Atambaev avıabaza ornalastyrýdan bas tartty
Seısenbi, 25 jeltoqsan 2012 7:23
Qyrǵyzstan prezıdenti Almasbek Atambaev Bishkek halyqaralyq áýejaıy tek qana azamattyq nysan bolý kerek degendi taǵy da málimdedi.
Atambaev dúısenbi kúni ózi prezıdent bolǵan birinshi jyldyń qorytyndysy boıynsha úlken baspasóz máslıhatyn ótkizip, onda jergilikti jáne sheteldik BAQ ókilderiniń saýaldaryna jaýap berdi. «Manas» azamattyq áýejaıynda áskerı quram bolmaýy tıis, bul meniń prınsıpti ustanymym dep atap kórsetti ol osy baspasóz máslıhatynda. Áýejaıda AQSh-tyń avıabazasyn ornalastyrý týraly kelisim-shart 2014 jylǵa deıin kúshinde bolady. Qyrǵyzstan prezıdenti sheteldik áskerılerdiń respýblıkanyń azamattyq áýejaıynda bolý merziminiń uzartylmaıtynyn buǵan deıin de birneshe ret málimdegen bolatyn.
Seısenbi, 25 jeltoqsan 2012 7:23
Qyrǵyzstan prezıdenti Almasbek Atambaev Bishkek halyqaralyq áýejaıy tek qana azamattyq nysan bolý kerek degendi taǵy da málimdedi.
Atambaev dúısenbi kúni ózi prezıdent bolǵan birinshi jyldyń qorytyndysy boıynsha úlken baspasóz máslıhatyn ótkizip, onda jergilikti jáne sheteldik BAQ ókilderiniń saýaldaryna jaýap berdi. «Manas» azamattyq áýejaıynda áskerı quram bolmaýy tıis, bul meniń prınsıpti ustanymym dep atap kórsetti ol osy baspasóz máslıhatynda. Áýejaıda AQSh-tyń avıabazasyn ornalastyrý týraly kelisim-shart 2014 jylǵa deıin kúshinde bolady. Qyrǵyzstan prezıdenti sheteldik áskerılerdiń respýblıkanyń azamattyq áýejaıynda bolý merziminiń uzartylmaıtynyn buǵan deıin de birneshe ret málimdegen bolatyn.
Polısııa ereýilshilerdi qýyp taratty
Úndistanda polısııa sýshashqysh jáne kóz jasaýratqysh gazdyń kómegimen áıelder úshin teń quqyqtar talap etken ereýilshilerdi qýyp taratty.
Altynshy kún qatarynan ótip otyrǵan mıtıngiler el astanasy Delıde osydan bir aptadaı buryn oryn alǵan bir qyzdy toptalyp zorlaýǵa baılanysty týyndaǵan bolatyn. Narazylyq bildirýshiler áıelder qaýipsizdigi deńgeıiniń óte tómendigine narazy jáne qylmyskerler úshin ólim jazasyn talap etýde. Senbi kúni ótken ereýilge birneshe júzdegen jastar qatysqan. Aksııa barysynda tártipsizdikter oryn alyp, quqyq qorǵaýshylar tarapynan da, ereýilshiler tarapynan da adamdar zardap shekken.
Montı saılaýǵa túspeıdi
Marıo Montı parlament saılaýyna óz kandıdatýrasyn usynbaıtyn boldy. О́z sheshimi jóninde ol keshe ótken baspasóz máslıhatynda habarlaǵan.
Montıdiń qatysýynsyz parlamenttegi búginde bes paıyz ıtalııalyqtardyń qoldaýyna ıe bolyp otyrǵan sentrısterdiń jeńisten úmiti joq. Sosıologtardyń esepteýinshe, Marıo Montıdiń olarǵa 30 paıyzy daýys ákelýi múmkin edi. Biraq professor osyǵan deıin málimdegendeı, oǵan óz túısigi mundaı qadamǵa barýdyń qajeti joqtyǵyn sezdirgen. Men ómir boıǵy senator bolyp tabylamyn, sondyqtan parlamentke saılaýǵa túse almaımyn, dep túsindirgen qyzmetinen ketip jatqan premer óz oıyn.
Kerrı memlekettik hatshylyqqa usynyldy
AQSh prezıdenti Barak Obama ótken juma kúni senator Djon Kerrıdiń kandıdatýrasyn AQSh memlekettik hatshysy laýazymyna usyndy.
Djon Kerrı 2004 jyly AQSh prezıdenti saılaýyna qatysqan bolatyn. Qazirgi ýaqytta ol senattyń shetel isteri jónindegi komıtetiniń tóraǵasy qyzmetin atqarady. Amerıkalyq BAQ-tardyń málimetinshe, Djon Kerrı kandıdatýrasynyń respýblıkashyldar tarapynan oppozısııaǵa tap bolý múmkindigi az. Osylaısha Djon Kerrı Barak Obamanyń prezıdent saılaýynda jeńiske jetkennen keıin joǵary laýazymǵa taǵaıyndap otyrǵan birinshi saıasatkeri bolyp tabylady.
Qasıetti hramǵa nuqsan keltirildi
21 jeltoqsandaǵy «aqyrzaman» shýlyǵanynyń sońy Tıkal qalashyǵyndaǵy maııanyń birneshe arhıtektýralyq eskertkishterine nuqsan keltirýge aparyp soqtyrdy.
Týrısterdiń is-áreketteri saldarynan Ekinshi hram men Ońtústik akropol kóptegen búlinýlerge ushyraǵan. О́kinishke qaraı, týrısterdiń hramǵa órmelep shyǵýy olardyń búlinýine aparyp soqtyrdy, dep habarlaǵan qasıetti qalashyqtyń baqylaýshysy Osvaldo Gomes. Biz merekeleýge qarsy emespiz, biraq týrıster bul eskertkishterdiń IýNESKO-nyń búkilálemdik muralary tizimine kirgen nysandar ekenin túsinýleri kerek, dep málimdegen ol jergilikti BAQ-tarǵa shaǵym jasaı otyryp.
Senator mas kúıinde ustaldy
AQSh-tyń Vırdjınııa shtatynda polıseıler baǵdarshamnyń qyzyl belgisine ótip ketken senator Maıkl Krapony toqtatqan.
Oǵan alkogolge testten ótý usynylyp, onyń nátıjesi júrgizýshiniń ishimdik ishkenin rastaǵan. Saıasatker temir tordan kepildikpen ǵana shyǵarylyp otyr. Birneshe kúnnen keıin onyń isi sotta qaralmaq. Senatordyń ózi málimdeme jasap, óz áreketine ókinetinin, bolashaqta mundaı jaǵdaıdyń eshqashan qaıtalanbaıtynyn aıtyp ýáde bergen jáne óz saılaýshylarynan keshirim suraǵan.
Iаnýkovıch sheneýnikterdi qyzmetterinen bosatty
Ýkraına prezıdenti Vıktor Iаnýkovıch keshe úkimettiń birqatar joǵary laýazymdy sheneýnikterin qyzmetterinen bosatty.
Atap aıtqanda, ishki ister mınıstrliginiń basshysy Vıtalıı Zaharchenko, syrtqy ister mınıstrliginiń jetekshisi Konstantın Grıshenko, qarjy mınıstri Iýrıı Kolobov, mádenıet mınıstri Mıhaıl Kýlınıak, qorǵanys mınıstri Dmıtrıı Salamatın, energetıka jáne kómir ónerkásibi mınıstri Iýrıı Boıko, densaýlyq saqtaý mınıstri, premer-mınıstrdiń orynbasary Raısa Bogatyreva, ekologııa jáne tabıǵı resýrstar mınıstri Edýard Stavıskıı, salyq vedomstvosynyń basshysy Aleksandr Klımenko otstavkaǵa jiberildi. Habarlamada aıtylǵandaı, olardyń bári mınıstrler kabınetiniń otstavkaǵa ketýine baılanysty qyzmetterinen bosatylyp otyr.
Internet materıaldary negizinde ázirlendi.
