ÁLEMGE TARAǴAN ÁÝENDER

Sonaý muhıttyń arǵy betindegi elde qazaqtyń kompozıtory ózge jurtty ónerimen moıyndatyp, jazǵan mýzykalary búginde álemdi sharlap ketipti dese, kim kimniń de tosyrqaı tyńdaýy ábden múmkin ǵoı. Bul qaı qazaq, onda qaıdan tap bolyp júr?Álem tanyǵan kompozıtordyń óz eline oralam degen oıy bar ma? Jany qazaq pa eken óziniń degen syndy san suraqty jaqynda “Táýelsizdik tolǵaýy” konkýrsyndaǵy eń úzdik balet týyndysy nomınasııasy boıynsha jeńimpaz atanǵan kompozıtordyń aldyna tosqanda, bizge beımálim biraz syrdyń syńǵyr qaqqany ras. Kanada asyp, búginde Vankýverde turyp jatqan qandasymyzdyń aty-jóni – Ádil Bestibaev. Iá, Qazaqstan Kompozıtorlar odaǵynyń, sondaı-aq Kanada mýzyka ortalyǵynyń múshesi, sono-oý bir jyldary esimi “Surapyl Surjekeı”, “Qazaq tarıhy” fılmderine arnap jazǵan mýzykalarymen tanylǵan Ádil baýyrymyz. Osydan úsh-tórt jyl buryn shetel asyp ketti degen sybysty qulaǵymyz shalyp qalǵan. Endi, mine, sol esim ónerdiń báıge alańynda taǵy da asqaq muratyna jetip, Otanyna úzdik týyndy syılap otyr. Al onyń sheteldegi dańqyna kelsek, búginde shyǵarmalary álemdik eń ozyq úrlemeli mýzykalyq týyndylar boıynsha alǵashqy ondyqtan oryn alatynyn aıtsaq ta jetkilikti sııaqty. Amerıkalyq Djon Rıd, fransııalyq Ida Gotkovskı, gollandııalyq Iohon de Meı syndy taǵy da basqa esimder eńsergen bıikten bizdiń de otandasymyz ornyn taýyp jatqanda qalaısha qýanbasqa. Úrlemeli orkestr­ge jazǵan shyǵarmalary Avstrııa, Germanııa, Fransııa sııaqty birtalaı elderde jaryq kórip, AQSh, Shveısarııa, Ispanııa, Fransııa, Avstrııa, Italııa, Gollandııa, Shvesııa, Reseı, Taıland sahnalarynda oryndalǵan avtormen órbigen áńgimeniń negizgi arqaýy da mýzyka haqynda. – Ádil Mámbetuly, áýeli týǵan jerińiz, ósken uıańyz týraly aıtyp berseńiz. –Almatyda, ónerli otbasynda dúnıege keldim. Ákem Mámbet Bestibaevtyń esimin mádenıet salasyndaǵy adamdar óte jaqsy biledi. Kezinde fılarmonııany, Qurmanǵazy atyndaǵy akademııalyq orkestrdi basqarǵan. Men de bala kúnimnen ónerdi súıip óstim. Respýblıkalyq Ahmet Jubanov atyndaǵy qazaq mýzyka mektebin bitirgen soń, Qurmanǵazy atyndaǵy memlekettik konservatorııada ulttyq klassıkanyń negizin qalaýshylardyń biri, mýzyka maıtalmany, professor Ǵazıza Ju­banovanyń klasynda bilim aldym. Chaıkovskıı atyndaǵy Máskeý konservatorııasynda N.Sıdelnıkovten sheberligimdi shyńdadym. Mýzykalyq baǵyt-bastaýymnyń qalyptasýyna osy bilim oshaqtarynda dáris bergen ustazdarymnyń kórsetken kómegi ushan-teńiz. – Sol kezdegi ónerli jastardyń boıynan nendeı qasıetterdi bóle-jaryp aıtar edińiz? – Nemis halqy úshin Bah pen Bethovenniń, polıaktarǵa Shopenniń, ıtalıandyqtarǵa Paga­­nını men Verdıdiń, orystar úshin Chaıkovskıı men Glınkanyń rýhy máńgilik sanalsa, áýeni men kúıleri ejelden klassıkalyq mýzykanyń pirindeı erekshe qurmetke ıe qazaq dalasy nege osy ýaqytqa deıin álemdik órkenıet ónegesine osyndaı óziniń asqaraly tulǵasyn qosa almaı kelgen degen oı únemi meniń janymdy almas­taı osatyn. Qashannan erkindik tańy tynbaı jyrlanǵan saharadan mundaǵy uly týyndylar áldeqashan zańǵar kókke bıiktep, adamzattyq ıgilikke aınalýǵa ábden quqyly emes pe edi? Olardy tunshyqtyryp, ezgiden eńsesin tik­tetpegen ne nárse? Jastyq otyn toqsanynshy jyldar toqyraýy kómeskileı bastaǵanda namys-jigerin azattyq rýhy bılegen jas urpaq osy bir máselege kóbirek mán bergeni ras. So­nyń bel ortasynda ózim de júrdim. Bizge jurt qazaq ónerindegi jańa tolqyn dep baǵa berdi. Jańa tolqyn ókilderi ónerdiń barlyq sala­sy­nan birtindep boı kóterip kele jatty. Kompo­zıtorlardyń jas býyny da mýzykaǵa jańasha qoltańba alyp keldi. О́ıtkeni, bir orynda toqtap turyp qalý qolda bar qundylyqtyń ózine ıe bolyp qala almaıtyn halge jetkizetin edi. Sondyqtan qazaqtyń mádenıeti men óne­rine jany ashıtyn zııaly qaýymnyń sanasyn “Biz kimbiz?” degen saýal sabalady. Olardyń arasynan munda óz múmkindigi shekteýlideı kórinip, qulashyn keńge sermeı almaǵan keıbir óner ıeleri ózge elderdiń shyǵarmashylyq mektebinde shyńdalýdy jón taýyp, shet el asyp ketip jatty. Álemdik deńgeıdi baǵyndyrý jolynda baq synaǵan ondaı birli-jarym talpynystar týraly kezinde jaq ashtyrmaıtyn edi ǵoı. Biraq ýaqyt eski úlginiń úıindisin qoǵa­mymyzdan birtindep ysyryp, tyń ıdeıalardyń júzege asýyna qolaıly múmkindikter týǵyzýda. О́ner órkenıetine Qazaqstan TMD aýmaǵynda qol sozǵan alǵashqy memlekettiń biri desek, oǵan dálel – búginde kóptegen óner sańlaqtary álemdegi eń iri teatr sahnalarynda sátti óner kórsetip júr, sondaı-aq daryndy jastarymyz sheteldegi ataqty óner oshaqtarynda kásibı sheberlikterin shyńdaýda. Baıaǵy oqshaýlaný oshaǵy eskirdi. Bir baıqaǵanym, sońǵy jyldary ózge elderdiń mádenıetimen aralasyp-quralasý jıilep keledi. О́nerdiń túrli salasynda birles­ken tyń jobalar dúnıege kele bastady. Osylar óneri shetelderde qurmetke ıe otandastarǵa degen burynǵy qasań uǵymdardy ózgerterine senemin. – Klassıkalyq mýzykaǵa qaraǵanda, jeńil áýenge jurt kóbirek elitip ketip jatady. Al Ka­nadada mýzykańyzdy halyq qalaı qabyldaıdy? – Ol ras, meniń alǵashqy “Azııa daýysy” dep atalatyn dıskim 1993 jyly Avstrııada ja­ryq kórdi. Osy tabys birtindep ataǵymdy asy­ryp, shyǵarmashylyq jumysymnyń órge ba­sýyna aıtarlyqtaı áser etti. Al munda úrmeli mýzyka óte keń taraǵan janr. Máselen, AQSh pen Kanadadaǵy bilim oshaqtarynyń, ýnıver­sı­tetter men kolledjderdiń, mektepter­diń janynda ózderiniń jeke úrlemeli orkestr­leri jumys isteıdi. Amerıkalyq “BANDWORLD” ba­sylymy ha­lyqqa tek úr­lemeli mýzyka óneriniń tań­daýly ókilderin tanystyrýmen aınalysady. Osyǵan qarap-aq, olarda bul máselege qan­sha­lyqty kóńil bólinip otyr­ǵanyn baǵamdaı berińiz. Memlekettik úrlemeli or­kestr­diń oryn­daýyndaǵy “Azııa daýysy” saltanatty marsh-sherýim dúnıe júzine keń taraǵan týyndylarymnyń birinen sanalady. Úrlemeli orkestrge jazǵan shyǵar­ma­larym búginde batys sahnalarynyń reper­týa­rynan túspeı keledi. “Azııa daýysy” festı­valiniń ashylýyna arnap jazǵan marsh-sherýimdi quramynda 500-ge jýyq múshesi bar orkestr (AQSh) 1995 jyldan beri úrlemeli mýzyka Kon­gresinde úzbeı oryndap keledi. Dál osy jy­ly Amerıka men Sıetlde mýzykalarym shyr­qala sala Avstrııanyń “JOHANN KLIMENT KG” ba­sylymynan shyqqan 200 partıtýramdy jurttyń qalaı talap alǵany áli kúnge jadymda. Buǵan qosa taǵy da 200 partıtýra Eýropaǵa tarap úlgerdi. Mádenıeti bir kezderi dáýirlep turǵan ımperııanyń gúldengen shaǵy men keıin onyń qalaı jermen jeksen bolǵanyn baıandaıtyn 1991 jyly dúnıege kelgen “Uly Moǵol” sımfonııalyq poemam da tyńdarmandy tynysymen ilestirip alyp ketti. “Idee Fixe” sım­fonııamnyń ıdeıalyq mazmuny men fılo­sofııalyq tujyrymyn Shostakovıch, Brıtten, Oneggerdiń mýzykalyq polotnolarymen uqsastyrýshylar kóp. Onda HH ǵasyrdyń tutas shejiresi tujyrymdalady. Týyndyma adam balasy basynan keshken qaıǵy-qasirettiń jyryndaı jan-dúnıeleri ezilip qulaq túrgen qaýymnyń rýhanı shólin osymen qandyra aldym ba, joq pa, ol suraqtyń ádil jaýabyn beretin tek halyq ekeni belgili. Onda dúnıe júzin dúr silkindirgen búkil qaqtyǵys, halyq pen bıliktiń kúresi mýzyka tilimen jańasha órilip, epıgrafyna “...Sankt-Peterbýrg, 1917...Praga, 1968... Almaty, 1986... Pekın, 1989... Máskeý, 1991...” syndy eleýli kezeńder tizilip kórsetilgen. 1993 jyly ol Memlekettik úrlemeli orkestrdiń oryndaýynda 44 óner ujymy baq synasqan Ispanııadaǵy festıvalge qatysty. Munda Qazaqstan kompozıtorlarynyń shyǵarmalary kóptep oryndaldy. Sonyń ishinde jurtshylyq ásirese, “Idee Fixe” sımfonııasyn aıryqsha súıispenshilikpen qabyldady. Osy sátten bastap, shyǵarmalaryma qyzyǵýshylar qaptap ketti. Úrlemeli mýzyka kongresine jan jaqtan ádeıilep izdep kelip tyńdaýshylar kóbeıdi. “Katalonıı–2001” kameralyq mýzyka festıvalinde oryndalǵan Jaıaý Musanyń “Aq sısa” ánine jazǵan fantazııam úlken tabysqa ke­neldi. Shyǵarmany oryndaǵan Janat Erma­nov­tyń úrlemeli aspaptar kvıntetin kópshilik sahnadan kópke deıin jibermeı qurmet kórsetýi adamǵa qalaısha qanat bitirmeıdi. “Fantazııa” Qazaqstannyń Avstrııadaǵy mádenıet kúnde­rinde de jurt rızashylyǵyna bólengen bolatyn. – Shyǵarmalaryńyzdyń shet elderde osynsha joǵary baǵalanyp, tabysqa kenelýin nemen túsindiresiz? – Eýropa men Batysta klassıkalyq mýzy­kaǵa halyqtyń qurmeti ejelden erekshe. Olar bul baǵyttaǵy tıtteı bir jańalyqtyń ózin qalt jibermeı qadaǵalap otyrady. Ásirese, buryn-sońdy estilmegen sony únderge úzdige qulaq túredi. Meniń shyǵarmam dál sondaı qaıtalan­bas órnegimen qatty áser etken bolsa kerek. Sa­ryny bólek, mýzykalyq tili men stıli esh­kim­ge uqsamaıtyn mýzykantqa kórsetiler qur­met kisini jigerlendire túspeı me? Shyǵar­mashylyq adamyna týyndysy turalamaı, týy jelbireı túskennen asqan shattyq bar ma? Mýzykanyń yrǵaǵy men ekpini, shynaıylyq pen beıneli sýretteý, buryn eshbir shyǵarmaǵa arqaý bolmaǵan sony soqpaq á degennen-aq jurt nazaryn aýdaryp, ábden estile-estile jaýyr bolǵan eski eýropalyq “stereotıpti” buza-jara sahna tórine ozdy. Meniń mýzy­kalarymdy tyńdaýǵa jurttyń sonshama yntyq bolatyny dalanyń tamyrynan taraıtyn tunyq boıaýynda shyǵar degen oıǵa kelýimniń máni sondyqtan. – Jańa tolqyn ókilderiniń báriniń shyǵar­malary osylaı tolaǵaı tabysqa kenelip jatyr ma? – Shynyn aıtqanda, bizdiń býyn kezinde eýropalyq, orys mýzykasynyń úlgisimen oqyp, ósti ǵoı. Dástúrli jáne kásibı qazaq mýzykasy jaıynda mardymdy maǵlumat ala almaı, alsaq ta shala-sharpy ár nárseniń basyn bir shalyp, tamyrymyzdan qıylyp kete jazdaǵanymyz keıin janymyzǵa qanshalyq aýyr soqqanyn bilesiz be? Biz oqyp júrgende jastardyń ult­tyq sanasy jańadan ǵana oıanyp kele jatqan. Ol, ásirese, shyǵarmashyl jastardy rýhtandyr­dy. Al búgingi kúnge kelsek, sol kezde rýhy shyń­dalǵan tolqyn qazir klas­sıkalyq janrdyń jańǵyryp, zamanǵa saı beıimdelýine ter tógip keledi. – Ádil myrza, Vankýverde qazir qandaı jumys isteısiz? – Mýzyka teorııasy, orkes­trovka, kompozısııa, fortepıano boıynsha jastarǵa dáris berýmen aına­lysamyn. Biraq eń negizgi shuǵyldanatyn jumysym – jeke shyǵarmashylyǵyma kóbirek ýaqyt jum­saımyn. Jaqynda “Jertvoprınoshenıe Tengrı” atty sım­fonııalyq týyndymdy jazyp bitirdim, tusaýkeserin Almatyda ótkizbekpin. Kameralyq mýzyka jazyp ja­tyrmyn. Kanadaǵa keterimniń aldynda Almaty men Astanada avtorlyq keshterim ótti. Qazir ózim turatyn Vankýver qala­synda “Steppenwolf” (“Dala arlany”) atty tyń týyndymdy kórermenge usynyp otyr­myn. Dala men órkenıettiń ushtasýyn za­manaýı mýzyka tilimen osylaı órnektegim keldi. Ol – “Kodeks Kýmanıkýstyń” sım­fonııa­lyq úlgisi bolyp tabylady. Munda mýzyka arqyly tarıhı qundylyqtyń mán-maǵ­y­nasyn beıneli bederleýge tyrystym. Batys pen Shyǵystyń qabysqan ıirim­derin, baıyrǵy babalar ańsaǵan aqıqat pen jan tebirenisti osy shyǵarmamda jan-jaq­ty sıpattaýǵa kóńil bóldim. Amerıka men Batys Eýropa mádenıetinde túrli janrlar­dyń qatysýymen ǵajaıyp úlgiler jasaý úrdisi bar. Máselen, Vankýverde arnaıy mýltıult­tyq orkestr jumys isteıdi. Túrli ult ókilderi shyǵarmany ózderiniń mýzykalyq aspaptarynda oryndaıdy. Osy alýan únder úılese kelip, ortaq múddelerdi týdyrady. – “Jeruıyq” baletińiz kóp janrly sıntezdik shyǵarma dep estip jatyrmyz. Osy balet týraly aıtyp berińizshi. – Ol týǵan jerge,Otanǵa degen perzenttik mahabbat jaıynda. Ideıa avtory, sıýjetin oılastyrǵan – Muhtar Qul-Muhammed. Keıipkeri Asan qaıǵy babamyz sekildi keń jahandy sharlap, jeruıyq izdegen búgingi zamannyń adamy. Barmaǵan jeri, baspaǵan taýy qalmaıdy. Jeruıyq izdep júrip, nebir oqıǵalardy basynan ótkizedi. Aqyr sońynda adamnyń týǵan jerinen qymbat dúnıede eshteńe joqtyǵyna, atameken naǵyz jeruıyqtyń ózi ekenine kózi jetken keıipker Qazaqstanǵa taban tireıdi. Munyń prototıpi ózim. Qazirgi zamanǵy baletke etnofolklor úni qosylyp, kóne áýen men qazirgi saryn ózara sabaqtasa óriledi. Ony álgi sırek kezdesetin sıntezdik naqysh erekshelendirip tur. ­­­­­– Bul konkýrstyń basqa konkýrstardan aıyrmashylyǵy – úzdik atanǵan shyǵarma sahnalanady dep josparlanýda. “Jeruıyq” baletimen kórermenniń kózaıym bolatyn kúni alys emes shyǵar? ­– Mádenıet jáne aqparat mınıstri Muhtar Qul-Muhammed ony Qazaqstannyń jetekshi teatrlarynda sahnalanatynyn aıtty ǵoı. Sol sharaǵa oraı taǵy da atamekenge at basyn tireıtinim anyq. – Shyǵarmalaryńyzdy otandyq orkestrler oryndaı ma? – Máselen, Qurmanǵazy atyndaǵy orkestr men “Otyrar sazyna” arnap jazǵan mýzy­kalarym óz aldyna bir tóbe. Árıne, olardy men dástúrli mýzykanyń úlgisinde jazdym, biraq keleshekte halyqtyq orkestrlerge budan múlde bólek tyń joba usyný oıymda júr. – Vankýverde kimdermen shyǵarmashylyq baılanystasyz? – Sımfonııalyq orkestrler men ansambl­­derdiń búkilálemdik assosıasııasynyń múshesi, ataqty dırıjer Mark Krompton jetekshilik etetin úrlemeli orkestrmen tyǵyz shyǵarma­shylyq baılanystamyn. Álginde aıtyp ótken mýltıorkestrdiń dırıjeri de orkestrlerine ádeıilep mýzyka jazyp berýimdi ótinip júr. – Ol elde Qazaqstan kompozıtorynyń bedel-bıigi qanshalyqty baǵalanady eken? – Bul eldiń zańdary negizinen túrli mádenı toptardyń quqyn qorǵaýǵa jumys isteıdi. Adamdardy alalap-qulalamaıdy. Maǵan munda rýhanı baı jandar turatyndaı kórindi. Sodan da bul elge tez baýyr basyp kettim. – Kanadaǵa otbasyńyzben kóship bardyńyz ba? – Iá, áıelim Fatıma matematıka pániniń muǵalimi bolǵan. Qazir basqa kásipke beıimdelip jatyr. Ulym Smaıyl kınooperator maman­dyǵy boıynsha oqyp júr. Jasy on toǵyzda. Qyzym Merýert, jasy segizde, fransýz mektebinde oqıdy. Áńgimelesken Qarashash TOQSANBAI. VENA BALYNDAǴY QAZAQ ÁÝENDERI О́tken aptada qazaq óneriniń ókilderi “Gúlder” bı ujymy men Asylbek Eńsepovtiń konserti Eýropadaǵy qaýipsizdik jáne yntymaqtastyq uıymynyń Venadaǵy jyl saıynǵy qaıyrymdylyq balynyń sharyqtaý shegi boldy. Bul kúnderi Avstrııa asta­na­sy ádettegideı qańtardan naý­ryz­ǵa deıin sozylatyn bal maý­symyn bastan keshýde. Bul kezeńde qalada árqaısysynyń óz ataýy men dástúri bar júzde­gen baldar ótkiziledi. EQYU balyna 1200-den astam Uıym Hatshylyǵynyń qyzmetkerleri, Vena dıplomatııalyq korpýsy­nyń, sondaı-aq bıznes-qaýym­dastyq ókilderi qatysyp, ol shahar ortalyǵyndaǵy Hofbýrg saraıynda ótti. Barlyq osyndaı sharalar sekildi EQYU baly – klassıka­lyq jáne osy zamanǵy bıdiń, tańqalarlyqtaı sándene kıingen bıkeshter men jarasymdy smo­kıngter kıgen myrzalardyń bas qosatyn jeri. Bul sharanyń basqalarynan bir ereksheligi, onyń qaıyrymdylyq baǵytyn­da ótýi. Máselen, ótken jyly osyndaı baldan túsken qarajat Uıymnyń búkil keńistigindegi 15 bal jobalaryna jáne eki qordy qarjylandyrýǵa jumsalǵan. “Basqa zaıyrly sharalarǵa qaraǵanda bizdiń bal – bul jınaqy da qolaıly shara, onyń aıryqsha tartymdylyǵy da osyn­da”, – deıdi EQYU kon­ferensııa qyzmetiniń ókili Mık­kı Krol. Jyl saıyn qa­ty­sýshy memleketter men jeke menshik bıznestiń ókilderi sharanyń nárlendirýshisi jáne demeýshisi bolyp júr. Dástúr boıynsha EQYU ba­ly jergilikti bı mektepteriniń óner kórsetýimen bastalyp, bu­dan keıin maestronyń “Bári de bıleıdi!” degen habarlandy­rýyna ulasady. Úsh bı alańynda klassıkalyq valsten bastap rok-n-rollǵa deıingi bıler or­kes­trdiń jáne estradalyq ujym­­dardyń súıemeldeýimen kórsetiledi. EQYU balynyń sharyqtaý shegi tóraǵa memleket usynatyn “sıýrprız” bolady. Bul joly elimizdiń Mádenıet jáne aqpa­rat mınıstrliginiń qoldaýy jaǵ­daıynda “sıýrprız-nómir” jı­nalǵandardy qaıran qaldyrdy. Qazaqstannan kelgen “Gúlder” bı ansambli “Shashý” jáne “Arý­lar” kompozısııalaryn oryn­daǵanda talaı óner qoıy­lymdaryn tamashalap júrgen Venanyń talǵampaz jurtshy­ly­ǵy dúrildete qol soqty. Qazaq arý­lary ulttyq horeografııalyq sheberlikterin kórsetýmen qatar osy zamanǵy jáne dástúrli stıl­­degi keremet áıel kıimderin kórsetti. Dombyrashy Asylbek Eńse­pov barabanshy Marat Ahmet­janovpen qosylyp, Maham­bettiń “Jumyr qylysh” atty kúıin jáne basqa da kúılerdi oryndap, Vena kórermenderin bir jelpintip tastady. Talǵat JUMAǴULOV, "Egemen Qazaqstan" - Venadan. “AZAPQA TOLY QYZ ǴUMYRY” Taraz qalasynda túsirilgen alǵashqy kórkem fılm osylaı atalady Oblys ortalyǵyndaǵy Jastar saraıynda M. H. Dýlatı atyndaǵy Taraz memlekettik ýnıversıtetiniń oqytýshysy, rejısser Dúısebaı Erkebaevtyń “Azapqa toly qyz ǵumyry” atty fılminiń tusaýkeseri bolyp ótti. Fılmniń ssenarııin jazǵan Nursulý О́temisova, qoıýshy-rejısseri Erǵazy Matjanov, operatory Jeńis Qalmurzaev, dybys rejısseri Nurǵalı Jazyqbaev, kompozıtory Amanbaı Maldybaev – bári de óńirdegi ónerge degen talasy bar azamattar. Fılmniń basty maqsaty – jas urpaqty adamgershilik qasıetterge baýlyp, áleý­met­tik teńsizdikti rýhanı baı­lyqpen jeńe bilýge tár­bıeleý. Fılmdegi qahar­mandardyń rólin, negizinen, ýnıversıtet oqytýshylary men stýdentter oınap shyq­qan. Ásirese, taǵdyry tál­kekke toly Aısha atty qyz­dyń balalyq shaǵy men boı­jet­ken kezin somdaıtyn Bo­tagóz Qasymbekova men Záýre Aıdarbekova ýnı­ver­sıtet ja­nyndaǵy kópsalaly kolledj­diń stýdentteri bolsa, Baıan atty kelinshek pen mektep dı­rektorynyń jáne mu­ǵa­lim­niń rólin ýnıversıtet oqy­tý­shylary Faıza Kó­ne­nova, Aıgúl Qabıeva jáne Dúı­se­baı Erkebaev (fılm re­jısseri) sátti oınap shyqqan. Degenmen, fılm júgin kóterýde oblystyq qazaq drama teatrynyń óner tar­landary, ásirese, QR halyq ár­tisteri Máken Ra­qym­janova, Maıra Álim­bek­qyzy jáne QR mádenıet qaıratkeri Júnis Álimbekov shyǵar­ma­shylyq turǵydan kóp at salysqan. Al basty rólderdiń biri, jas jigit Nurlybektiń minez-qulqyn qarapaıym bank qyzmetkeri Talǵat Shaıhıev shynaıy sheberlikpen kórsete bilgen. Jaqynda TarMÝ-dyń oqytýshysy, fılm re­jısseri Dúısebaı Erke­baev­ty Jambyl oblysy ákiminiń orynbasary Meırambek Tólepbergen qabyldap, onyń shyǵar­ma­shy­lyq jos­par­la­rymen tanysyp, aýdan, qala jurtshylyǵyna tárbıelik mańyzy zor fılm kór­se­tilimderin uıym­dastyrýǵa ákimdik tarapynan kómek bolatynyn aıtty. Álbette, jambyldyq re­jısser D. Erkebaevtyń al­ǵash­­qy fılmin tórt aıa­ǵynan teń basqan týyndy dep aıtýdan aý­laqpyz. Áttegen-aılary da joq emes. Biraq taýdaı talap pen jı­ǵan-tergen jeke qar­jysyn ónerge jumsaǵan re­jıs­ser­diń jankeshtiligi óz-ózi­ne senimsizdik tanytyp júrgen kóptegen talanttardy nar­tá­ýekelge shaqyratyny anyq. Keńestik dáýirde baspalar men kınostýdııalar tek qana iri mádenı orta­lyq­tarda ǵana bol­­ǵany belgili. Biraq eli­miz­degi óner men shy­ǵarma­shy­lyqqa degen erkin­dik bul si­res­ken seńdi buzdy. Bizdi sú­ı­sindirgeni de osy bolyp otyr. Kósemáli SÁTTIBAIULY, Jambyl oblysy.