalaý úshin orta máni joq 4 shkala berildi: birinshi polıýste oń baǵalar – tolyǵymen qanaǵattanamyn jáne qanaǵattanamyn deýge bolady, basqa bir polıýste – tolyǵymen qanaǵattanbaımyn jáne qanaǵattanbaımyn deýge bolady. Alynǵan málimetterge sáıkes, 81,7%-y óziniń bilimimen qanaǵattanady, sondaı-aq olardyń arasynda tolyǵymen qanaǵattanatyndardyń úlesi 30% quraıdy. 15,5% − qanaǵattanbaıdy.
Málimetterge sáıkes, barlyq jastaǵy toptardyń ókilderi óziniń alǵan bilimine qanaǵattanady eken. Kórsetkishter 79,6%-dan 84,8%-ǵa ózgerip otyrady. Qalaı bolǵanda da, jas ereksheligi úlken bolǵan saıyn, qanaǵattaný deńgeıi tómen, eń tómengi kórsetkish − 79,6% jáne ol 24-28 jastaǵy respondentter tobynda kezdesedi. Qalada turatyn jastardyń qanaǵattaný deńgeıi – 83,4%. Aýyl jastarynyń kórsetkishi 79,6%.
Jastardyń kózimen qarasaq, búginde bilim berý salasyndaǵy ózekti máselelerdiń qataryna bilim alý qunynyń joǵary bolýy, kadrlardyń tapshylyǵy, oqý oryndaryn qarjylandyrý deńgeıiniń mardymsyzdyǵy, sodan týyndaıtyn saldar retinde álsiz tehnıkalyq jabdyqtalý men zamanaýı oqýlyqtardyń kemshiligi jatady.
Aıda SYZDYQOVA,
«Jastar» ǵylymı-zertteý ortalyǵy
