Vzvodtardyń jaýyngerlik atystaryna motoatqysh jáne teńiz jaıaý áskeri bólimderi qatysýda, al olarǵa qoldaý retinde tank jáne artıllerııa bólimderi berildi. Vzvodtardyń jaýyngerlik oq atýlaryn ótkizý kezinde negizgi nazar durys taktıkalyq is-qımyldarǵa, urysta qarýdy sheber ári tıimdi paıdalaný jáne bólimshelerdiń atysyn basqarý, sondaı-aq qaýipsizdik sharalaryn qatań saqtaýǵa aýdarylady. Jaýyngerlik oq atýlardy ótkizý úshin áskerı bólimderdiń úzdik ádiskerleri oqý-jattyǵý polıgondarynda jerústi jáne áýe mejeleri boıynsha qarýdyń barlyq túrlerinen oq atýdy júrgizýdi, túngi kózdeýishterdi qoldana otyryp, túnde oq atýdy, sondaı-aq qol granatalaryn laqtyrýdy kózdeıtin jaǵdaı jasady.
Kúrdeli klımattyq jaǵdaılarda vzvodtardyń jaýyngerlik oq atýlaryn qamtamasyz etý úshin jerústi jáne áýe nysanalary, jeke qorǵanys quraldarynda jekelegen mejeler boıynsha atysty júrgizý, jaıaý áskerdiń jaýyngerlik mashınalarynyń, brondy transporterlardyń, BTR-da ornatylǵan oqshasharlardyń boınısalary arqyly oq atýdyń júrgizilýin, túngi kózdeýishterdi qoldana otyryp, oq atýdy, sondaı-aq qol granatalarynyń laqtyrylýyn kózdeıtin shynaıy jaýyngerlik jaǵdaı jasaldy.
Sabaqtar bólimshege júktelgen tapsyrmalardy eskere otyryp, kúndizgi jáne túngi ýaqytta shabýyldaýda, qorǵanys pen arnaıy áskerı is-qımyldarda vzvodtyń is-áreketterin úlgileıtin taktıkalyq daıyndyq taqyryptary boıynsha ótkizilýde.
Vzvodtardyń jaýyngerlik oq atýlary aǵymdaǵy jylǵy naýryz aıynyń basynda aıaqtalady.
Gúlaıym ShYNTEMIRQYZY,
«Egemen Qazagstan»
Mańǵystaý oblysy
