Qazaqstan Respýblıkasy Prezıdenti syılyǵynyń, Halyqaralyq «Alash» ádebı syılyǵynyń, Memlekettik «Daryn» jastar syılyǵynyń laýreaty, Qazaqstan Respýblıkasynyń eńbek sińirgen qaıratkeri keshte jyrdan shashý shashsa, jastar aqynnyń óleńderin mánerlep oqydy. Belgili óner sheberleri men estrada juldyzdary aqynnyń óleńine jazylǵan ánderdi áýelete oryndady. Sharanyń uıymdastyrýshysy – Qazaq-Amerıka ýnıversıtetiniń basshylyǵy da óz kezeginde qarap qalmaı, Maraltaı aqynnyń jyrlaryn jatqa oqydy.
Búkil sanaly ǵumyryn shyǵarmashylyq jolǵa arnap, qazaq ádebıetiniń damýyna aıryqsha úles qosyp kele jatqan Maraltaı Raıymbekulynyń ár jyldary jaryq kórgen «Aı», «Kentavr», «Tarpań», «Qarataý ǵazaldary», «Nurly jol – Máńgilik El» sekildi jyr kitaptary oqyrmandardyń ystyq yqylasyna bólengen.
Ár salada jaýapty qyzmetterde bolǵan Maraltaı Raıymbekuly Qazaqstan Jazýshylar odaǵynda Ádebıetshiler úıiniń dırektory, 2007-2008 jyldary «Kentavr» gazetiniń Bas redaktory, 2008-2012 jyldary «Qazaqstan» tele-radıo korporasııasynda redaktor-júrgizýshi jáne sholýshy retinde jýrnalıstıkada da aıshyqty izin qaldyrdy.
2012 jyldan bastap Qazaqstan Jazýshylar odaǵy basqarma tóraǵasynyń orynbasary qyzmetin atqarǵan. Qazir QR Ulttyq memlekettik kitap palatasy dırektorynyń orynbasary.
Jaýhar poezııadan sýsyndaǵysy keletin jyrsúıer qaýym shólirkep qalypty. Respýblıka saraıyna lyq tolǵan kórermen Maraltaı aqynǵa qoshemet kórsetti.
Aıta keteıik, ýnıversıteti jas urpaqqa bilim berýmen qatar esimi elimizge belgili talanttardy qoldap keledi.
