Ulybrıtanııanyń kóne halqy – vallıster – týǵan jerin «án otany» dep ataı otyryp, óziniń baı mýzykalyq dástúrlerimen maqtana alady. Ýels mádenıetiniń mańyzdy bóligi hormen án aıtý, ásirese erler horynyń án salýy bolyp tabylady. Osy keshte tyńdarmandarǵa «Astana Opera» erler horynyń daryndy ártisteri óz ónerlerin kórsetetin bolady. Sondaı-aq, Kameralyq zal sahnasyna Heılıberı mektebiniń balalar hory men Heılıberı halyqaralyq qoǵamdyq hory shyǵady (Astana). Dırıjeri – Ross Klark.
Vallıs mýzykasynda dástúrli aspaptar quramyna engen arfa Ýelste aıryqsha keń taraǵan. О́zindik ýels halyq áýenderi men arfada keremet oryndaý ónerin «Astana Opera» Sımfonııalyq orkestriniń ártisi Aınur Qamalova usynady.
Mýzykalyq keshke Ýelsten shaqyrylǵan solıst Fınıan Djons qatysady, ol – óz otany Ulybrıtanııada, Eýropa men Azııa elderinde keńinen tanymaldylyqqa ıe bolǵan pıanıst. Jastaıynan fortepıanoda oınaý qabiletin kórsete otyryp, F.Djons Londondaǵy Trınıtı mýzykalyq kolledjin tamamdaǵan, Lıondaǵy (Fransııa) Ulttyq mýzyka jáne bı joǵary konservatorııasynda taǵylymdamadan ótip, kóptegen ataqty mýzykanttardyń sheberlik sabaqtaryna qatysqan. Onyń daryny Dj.Aırlend atyndaǵy, A.Skarlattı atyndaǵy, Il Circolo pıanıster baıqaýlarynyń laýreaty, Messıan syılyǵynyń ıegeri marapattarmen eskerilgen bolatyn.
Mýzykanttyń oryndaýynda Qazaqstanda alǵash ret kórnekti ýels kompozıtory Ýılıam Elvınnyń birneshe fortepıanolyq pesasy shyrqalady. Sondaı-aq osy keshte zamanaýı vallıs avtory Djon Rıchardstyń horǵa arnalǵan «Sanctus» shyǵarmasynyń premerasy oryn almaq. Elorda turǵyndary men qonaqtarynyń nazaryna klassık kompozıtorlardyń shyǵarmalary, ýels halyq ánderi, dinı hor ánderi, ýels kompozıtorlarynyń týyndylary usynylmaq.
Konsert ataýynda Ýels eliniń ulttyq gúli – narsısstyń bolýy beker emes. Vallısterdiń súıikti merekesi – osy óńirde jyl saıyn 1 naýryzda ótetin Áýlıe Davıd kúninde Ýelstiń barlyq turǵyndary óz kıimderine bozǵylt-sary narsıss gúlin qadap alady.
