Joba boıynsha josparlanǵan 46 arnaıy avtomattandyrylǵan ólsheý quralynyń 12-si engizilip qoıǵan. Sondaı-aq jol aktıvterin basqarý júıesi iske qosylǵan. Onyń aıasynda 16 jyljymaly jol zerthanasy óz jumysyn bastady.
«Bul júıe jolǵa jumsalatyn shyǵyndardy josparlaýǵa jáne jóndeý jumystarynda sapany monıtorıngteý kezinde aqparattyń ashyqtyǵyn qamtamasyz etedi.
2019 jyly respýblıkalyq deńgeıdegi 24 myń shaqyrymdy quraıtyn avtojoldardy zertteý maqsatynda - 31 arnaıy avtomattandyrylǵan ólsheý quralyn engizý josparlanyp otyr» dedi D.Abaev.
Al «Intellektýaldy kólik júıesi» jobasyn engizýdiń nátejıesinde 2018 jyly 279 jumys oryndary quryldy. 2025-shi jylǵa deıin qosymsha 1,5 myńnan asa jumys oryndaryn qurý kózdelgen.
Qoldaǵy derekter boıynsha kólikti jáne logıstıkany sıfrlandyrýdyń ekonomıkalyq paıdasy 2018 jyly 7,6 mıllıard teńgeni qurap otyr.
