«О́tken jyldyń jeltoqsanynda «Qazaqstan Respýblıkasynyń keıbir zańnamalyq aktilerine kvazımemlekettik sektor sýbektilerin Memlekettik satyp alý jáne satyp alý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy (budan ári – zań) 2019 jylǵy 1 qańtardan bastap qabyldandy jáne qoldanysqa engizildi. Birinshi kezekte, bul zań «bir kúndik kompanııalardyń» satyp alýlaryna qatysýǵa jol bermeýge jáne dempıngtik baǵa jáne jetkizýshilerdiń qarjylyq jaǵdaıyna negizdelgen sapalyq ólshemderdi engizý sııaqty ózekti máselelerdi sheshýge baǵyttalǵan», delingen B.Saǵyntaevtan kelgen habarlamada.
Sondaı-aq habarlamada atalǵan máselelerdi sheshý úshin baǵany tómendetý qajet ekeni aıtylǵan. Belgilengen shekti baǵalar mynadaı:
- Qurylys-montajdaý jumystary boıynsha shegi 10% mólsherinde belgilengen;
- TEN, JSQ jobalaý boıynsha – 15 %;
- tehnıkalyq qadaǵalaý qyzmetteri boıynsha – 15 %.
Bul rette qurylys jobalaryna vedomstvodan tys keshendi saraptama jumystary boıynsha baǵany tómendetýge jol berilmeıdi. 2016 jylǵa deıin dempıngtik baǵa berýge tyıym salý qoldanylǵan kezeńde jeńimpazdy anyqtaý mynadaı túrde júzege asyryldy:
1) birinshi kezeńde jeńimpaz eń tómen konkýrstyq baǵa usynysynyń negizinde tanyldy;
2) ekinshi kezeńde konkýrstyq baǵa usynystary teń bolǵan jaǵdaıda, jumys tájirıbesiniń bolýy úshin beriletin úlken shartty jeńildigi bar áleýetti ónim berýshi jeńimpaz dep tanyldy.;
3) úshinshi kezeńde jumys tájirıbesi teń bolǵan jaǵdaıda konkýrsqa qatysýǵa ótinim basqa áleýetti ónim berýshilerdiń ótinimderinen buryn túsken áleýetti ónim berýshi jeńimpaz dep tanyldy.
«О́nim berýshini tańdaýdyń usynylatyn tásili bir kúndik kompanııalardyń satyp alýlaryna qatysýǵa jol bermeý. Sondaı-aq kásipkerlerdi salyqty adal tóleýge yntalandyrý. Atalǵan tártip 2019 jyldyń 1 qańtarynan bastap kúshine engenin jáne jartyjyldyq quqyq qoldaný praktıkasyn eskere otyryp, onyń shaǵyn jáne orta kásipkerlik sýbektilerine yqpal etý máselesin qarastyrýǵa bolady» delingen Premer-Mınıstrdiń depýtattyq saýalǵa jaýap bergen habarlamasynda.
