Iranda áskerı ıadrolyq baǵdarlama joq
Sársenbi, 11 qańtar 2012 7:43
AQSh qorǵanys mınıstri Leon Panetta Irannyń qazirgi kezde ıadrolyq qarý jasaý jóninde jumystar júrgizip jatpaǵanyn málimdedi. Onyń sózine qaraǵanda, Tehran ázirshe tek ıadro salasynda belgili bir múmkindikter qurý nıetinde.
AQSh qorǵanys mınıstri sondaı-aq Vashıngton úshin Irannyń atom bombasyn jasaý jumystaryn bastaıtyn «qyzyl syzyqtan» ótý kezeńine tosqaýyl qoıý basty maqsat bolyp tabylatynyn atap kórsetti. L.Panetta málimdegenindeı, ondaı kúdik paıda bolǵan jaǵdaıda AQSh Iranǵa qatysty kez kelgen quralǵa júgine alady. Osy aralyqta Iran prezıdenti M.Ahmadınejad resmı saparmen Venesýelada júr. Osy el basshysy Ý.Chaves ekeýi AQSh-tyń álemdik ústemdikke umtylysyna narazy.
Sársenbi, 11 qańtar 2012 7:43
AQSh qorǵanys mınıstri Leon Panetta Irannyń qazirgi kezde ıadrolyq qarý jasaý jóninde jumystar júrgizip jatpaǵanyn málimdedi. Onyń sózine qaraǵanda, Tehran ázirshe tek ıadro salasynda belgili bir múmkindikter qurý nıetinde.
AQSh qorǵanys mınıstri sondaı-aq Vashıngton úshin Irannyń atom bombasyn jasaý jumystaryn bastaıtyn «qyzyl syzyqtan» ótý kezeńine tosqaýyl qoıý basty maqsat bolyp tabylatynyn atap kórsetti. L.Panetta málimdegenindeı, ondaı kúdik paıda bolǵan jaǵdaıda AQSh Iranǵa qatysty kez kelgen quralǵa júgine alady. Osy aralyqta Iran prezıdenti M.Ahmadınejad resmı saparmen Venesýelada júr. Osy el basshysy Ý.Chaves ekeýi AQSh-tyń álemdik ústemdikke umtylysyna narazy.
Soltústik koreıa armııasy ant berdi
Soltústik Koreıanyń qarýly kúshteri jańa bas qolbasshy, el kósemi Kım Chen Ynǵa adaldyq antyn qabyldady. Ant berý rásimine áskerlerdiń barlyq túrleriniń ókilderi qatysty. Áskerıler el men onyń jańa kósemin kez kelgen syrtqy qaterden qorǵaıtyndaryn málimdedi.
Qazirgi kezde Soltústik Koreıa qarýly kúshteriniń jalpy sany 1,1 mıllıon adamdy quraıdy. Áskerı mindettiliktiń áıelderge de tikeleı qatysy bar. Al birinshi kezekte armııa qaǵıdaty boıynsha ómir súretin KHDR-de bılikti jańa basshylyqqa berý isinde áskerıler tarapynan qoldaý kórý asa mańyzdy aspektilerdiń biri bolyp esepteledi.
Áskerı qýatyn arttyrýy negizsiz
Qytaı AQSh-tyń Azııadaǵy áskerı qatysýyn kúsheıtýge umtylysyn negizsiz dep sanaıdy. Bul týraly Qytaı syrtqy ister mınıstrliginiń baspasóz hatshysy Lıý Veımın málimdedi. Ol bul málimdemesin Qytaı AQSh-tyń qaýipsizdigine qater tóndire me degen suraqqa jaýap berýi kezinde jasady.
L.Veımınniń pikirinshe, Vashıngton Beıjińniń óziniń qarýly kúshterin jańǵyrtý nıetin durys túsinbegen. Qytaı SIM-i ókiliniń atap kórsetýinshe, mundaı jańǵyrtý óńirdegi beıbitshilikti qoldaýǵa baǵyttalǵan jáne basqa elderge qater tóndirmeıdi. L.Veımın óz eliniń beıbit damýdy jalǵastyratynyn erekshe ataǵan. Sondyqtan, deıdi ol, AQSh-tyń Azııa óńirinde áskerı qýatyn kúsheıtýge umtylýy múldem negizsiz.
Búlikshilerge qarý satty dep aıyptady
Sırııa armııasy búlikshilerge qarý-jaraq pen oq-dári satyp júr degen qaýeset tarap otyr. Bul týraly Sırııa prezıdenti Bashar Asad rejimimen kúresýshilerdiń ózi jarııa etken. Búlikshilerdiń sózderine qaraǵanda, áskerıler arasynda dızertırler jeterlik, sondyqtan qarý-jaraq pen oq-dáriden tapshylyq joq.
Sırııadaǵy bıleýshi rejimge qarsy jappaı narazylyq aksııalary ótken jyldyń naýryz aıynda bastalǵany belgili. Sodan beri elde bereke joq. Arab memleketteriniń lıgasy ókilderi Sırııada bolyp qaıtty. Olar qaı jaqtiki durys, qaı jaqtiki burys ekenine naqty bir túıindi sóz aıta almaýda. Al Túrkııa premer-mınıstri Redjep Erdoǵan kóp keshikpeı elde azamat soǵysy bastalady, munyń Túrkııaǵa da kesiri tıedi dep alańdaýly. Sondyqtan, onyń pikirinshe, B.Asad bılikten ketýi tıis.
Jarylystan 35 adam kóz jumdy
Pákstannyń soltústik-batysynda jasalǵan jarylystan kem degende 35 adam opat bolsa, 60-tan astamy túrli dene jaraqatyn alǵan. Lańkestik Haıber óńirinde ornalasqan Jamrýd qalasyndaǵy bazarda oryn alǵan. Bul óńir arqyly Aýǵanstandaǵy AQSh áskerlerine qajetti kerek-jaraq jetkizetin negizgi marshrýt ótedi.
Jergilikti bılik jarylys sebepterin tekserýdi bastaǵanymen, ázirshe onyń naqty sebebin aıtýǵa qınalyp otyr. Bir boljam boıynsha, jerge jasyrylǵan mına, ekinshisi boıynsha, bazar janyndaǵy maı quıý stansasy jarylǵan. Osy jerde aıta ketetin bir jáıt – Pákstannyń ortalyq bıligi Aýǵanstanmen shekaralas Haıber óńirin is júzinde baqylaýyna alyp otyrǵan joq. «Talıban» sodyrlary da osy óńirdegi odaqtastar áskerlerine arnalǵan janar-jaǵar maı sısternalaryna oqtyn-oqtyn shabýyl jasap turady.
Artyq efır ýaqytynan bas tartty
Túrkimenstan prezıdenttigine ekinshi merzimge túsip otyrǵan Gýrbangýly Berdymuhamedov budan ári qaraı ózine saılaýaldy úgit jumysy úshin bólingen teledıdardaǵy efır ýaqyty kerek emes ekenin málimdedi. Ol 9 qańtar kúni ulttyq teledıdardan óziniń baǵdarlamasy boıynsha sóz sóılegen bolatyn.
G.Berdymuhamedov ortalyq saılaý komıssııasyna qalǵan ýaqytty basqa prezıdenttikke kandıdattarǵa bólip berýdi usyndy. Onyń búginde halyqtyń tek ózin tańdaıtynyna senimi zor. Sondyqtan teledıdarǵa qaıta-qaıta shyǵyp, ýaqyt joǵaltýdyń keregi shamaly. Sóz retinde G.Berdymuhamedovtiń bılik basyna 2007 jyly Saparmurat Nııazov ómirden ótken soń ile-shala kelgenin aıta keteıik.
Internet materıaldary negizinde ázirlendi.
