Búgin «Halyq densaýlyǵy jáne densaýlyq saqtaý júıesi týraly» Kodeksiniń jobasyn kópshilik aldynda talqylaý aıasynda Densaýlyq saqtaý mınıstrligi, DDSU, ÚEU jáne t. b. ókilderi qoǵamdyq densaýlyq saqtaý máselelerin talqylaýǵa usyndy.
Qoǵamdyq densaýlyq saqtaý saıasaty departamentiniń dırektory Aıjan Esmaǵambetova Kodeks jobasynyń jańa baptaryna, atap aıtqanda, qoǵamdyq densaýlyq saqtaýdyń basym baǵyttaryna, memlekettik jáne qoǵamdyq ınstıtýttardyń sektoraralyq ózara is-qımylyna, Ulttyq úılestirý keńesiniń róline, mınıstrlikter men vedomstvolardyń densaýlyqty saqtaýǵa, ÚEU-nyń halyq densaýlyǵyn saqtaýǵa qatysýyna qatysty fýnksııalaryna, ókilettikterine jáne jaýapkershilik aımaqtaryna toqtaldy.
Qoǵamdyq densaýlyq saqtaý ulttyq ortalyǵy Baqylaý keńesiniń múshesi Talapqalı Izmuhambetov: «Almatyda qart adamdardyń 13%-dy quraıdy, biz zertteý júrgizýge bastamashy boldyq, bul zertteý 60 jastan 75 jasqa deıingi adamdardyń eshqandaı aýyr derti joq ekenin kórsetti - olar belsendi, olardy belsendi ómir súrýge úıretý qajet jáne osynyń esebinen ómir súrý jyldary uzarmaq», - dedi. Ol qalanyń Alataý aýdanynda ákimdiktiń kásipkerlerge 10 zeınetkerdiń basseınge tegin baryp, saýmal ishýin qadaǵalap qolǵa alýy jóninde ótinish bildirgenin mysalǵa keltirdi – bir jyl boıy olardyń eshqaısysyna jedel járdem kelmedi jáne olardyń eshqaısysy densaýlyq jaǵdaıyna baılanysty aýrýhanaǵa jatpady». «Naqty qadamdar jasalýda, biz durys baǵytta kele jatyrmyz», - dep atap ótti ol.
«Talap» qoldanbaly zertteý ortalyǵynyń dırektory Rahym Oshaqbaev Densaýlyq saqtaý mınıstrliginiń progressıvti ıdeıalardy ilgeriletýdegi jumysyn atap ótti. Ol azamattardyń quqyqtary jazylǵanyn, biraq olardyń óz densaýlyǵy úshin jaýapkershiligin arttyrý qajet ekendigin, Kodekste jeke taraýdy aýa men sýdyń lastanýynan bolatyn aýrýlardyń aldyn alýǵa arnaý kerek ekendigin, temeki shegýshilerdiń quqyqtaryna salmaqty qaraý – temeki tartýdy azaıtýǵa kúsh jumsaý qajet ekendigin basa aıtty.
Qoǵamdyq densaýlyq saqtaý salasyndaǵy sarapshy Gúlnar Kýlkaeva jumyskerlerdiń densaýlyǵyn saqtaý jóninde, TMKKK jáne MÁMS sheńberinde olardy profılaktıkalyq qarap-tekserýden ótkizý úshin jaǵdaı jasaý boıynsha jumys berýshilerdiń mindetterine toqtaldy. Sondaı-aq mektep medısınasy men jastar densaýlyq ortalyqtarynyń qyzmetine, oqýshylar men jastardyń densaýlyǵyn qorǵaý boıynsha is-sharalar ótkizýge jáne qyzmetter kórsetýge qatysýshylardyń nazaryn aýdardy.
Kodeks jobasynyń jańa redaksııasyn talqylaý barysynda úzilis kezinde spıkerler men barlyq qatysýshylardyń 3 mınýttyq jattyǵý jasaǵanyn aıta ketý kerek. Osylaısha, olar aǵymdaǵy jylǵy 15 aqpanda Densaýlyq saqtaý mınıstrliginiń keńeıtilgen Alqa otyrysynyń qatysýshylary jattyǵý jasaǵan, Densaýlyq mınýtyna qoldaý bildirdi.
