Igor VOROTNIKOV: «Bizdiń endi týystarymyz bar. Olar – Jánibek pen Evgenıı»

Senbi, 1 qyrkúıek 2012 8:05

Densaýlyq saqtaý mınıstri Salıdat Qaıyrbekova Igor Vorotnıkovty «Altyn júrek» syılyǵymen marapattaý týraly usynys aıtqanyn Tengrinews.kz saıty habarlaıdy. Almatyda ótken selektorlyq jıynda Densaýlyq saqtaý mınıstri osy syılyqqa birden-bir laıyq jan osy Igor ekenin aıtqan.

Senbi, 1 qyrkúıek 2012 8:05

Densaýlyq saqtaý mınıstri Salıdat Qaıyrbekova Igor Vorotnıkovty «Altyn júrek» syılyǵymen marapattaý týraly usynys aıtqanyn Tengrinews.kz saıty habarlaıdy. Almatyda ótken selektorlyq jıynda Densaýlyq saqtaý mınıstri osy syılyqqa birden-bir laıyq jan osy Igor ekenin aıtqan.

Igor Vorotnıkovtyń esimin tipti osydan birer aı buryn kópshilik qaýym bilmeıtin de edi. Qaıtys bolǵan anasynyń júregi men baýyryn ózge adam­dar­dyń ómirin saqtap qalý maq­sa­tynda transplantasııalaýǵa ke­­lisken úlken azamattyǵy úshin, mine, búgingi kúni ara­myz­da onyń aty-jónin bilmeıtin adamdar kemde-kem. Oǵan qosa Igor­diń anasynyń júregin ıemdengen Jánibek Ospanov, keýdesinde onyń anasynyń baýy­ry qyz­met atqaryp turǵan Evgenıı Kýrs te qoǵamdyq pikirdi dúr silkindirdi.

«Jánibektiń jańa júregi…» dep bul týraly 30 tamyzda bizdiń gazet te ún qatty. О́ıtkeni, bizdiń elimizde baýyrǵa biren-saran otalar jasalyp júrgeni bolmasa, jú­rek­ke alǵash ret transplantasııa jasalǵan edi. Onda da trans­plan­tasııa úshin naýqas azamat­tar­ǵa týys­ta­rynyń ne jaqyn­dary­nyń emes, tipti ómirinde eshqashan da kór­megen, bilmegen beıtanys orys áıeliniń ishki aǵzalary alyndy. Elordadaǵy Jedel járdem me­dısınalyq ǵylymı ortaly­ǵyn­da mıyna qan quıylyp qaıtys boldy delingen Vorotnıkova­nyń uly Igor bu­ǵan jylap turyp kelisim bergen.

Jýyrda ǵana jýrnalıstermen bolǵan kezdesýde Igor: – Meniń anam o dúnıelik bolǵa­ny­men, onyń júregi baıaǵydaı so­ǵyp tur. Sondaı-aq, ol júrek bas­qa ómirge arashashy boldy. Árıne maǵan bul týraly usynys aıtqan kezde qatty qamyǵyp, óz-ózime kele almadym. Sosyn «sen ol adamdarmen aralasasyń» dedi. Anamyz qaıtys bolǵanda qa­ryn­dasym ekeýmiz japanda jal­ǵyz qalǵandaı kúı keshtik. Mine, endi bizdiń týystarymyz bar. Olar – Jánibek pen Evgenıı, – dedi.

Al bul jıynda jańa aǵza­lar­dy ıelengen Jánibek pen Evgenıı de Igorǵa, otany jasaǵan azamattarǵa, ortalyq­tyń maman­da­ryna alǵys aıtqan bolatyn.

Bul otalardyń basy-qasynda Kardıohırýrgııa ulttyq ǵylymı ortalyǵynyń basqarma basty­ǵy, eldegi jetekshi kardıohırýrg Iýrıı Pıa bar ekenin de esterińizge salǵymyz keledi. Ol óziniń cheh áriptesi Jan Pırkpen, sondaı-aq ortalyqtyń bas­qa da bilikti mamandarymen birge atalmysh otany sátti júzege asyrdy.

О́zge damyǵan elderdiń bar­ly­ǵynda transplantasııaǵa, do­nor­lyqqa qalyptasqan túsinik­pen qaraıdy. Sebebi, ol elderde bul másele baıaǵyda-aq talqy­laýdan ótip ketken. Jańalyq bolýdan qalǵan. О́zge adamdar­dyń ómirine arashashy bolǵysy keletinder ajaly jetpeı tu­ryp, me­dısınalyq ortalyq­tarǵa tirkelip qoıady, ıaǵnı, óz erkimen donor bolady. Al, tirkelmese de ony kúshtep jatqan eshkim joq. Iаǵnı, donor bolý-bolmaý onyń erkindegi nárse. Biraq, bir ǵana mysal keltireıik. AQSh-ta kólik júrgizý­shi­lerdiń kýáligine eger ol óz erkimen donor bolýǵa kelisken bolsa, donor ekendigi ja­zylǵan belgi bolady eken.

Árıne, bul oqıǵa otandyq me­dı­sınadaǵy úlken jańalyq. Iаǵnı, tuńǵysh ret júrekke trans­plantasııa jasalyp ja­tyr. Al, bunyń ekinshi mańyzdy qyry da bar. Igor ulty orys bolǵany­men, Jánibekti jat­synbaı, baýyr tartyp, oǵan ómir­degi eń bir qımasynyń júregin salýǵa óz erkimen kelisimin berdi. Osy bir asa kúr­deli, qıyn opera­sııa­ny hırýrg­terdiń ınternasıo­nal­dyq brı­ga­dasy múltiksiz júzege asyr­dy. Bul bizdiń bir­tutas, tatý-tátti elimizde ulttar arasynda shynaıy tatýlyq, dostyq se­zimderiniń irgetasy berik, qa­rapaıym ómirde bir ata­nyń ba­lalaryndaı ekenin jáne qandaı qıyn jaǵdaıda da birge bola­tyn jaǵdaıdyń qalyptasqa­nyn kórsetetin oqıǵa.

Aıgúl SEIILOVA,

«Egemen Qazaqstan».