Básekeles Mıtt Romnı bolýy múmkin
Beısenbi, 5 qańtar 2012 7:10
AQSh-tyń Aıova shtatynda ótken respýblıkashyldar partııasy belsendileriniń jıynynda prezıdenttik saılaýǵa kandıdattar arasynan olardyń eshqaısysy basym daýysqa ıe bola almady.
Reıter agenttiginiń habarlaýynsha, Pensılvanııa shtatynyń burynǵy gýbernatory Rık Santorým men Massachýsets shtatynyń eks-gýbernatory Mıtt Romnıdiń árqaısysy 24 paıyzdan, kongressmen Ron Pol 22 paıyz daýys jınaǵan. Al ókilder palatasynyń burynǵy spıkeri Nıýt Gıngrıch tórtinshi oryn alǵan. Onyń jınaǵan daýysy – 13 paıyz.
Beısenbi, 5 qańtar 2012 7:10
AQSh-tyń Aıova shtatynda ótken respýblıkashyldar partııasy belsendileriniń jıynynda prezıdenttik saılaýǵa kandıdattar arasynan olardyń eshqaısysy basym daýysqa ıe bola almady.
Reıter agenttiginiń habarlaýynsha, Pensılvanııa shtatynyń burynǵy gýbernatory Rık Santorým men Massachýsets shtatynyń eks-gýbernatory Mıtt Romnıdiń árqaısysy 24 paıyzdan, kongressmen Ron Pol 22 paıyz daýys jınaǵan. Al ókilder palatasynyń burynǵy spıkeri Nıýt Gıngrıch tórtinshi oryn alǵan. Onyń jınaǵan daýysy – 13 paıyz. Qalyptasqan dástúr boıynsha Aıovadaǵy belsendiler jıyny (kokýs) AQSh-taǵy prezıdenttik saılaý básekesin ashyp beredi. Endi respýblıkashyldar aldynda óz kandıdatýrasyn ekinshi merzimge usynǵan demokrat Barak Obamaǵa básekeles bolatyn tulǵany anyqtaý tur. Ol 10 qańtar kúni Nıý-Gempshır shtatynda belgili bolady.
ÁIELDEN QÝLYQ ARTYLǴAN BA?!
Máskeýdegi bir bankte bolǵan asa iri kólemdegi aqsha urlyǵy qylmysynyń beti ashyldy. Quqyq qorǵaý organdarynyń málimetterine qaraǵanda, ony sol banktiń 47 jastaǵy qyzmetkeri jasaǵan.
Tergeý amaldary barysynda anyqtalǵanyndaı, qyzmetker áıel óziniń qyzmet babyn paıdalana otyryp, kassa zalynda qoıylǵan aqsha býmalaryn sol mólsherde kesilgen qaǵaz býmalarmen almastyrǵan. Bul jymysqy áreketin ol birneshe ret qaıtalaǵan eken. Osylaısha, bankten 18,2 mıllıon rýbl, 62 myń eýro jáne 53 myń dollar alyp shyǵypty. Bul qylmystyq áreket beınebaqylaý kamerasynyń kómegimen ashylǵan kórinedi.
О́KILDIKTERIN KATARDA AShATYN BOLDY
«Talıban» ıslam qozǵalysy Katar bıligimen ózderiniń osy elde saıası ókildigin ashý máseleleri jóninde bastapqy kelisim jasaǵandary týraly málimdedi.
«Talıban» qozǵalysynyń baspasóz hatshysy Zabıýlla Modjahedtiń habarlaýynsha, Doha qalasynda ornalasatyn ofısti Aýǵanstandaǵy áskerı qımyldardy toqtatý maqsatynda kelissózder júrgizý úshin paıdalanady. «Qazirgi kezde biz shet memleketterde óz ókildikterimizdi ustaýǵa ázirmiz, – dedi ol. – Bul halyqaralyq qoǵamdastyqpen ózara túsinistikti qamtamasyz etý úshin qajet. Osyǵan baılanysty biz Katar elimen túsinistikke qol jetkizip otyrmyz». «Talıban» qozǵalysy, sondaı-aq talıbtermen baılanysy bar dep sottalǵandardy AQSh-tyń Gýantanamo túrmesinen bosatýǵa shaqyrdy.
KEME APATTY JAǴDAIDA QALDY
Reseı memlekettik teńiz-qutqarý ortalyǵynyń habarlaýynsha, Kýrıl araldary mańynda apatty jaǵdaıǵa ushyraǵan «Irına» kemesinde 150 tonnaǵa jýyq munaı ónimderi jáne 560 tonna muzdatylǵan balyq bar eken.
«Irına» kemesi Ohot teńizinen Vladıvostokqa kele jatqanda qatty tolqyn urýy saldarynan osyndaı jaǵdaıǵa tap bolǵan edi. Qozǵaltqyshy óship, kemege sý kire bastaǵanda, keme kapıtany 19 adamnan turatyn ekıpaj múshelerin kóshirý týraly sheshim qabyldaǵan. Olarǵa «Tatarstan» kólik refrıjeratory kómekke kelip, ekıpaj múshelerin qutqaryp qalǵan. Sońǵy málimetterge qaraǵanda, «Irına» kemesine Sahalın portynan «Atlas» qutqarý kemesi kómekke bara jatyr.
ONLAIN JÚIESIMEN SATAMYN DEP…
Qytaıda poıyz bıletterin jańa onlaın júıesi boıynsha satý jolaýshylardy edáýir qıyndyqtarǵa tap keltirip otyr. Oǵan qańtar aıynyń sońyna qaraı merekelenetin jańa jylǵa baılanysty poıyz bıletterine suranystyń eselep artýy sebep bolǵan.
Qytaı elinde 23 qańtardan bastap bir apta boıy kóktem festıvali (jańa jyl) keńinen toılanady. Osy kezde jolaýshylar qozǵalysy asa kóp bolady. Sondaı-aq qalaaralyq qoǵamdyq kólikterdi paıdalanýshylar sany 200 mıllıonnan asady dep kútilýde. Tıisti mınıstrlik bastapqyda onlaın júıesi arqyly bılet satý uzyn-sonar kezekti azaıtýǵa yqpal etedi dep eseptegen kórinedi. Al nátıjesinde, kóptegen azamattar bılet qunyn tólegenmen, jolaýshylar tizimine enbeı qalǵan. Mınıstrlik bul problemany 15 jumys kúni ishinde sheshýge ýáde berip otyr.
ANASYMEN JOLYǴÝǴA MÚMKINDIK BERDI
Ýkraınanyń burynǵy premer-mınıstri Iýlııa Tımoshenkonyń qyzy Evgenııany Harkov qalasyndaǵy Kachanov túzeý kolonııasynda jazasyn ótep jatqan anasymen kezdesýge ruqsat etti. Oǵan ruqsatty Iý.Tımoshenkonyń advokaty Sergeı Vlasenkonyń ótinishi boıynsha Ýkraına qaýipsizdik qyzmetiniń tergeýshisi bergen.
Evgenııanyń anasyna aptasyna eki ret, al advokatynyń turaqty jolyǵyp turýyna múmkindik jasalǵan. Budan birer kún buryn kishi Tımoshenkoǵa ruqsat qaǵazy joq bolǵandyqtan, anasymen jolyǵýyna bas tartylǵan edi. Ýkraına eks-premeriniń Reseımen gaz kelisimin jasaý kezinde óz ókilettik laýazymyn asyra paıdalandy degen aıyp taǵylyp, 7 jyl merzimge sottalǵany belgili.
OPPOZISIIа QYSYM JASAÝǴA ShAQYRDY
Svazılend eliniń oppozısııasy Sosa-Sola korporasııasyn osy memlekettiń basshysy, korol Msvatı III-ke elde saıası reformalar júrgizý úshin qysym jasaýǵa shaqyrdy. Oppozısııa belsendileriniń biri – Lakı Lýkeleniń málimdeýinshe, Msvatı bıliginiń «aparteıdten aıyrmashylyǵy joq».
Sosa-Sola korporasııasy Svazılendiniń asa iri ınvestorlarynyń biri bolyp tabylady. Resmı emes málimetterge qaraǵanda, el bıýdjeti kirisiniń 40 paıyzy osy korporasııanyń úlesine tıedi. Buǵan deıin kompanııanyń ókilderi Sosa-Sola eldiń saıası ómirine aralaspaıtyndyǵyn birneshe ret málimdegen sııaqty. Al Svazılend barlyq saıası partııalarǵa tyıym salǵan monarhııaly el bolyp tabylady. Elge 44 jastaǵy Msvatı III 1986 jyldan beri bılik júrgizip keledi.
Internet materıaldary negizinde ázirlendi.
