Basqarmanyń jańa basshysynyń aldyna qoıylǵan basty mindetterdiń biri - qalany qorshaǵan ortany jaqsartý, ekonomıkanyń túrli sektorlaryna tıimdi «jasyl» jobalardy engizý, sý resýrstaryn, jasyl qordy saqtaý jáne ulǵaıtý arqyly qalanyń ekojúıesiniń antropogendi júktemesin azaıtý jáne basqalary.
Qala ákimi jumysty qaldyqtardy jınaýdy jetildirýden, ýtılızasııalaýdan, qaıta óńdeýden, jasyl ekonomıka prınsıpterin eskere otyryp, tabıǵatty qorǵaý sharalaryn barynsha tıimdi josparlaýdan, halyqaralyq ozyq tájiıbeni paıdalanýdan, zalaldandyrýdyń barlyq oshaqtaryn anyqtaýdan bastaýdy, mundai big datany tıimdi qoldanýdy atap ótti. Bulardan ózge, qorshaǵan ortaǵa keri áserin tıgizetin óndiris oryndaryna qala syrtyna shyǵarý qajet.
Aıta keterligi, buryndary Almaty ákimdiginde transformasııa bolǵan edi. Qazirgi kezde barlyq basqarmalar men aýdandyq ákimdikterdiń jumystary qaıta qurylýda, ońtaılandyrý prosessteri júrýde, sıfrly tehnologııa men korporatıvti basqarý engizilýde, memlekettik qyzmettiń sapasy artýda. Alty basqarma qysqaryp, olardyń fýnksııalary basqa qurylymdarǵa berildi. Bul basqarý jáne qosymsha laýzymdardy joıyp, bosaǵan birlikterdi halyqpen etene jumys isteıtin basqarmalarǵa berilip, olardyń quramy kúsheıtildi.
