«Urynyń quıryǵy bir-aq tutam». Bireýdiń taban aqy, mańdaı terimen kelgen qarjysyn ıemdenip ketpek bolǵan ury ustaldy.
«Oryn alǵan derek boıynsha Qazaqstan Respýblıkasy Qylmystyq Kodeksiniń 192-babynyń 3-bóligimen sotqa deıingi tergep-tekserý amaldary júrgizildi. Tergeý barysynda jedel ýákilder, krımınalıst jáne tergeýshiniń kásibı biliktiliginiń nátıjesinde kúdiktiniń qylmystyq is-áreketi tolyq dáleldendi. Mamandardyń birlesken júıeli jumysy osylaısha oń nátıje berdi. Kúdiktiniń qylmystyq is-áreketi arnaıy sot saraptamalarmen, zertteý qorytyndylarymen tolyq dáleldendi. Nátıjesinde is aıyptaý qorytyndysymen sotqa joldandy», - deıdi Qyzylorda oblystyq polısııa departamentiniń baspasóz qyzmeti.
Sotta qylmysker óz qylmysyn moıyndaǵan. Endi ol jábirlenýshige urlaǵan aqshasyn tólep qana qoımaı, ómiriniń 10 jylyn temir tordyń arjaǵynda ótkizedi. Al, ol-óte aýyr ómir. Taǵdyryn osylaısha qıyndatyp alǵan azamattyń jazasy aýyr kóringenimen ádil kesim. О́ıtkeni, bireýdiń esebimen eki jep bıge shyqqysy keletinder qazir kóbeıip turǵan syńaıly.
Baqtııar TAIJAN,
«Egemen Qazaqstan»
Qyzylorda oblysy
