«64,7 myń salymshynyń 195,9 mlrd. teńge jınaǵy bar. О́tken jyly bank 360 mlrd. teńgeniń 38,3 myń zaımyn berdi. Bul 2017 jyldyń deńgeıinen 48%-ke artyq ( 2017 jyly 243 mlrd. teńgeniń 28,7 myń zaımy berildi). Jalpy, turǵyn úı qurylys jınaq júıesi baspana alýdyń eń tıimdi ınstrýmentteriniń biri», - dep atap ótti mınıstr.
Onyń aıtýynsha, «Nurly jer» memlekettik baǵdarlamasy aıasynda Turǵyn úı qurylys jınaq bankiniń qatysýshylaryn nesıeleý úshin 5 jylda (2017-2021 jj.) 120 mlrd. teńge bólý qarastyryldy. «2019-2021 jyldarǵa arnalǵan respýblıkalyq bıýdjet týraly» Zań aıasynda 2019 jylǵa 28 mlrd. teńge bólý qoldaý tapty. Bıýdjettik kredıt Turǵyn úı qurylys jınaq bankine jyldyq 0,15%-pen 20 jylǵa beriledi.
«Salymshylarǵa beriletin zaımdar bastapqy jarnasy 20%-ke deıin bolǵan jaǵdaıda 25 jylǵa 5%-pen beriledi. Mysaly, quny 8,4 mln. teńge bolatyn páterdiń (60 sharshy metr eki bólmeli páter) aı saıynǵy tólemi 60 myń teńgeni quraıtyn bolady. Bólingen qarjy 3111 salymshynyń qoljetimdi zaım alýlaryna múmkindik beredi», - dep habarlady mınıstr Jeńis Qasymbek.
Bul qarjy aldaǵy 15 jylda 3 ret aınalymda bolady, ıaǵnı taǵy 6 myń salymshyǵa zaım beriledi. Búgingi kúni Turǵyn úı qurylys jınaq banki alǵan 69 mlrd. teńgeniń esebinen 74,5 mlrd. teńgeni quraıtyn 9 057 zaım berildi.
