Álem • 19 Aqpan, 2019

Qytaı ǵaryshta kún elektr stansııasyn salmaq

384 ret kórsetildi

Qytaılyq ǵalymdar orbıtalyq elektr stansııa jasaýdy bastap ketti. Ol kún energııasyn ǵaryshtan tikeleı alyp, lazer arqyly jerge jiberedi. Bul týraly BBC News aqparattyq agenttigi jazdy.

Qytaı baspasóziniń málimetinshe, Chýnsın aımaǵynda eksperımentaldy bazanyń qurylysy salynýda. Alǵashqy elektr stansııany stratosfera qabatynda 2021-2025 jyldary synaqtan ótkizbekshi.

Jobany «Chane-4» apparatyn aıǵa sátti qondyrǵan Kosmostyq tehnologııa akademııasy basqarady. Ol 2022 jyly óziniń kosmostyq stansııasyn salýdy josparlap otyr.

Qytaı kosmostyq programmasyna osy jyly bıýdjetten 8 mlrd dollar bólingen. Sondaı-aq ǵaryshty ıgerý men zertteýge aýqymdy qarjy bólgen elderdiń qatarynda AQSh tur.

Qytaı kosmostyq elektr stansııasy týraly «Science and Technology Daily» gazeti jazdy. Stansııanyń taǵy bir artyqshylyǵy – energııany aýa raıyna, jyl mezgiline, ýaqytqa táýelsiz túrde  táýlik boıy beredi. Kosmostyq tehnologııa akademııasynyń qyzmetkeri Pana Chjıhao bul stansııanyń adamzat úshin sarqylmas energııa kózi bolatynyn aıtty.

Alaıda, bul úshin birneshe tehnıkalyq tapsyrmalardy oryndaý qajet. Mysaly, kosmostyq elektr stansııanyń salmaǵy shamamen 1000 tonna. Bul Halyqaralyq kosmostyq stansııadan 2,5 ese úlken. Jer betinen mundaı úlken stansııany ushyrý kóp kúsh qajet etedi. Sondyqtan ǵalymdar ony ǵaryshtyń ózinde aqyldy robottar arqyly salmaq.

Taǵy tolyq sheshilmegen suraq: jınalǵan elektr energııasyn jerge qalaı jetkizý kerek? Teorııalyq turǵydan lazerlik sáýle men mıkrotolqyn  eń utymdy jol.  Biraq, áýeli olardyń qandaı jaǵdaıda kúshti ári ekologııaǵa zııansyz túrde áser etetinin anyqtaý qajet.

О́tken jyly Kalıfornııa tehnologııa ınstıtýtynyń ǵalymdary analogııalyq apparattyń prototıpin jasap shyqqan bolatyn. Ol kún sáýlesin ashyq kosmostan alyp, jer betine jiberedi. Buǵan qatysty zertteýler Eýropa, Úndistan, Japonııada da jalǵasyn tabýda.

Saltanat ShYNÁDIL

Sońǵy jańalyqtar

Ulttyq úrdister úzilmeıdi

Qazaqstan • Búgin, 21:52

Uly dalany jańǵyrtqan ulaǵat

Aımaqtar • Búgin, 21:27

О́zgelerdi tamsantsaq ónermenen

О́ner • Búgin, 21:23

Mereıimizdi ósirgen megajoba

Rýhanııat • Búgin, 21:14

Alakólge ǵaryshker kelgende...

Qazaqstan • Búgin, 21:01

Elorda ákimi azamattardy qabyldady

Elorda • Búgin, 17:38

«Kıik jappaı qyrylyp jatyr»..

Aımaqtar • Búgin, 14:15

Pnevmonııadan 5 adam qaıtys boldy

Koronavırýs • Búgin, 10:00

Elimizde 1222 naýqas koronavırýstan aıyqty

Koronavırýs • Búgin, 09:37

Uqsas jańalyqtar