«Almaty» aýdanynyń ákimi Ádilbek Sársembaevtyń málimetine súıensek, aýdan aýmaǵynda 387 aýla bar. Onyń 350-i búgingi tańda jaqsy kúıde. «2018 jyly 235 aýlanyń qurylysy, 6 gúl baǵyn abattandyrý jumystary júrgizildi. Osy jyly Músirepov kóshesi 10/2, 10/3 jáne Qajymuqan kóshesi, 15 mekenjaılary boıynsha eki gúl baǵyn salý, sondaı-aq qalǵan 37 aýlany abattandyrý jumystaryn júrgizý josparlanǵan», – dedi ol.
Sonymen birge, turǵyndardyń ótinishi boıynsha múmkindigi shekteýli balalarǵa arnalǵan oıyn elementteri ornatylǵan. Aýlaishilik aýmaqtarda 2 myń sham bar. 387 aýlanyń 25-i jaryqtandyrylmaǵan. «Almaty» aýdanynyń aýmaǵynda 2 584 beınebaqylaý kamerasy ornatylǵan. Olardyń 2 434-i – turǵyn úılerde, 150-i kósheler men kóshe qıylystarynda ornatylǵan. Osy jyly 945 kamera ornatylady dep josparlanýda (539-y «Sergek» kameralary). Aýdan aýmaǵynda ornatylǵan «Sergek» kameralarynyń jalpy sany 519-dy quraıdy.
«Esil» aýdanynyń ákimi Tólegen Zakarıanovtyń aıtýynsha, 2019 jyly 10 aýlaishilik aýmaqta jóndeý-qalpyna keltirý jumystaryn júrgizý kózdelgen. Aýdandaǵy 82 turǵyn úı kesheniniń kire berisinde 750 IP-kamera ornatylǵan. Ol turǵyndardyń óz páterlerin onlaın júıede qarap otyrýyna múmkindik beredi. «Saryarqa» aýdanynda aýlalardy abattandyrý jáne qaýipsizdikti qamtamasyz etý boıynsha keshendi jospardy júzege asyrý sheńberinde 35 aýla abattandyryldy. Atap aıtqanda, 16 fýtbol alańy, 2 basketbol jáne 24 jattyǵý alańy ornatyldy.
«Qazirgi tańda «Saryarqa» aýdany boıynsha 308 turǵyn úıde 3 881 beınebaqylaý kameralary ornatyldy. Aýdan turǵyndary men qonaqtarynyń qaýipsizdigin qamtamasyz etý úshin 267 úıdiń aýlasynda, sondaı-aq asa krımınogendi ýchaskelerdegi turǵyn úı (temirjol beketi aýdany, Arman dúkeni, memlekettik baǵdarlamalar úıleri, «Mahabbat 1,2» TK) aýlalarynda 677 «Sergek» beınebaqylaý kamerasy ornatyldy», – dep málimdedi aýdan ákimi.
Aýdanda qazirgi kezde jalpylaı alǵanda, 1 485 «Sergek» kamerasy ornatylǵan. Baıqońyr aýdanynda 367 jaryq berý quraly tapshy bolǵan. 2018 jyly aýdannyń óz kúshimen 43 aýlada jaryq shamdary aýystyryldy. Qalǵan mekenjaılar boıynsha jaryq berýshi quraldardy ornatý sharalary osy jyly aıaqtalmaq.
Sonymen qatar, aýdan aýmaǵynda azamattardyń qaýipsizdigin qamtamasyz etý úshin «Sergek» kameralaryn ornatý júrip jatyr. Qazirgi kezde birinshi kezeń aıaqtaldy, nátıjesinde 299 beınebaqylaý kamerasy iske qosyldy. Ekinshi kezeń barysynda Baıqońyr aýdanynda osyndaı 450 kamera ornatylatyn bolady. Kameralardy ornatý merzimi aǵymdaǵy jyldyń naýryz aıynyń sońyna deıin jalǵasady.
