«E-SHANYRAQ jobasyn iske asyrý aıasynda 2018 jyldyń sońynda pılottyq rejımde Turǵyn úı-kommýnaldyq sharýashylyq salasynyń Biryńǵaı aqparattyq júıesi iske qosyldy. Nátıjesinde júıege 5217 kóppáterli turǵyn úıdiń elektrondy tehnıkalyq pasporty engizildi jáne 5767 túrli esepteý quraldary qosyldy. Pılottyq kóppáterli 166 turǵyn úıdiń 58-i jalpyúılik esepteý prıborlarymen jabdyqtaldy jáne eseptik aqparatty júıege joldaıdy», dedi Jeńis Qasymbek.
Mınıstrdiń aıtýynsha, jylýdyń tólemi 41%-ke tómendegen. Jeltoqsan aıynda 58 kóppáterli turǵyn úıdiń ortasha ekonomıkalyq tıimdiligi 11 mln teńgeden asty. Al, jylytý maýsymynyń sońynda 44 mln teńge únemdeledi dep kútilýde.
Aıta ketý kerek, júıe blokcheın rejıminde nysan qurylysy bastalǵannan aıaqtalǵanǵa deıingi barlyq prosesti baqylaýǵa múmkindik beredi. Synaq pılottyq rejımde Astana qalasyndaǵy naqty bir nysandarda bastaldy.
Baqylaý jáne qadaǵalaý organdary kúndelikti qashyqtyq rejıminde kameraldi baqylaý jasaı alady jáne jazbasha túrde eskertý bere alady. Eger qajet bolǵan jaǵdaıda bul júıe Tótenshe jaǵdaılar (órt qyzmeti), Sanıtarlyq epıdemıologııalyq qyzmet jáne Eńbek ınspeksııasy organdaryn da qosa alady.
