Júrek soǵýyn toqtatpasyn
Senbi, 9 maýsym 2012 7:48
Keshe Almatyda «Almaty Towers» bıznes-kesheninde 6-8 maýsymaralyǵynda ótken Qazaqstan kardıologtarynyń IV kongresi óz jumysynaıaqtady. «Praktıkalyq kardıologııaǵa ınnovasııalyq tehnologııalar»taqyrybynda ótken alqaly jıynǵa elimizdiń barlyq aımaǵynan 300-getarta densaýlyq saqtaý salasynyń jetekshileri, bas mamandar,kardıologtar men kardıohırýrgter, sonymen qatar Belgııa, Portýgalııa,Germanııa, Izraıl, Vengrııa, Italııa, Ispanııa, Reseı, Belarýs, Ýkraına,Qyrǵyzstan, t.b. elderden arnaıy shaqyrylǵan bilikti mamandar qatysty.
Senbi, 9 maýsym 2012 7:48
Keshe Almatyda «Almaty Towers» bıznes-kesheninde 6-8 maýsymaralyǵynda ótken Qazaqstan kardıologtarynyń IV kongresi óz jumysynaıaqtady. «Praktıkalyq kardıologııaǵa ınnovasııalyq tehnologııalar»taqyrybynda ótken alqaly jıynǵa elimizdiń barlyq aımaǵynan 300-getarta densaýlyq saqtaý salasynyń jetekshileri, bas mamandar,kardıologtar men kardıohırýrgter, sonymen qatar Belgııa, Portýgalııa,Germanııa, Izraıl, Vengrııa, Italııa, Ispanııa, Reseı, Belarýs, Ýkraına,Qyrǵyzstan, t.b. elderden arnaıy shaqyrylǵan bilikti mamandar qatysty.
Tórtinshi márte uıymdastyrylǵan kongrestiń alǵashqy kúni tek sheberlik-synybyna arnaldy. Kardıologııa jáne ishki aýrýlar ǴZI, Almaty qalalyq kardıologııa jáne Syzǵanov atyndaǵy Ulttyq ǵylymı hırýrgııa ortalyqtarynda ótken sheberlik synybynda Máskeýdegi RMǴA-nyń Bakýlev atyndaǵy Júrek-qan tamyrlary hırýrgııa ǵylymı ortalyǵynyń aǵa ǵylymı qyzmetkerleri N.N.Lomıdze, A.V.Staferov, Astanadaǵy Ulttyq ǵylymı kardıohırýrgııa ortalyǵynyń bólimshe jetekshisi S.A.Álimbaevtar júrekke ota jasaýdaǵy úzdik jetistikterimen tájirıbe bólisti.
Kelesi kúni alqaly jıyn Densaýlyq saqtaý mınıstri S.Qaıyrbekovanyń delegattarǵa joldaǵan quttyqtaý sózimen ashyldy. Onda atalmysh kongrestiń elimizdiń densaýlyq saqtaý salasyndaǵy mańyzdy oqıǵalardyń biri bolyp tabylatyny, turaqty ótkiziletin mundaı basqosýlar otandyq kardıologııa qyzmetiniń negizgi strategııalyq baǵyttary men basymdyqtaryn aıqyn kórsetetini, praktıkalyq kardıologııaǵa jańa ınnovasııalyq medısınalyq tehnologııalardy endirýge kómektesip, mamandardyń kásibı sheberligin arttyrýǵa septigin tıgizetini aıtyldy. Sondaı-aq quttyqtaý lebiz bildirgen Qazaqstan Kardıologtar qaýymdastyǵynyń prezıdenti Sálim Berkinbaev mundaı jıyndar birinshiden, áıgili sheteldik jáne otandyq ǵalymdardy, praktıkalyq dáriger-kardıologtardy, terapevterdi, kardıohırýrgtardy memlekettik mekemeler ókilderimen birge bas qosýǵa múmkindik beretin mańyzdy is-shara ekenine toqtala kelip, kongress jumysyna qatysýǵa arnaıy kelgen Eýropalyq kardıologtar qoǵamynyń vıse-prezıdenti, professor Faýsto Pıntoǵa erekshe alǵys bildirdi.
Barshaǵa aıan, elimizde júrek aýrýlary ólim-jitim boıynsha birinshi orynda tur. 2006-2008 jyldary júrek-qan tamyry aýrýynan jylyna 80 myń adam qaıtys bolsa, sońǵy eki jylda bul kórsetkish 71-72 myńǵa tómendegen. Bul árıne, jaman kórsetkish emes. Al aýyratyndar sany búginde gıpertonııalyq, júrek-qan tamyrlary aýrýlaryn qosqanda 1 mıllıonnan asyp otyr. Desek te, Qazaqstanda 2007-2009 jyldarǵa arnalǵan kardıologııa jáne kardıohırýrgııa salasyn damytý maqsatynda baǵdarlamalar qabyldanyp, onymen qatar Elbasynyń bıylǵy Joldaýynda adam áleýetiniń deńgeıin arttyrýda kórsetilgen medısınalyq qyzmetterdiń qol jetimdiligi men sapasy, salamatty ómir saltyn qalyptastyrýdy nasıhattaý mańyzdy baǵyt bolyp tabylatyny aıtylǵan. Mine, búginde sol baǵdarlamalar men mindetterdi júzege asyrýdyń nátıjesinde jaqsy kórsetkishterge qol jetip otyr.
– Eger 2006 jyly júrek-qan tamyrlary aýrýynan ólim kórsetkishi respýblıka boıynsha 100 myń adamǵa shaqqanda 526 adamnan kelse, 2011 jyly 319 adamǵa kemigen, – dedi bizge kongrestiń ótkizilý maqsatyna toqtalǵan Kardıologııa jáne ishki aýrýlar ǴZI dırektory, medısına ǵylymdarynyń doktory professor Sálim Berkinbaev. – Onyń sebebi, birinshiden, 2007 jyly Elbasy tapsyrmasymen Úkimet Qazaqstanda kardıologııa men kardıohırýrgııa salalaryn damytý jóninde qabyldaǵan memlekettik baǵdarlama boıynsha elimizde tórt-bes kardıohırýrgııalyq ortalyq, barlyq oblys ortalyǵynda kardıohırýrgııalyq jáne ıntervensııalyq kardıologııa bólimsheleri ashyldy. Buryndary júrek-qan tamyrlary aýrýlaryna kóbinese konservatıvtik em júrgizilse, qazir álemdik hırýrgııalyq tásildermen emdeýge kóshtik. Mine, kongreste sol qol jetkizgen jetistikterimiz ben nátıjelerimizdi ortaǵa saldyq. Ekinshiden, ólim-jitimdi odan ári azaıtý úshin júrek-qan tamyrlary aýrýynyń aldyn alyp, onyń ózimen emes, sebep-saldarymen kúresý qajettigi sóz boldy. Iаǵnı Qazaqstanda profılaktıkalyq medısınany damytýdy uıymdastyrýdy qolǵa alýymyz kerek. Sondaı-aq jıynda kóterilgen basty máseleniń biri, buǵanǵa deıin kardıologııalyq klınıkanyń salalary – kardıologııa, kardıohırýrgııa men ıntervensııalyq kardıologııa árqaısysy bólek bolsa, endigi maqsatymyz barlyǵymyz bir qaýymdastyqqa birigip, birge jumyla jumys jasaý.
Kongress jumysyna ózderiniń úlken jetistikterimen kelip otyrǵanyn jetkizgen Almaty oblystyq kardıologııa ortalyǵynyń bas dárigeri Rahymberdi Sultanbekov ortalyqtaǵy ozyq tehnologııalardy paıdalanýdyń nátıjesinde ótken jyly 100 myń adamǵa shaqqanda júrek aýrýlarynyń negizgi túri boıynsha ólim-jitimniń 200-den 52,2-ge deıin azaıǵanyn tilge tıek etti. Máselen, Taldyqorǵan qalasyna 2008 jyly jańa qural-jabdyqtar ákelinip, 2009 jyldan bastap oblys halqyna joǵary dárejeli kardıohırýrgııa qyzmetteri kórsetile bastaǵan. Qazir olar birqatar kúrdeli operasııalardy oblystyq ortalyqta jasaýda. Mysaly, buryn tek eresekterdiń júregine ǵana ota jasalyp kelse, aǵymdaǵy jyldan bastap jas balalardyń týa bitken júrek aýrýlaryna da operasııa jasaý josparlanyp otyr.
Sonymen qatar, kongress aıasynda «Júrektiń ıshemııa aýrýymen jáne sozylmaly júrek kemistigimen aýyratyndardy emdeý men aldyn alýdyń zamanaýı aspektileri», t.b. Satellıttik sımpozıýmdar men «Kardıologııa jáne kardıohırýrgııadaǵy dıagnostıkalaý men emdeýdiń jańa tehnologııalary» seksııasy boıynsha TMD elderinen kelgen mamandar dáris oqydy. Jıyn sońynda kardıohırýrgııa salasyn jetildirýge qatysty qarar qabyldandy.
Gúlzeınep SÁDIRQYZY,
«Egemen Qazaqstan».
