Kezdesý barysynda QR Energetıka mınıstrligi, QMG jáne Lýkoıl arasynda Kaspıı teńiziniń qazaqstandyq sektoryndaǵy Jeńis teńiz jobasynda birlesken qyzmet sheńberinde kómirsýtekterdi barlaýǵa jáne óndirýge jer qoınaýyn paıdalaný quqyǵyn berý boıynsha tikeleı kelissózder hattamasyna jáne О́zara túsinistik týraly memorandýmǵa qol qoıyldy.
Birlesken kelissózder sheńberinde Respýblıkanyń paıdasyna qol qoıý bonýsyn tóleý jáne jer qoınaýyn paıdalanýshynyń kadrlardaǵy (50%-basshylar, 80%- qurylymdyq bólimshe basshylary, 90%- mamandar boıynsha, 100%- bilikti jumysshylar), sondaı-aq keminde 50% jumystar men kórsetiletin qyzmetterdegi jergilikti qamtý úlesi boıynsha mindettemeleri jóninde kelisimge qol jetkizildi.
Yntymaqtastyqtyń kelesi kezeńi – Jeńis ýchaskesinde kómirsýtegi shıkizattaryn barlaý jáne óndirý jumystary boıynsha kelisimshart jasasý.
2018 j. 5 maýsymda QMG jáne Lýkoıl arasynda Jeńis jobasy boıynsha Qaǵıdattar týraly kelisim jasalǵan bolatyn. Osy kelisimde birlesken barlaýdyń negizgi talaptary bekitilgen bolatyn. 2018 j. 30 qarashada kompanııalar arasynda Birlesken qyzmet týraly kelisimge jáne Qarjylandyrý týraly kelisimge qol qoıylǵan.
Jer qoınaýyn paıdalaný týraly kodekstiń normalaryna sáıkes tikeleı kelissózder 2018 jylǵy 05 aqpanda qabyldandy.
QMG jáne Lýkoıl jyldar boıy birqatar birlesken jobalardy iske asyryp kele jatqan strategııalyq áriptester bolyp tabylady.
Búgingi tańda Qazaqstan Respýblıkasy otyn-energetıkalyq keshenin damytýdyń basym mindeti – tabıǵı resýrstardy barlaý men óndirýge ınvestısııalardy kóbeıtý, Kaspıı teńiziniń qazaqstandyq sektorynda jobalardy iske asyrý.
