«Júıe jol-kólik keshenin basqarýdyń birqatar máselelerin, onyń ishinde áleýmettik sıpattaǵy máselelerdi sheshýgemúmkindik beredi. Kólikti baqylaýdy avtomattandyrý úshin 12 arnaıy avtomattandyrylǵan ólsheý quraly engizildi. Bıyl jyl sońyna deıin jańa aqyly ýchaskelerdetaǵy da 11 Arnaıy avtomattandyrylǵan ólsheý quralyn iske qosý josparlanyp otyr. 2021 jylǵa qaraı olardyń jalpy sanyn 46 birlikke deıin jetkizý josparlanýda. Avtomobıl kóligimen jolaýshylar tasymaldaý salasynda qozǵalys kestesin, marshrýtyn jáne jıiligin saqtaýdy qamtamasyz etý maqsatynda pılottyq rejımde oblysaralyq jáne halyqaralyq avtobýspen jolaýshylar tasymalyn dıspetcherleý júıesi iske qosyldy» dedi mınıstr.
Sondaı-aq ol 2019 jyldyń sońyna deıin 416 marshrýt boıynsha oblysaralyq jáne halyqaralyq jolaýshylar tasymalyn júzege asyratyn 2 myńnan astam avtobýs iske qosylatynyn atap ótti.
«Jol sektoryn sıfrlandyrý aıasynda Mınıstrlik «Jol aktıvterin basqarý júıesin»tájirıbe retindeengizdi. Bul júıe tańdalǵan jóndeý strategııasyna baılanysty qajetti ınvestısııalar kólemin jáne joldardyń tehnıkalyq jaǵdaıyn boljaıdy.Júıe 2020-shy jylǵa deıin respýblıkalyq mańyzy bar joldar jelisin (24,1 myń km) tolyq qamtıdy, al keıin ony jergilikti joldarǵa (72,8 myń km) engizý josparlanýda» dedi J.Qasymbek.
Onyń aıtýynsha, Almaty-Qapshaǵaı, Almaty-Qorǵas jáne Astana-Temirtaý ýchaskelerinde jalpy uzaqtyǵy 471 shaqyrym bolatyn aqy alý júıesi paıdalanýǵa berilgen. Jalpy 2021-shi jylǵa qaraı uzaqtyǵy 6,5 myń shaqyrym bolatyn 16 ýchaskege aqy alý júıesin engizý josparlanýda.
«Qazaqstan temirjoly» Ulttyq kompanııasy» Aksıonerlik qoǵamy«Magıstral» avtomattandyrylǵan basqarý júıesi aıasynda mobıldi dıagnostıkalyq quraldardy engizý» jobasyniske asyrýda. Joba 6 mobıldi-dıagnostıkalyq keshendi paıdalanýdy kózdeıdi, onyń 3-eýi 2018-shi jyly jeltoqsan aıynda jumysyn bastady. Osynyń nátıjesinde barlyq magıstraldyq jeliniń dıagnostıkasy 180 kúnniń ornyna 15 kúnde júzege asyrylatyn bolady, dıagnostıkalyq jabdyq qyzmetin qamtamasyz etý shyǵyny 2 esege tómendeıdi» dedi Indýstrııa jáne ınfraqurylymdyq damý mınıstri.
Budan ári ol tapsyrystardy óńdeý ýaqytyn qysqartý jáne tranzıttik konteınerler tasymalyn jetkizý tizbekterin ońtaıly basqarý maqsatynda «Mýltımodaldyq tasymaldardy basqarý júıesi» jobasynyń birinshi kezeńi iske asyrylǵanyn atap ótti. Búgingi kúni SAP CRM sheshimi bazasynda fýnksıonaldy engizý jumystary aıaqtalǵan. Júıede kompanııanyń 100-den astam qyzmetkeri jumys isteıdi. Sondaı-aq 2000 klıent boıynsha derekter júrgizilip jatyr.
