Jastar isi jónindegi komıtet basshylaryn, stýdenttik keńesterdiń kóshbasshylary men JOO belsendilerin jınaǵan aýqymdy shara ýnıversıtettiń májilis zalynda ótti. Shara barysynda "Turan" ýnıversıtetiniń professory, tarıh ǵylymdarynyń doktory, Almaty qalasy boıynsha eriktiler lıgasynyń jetekshisi Sáýle Túsipova birneshe trenıng ótkizdi. Trenıngter búgingi kúnniń basty talaby tek qana mamandar daıarlaý jáne stýdentterge úzdik bilim berý ǵana emes, olardyń bos ýaqyttaryn sapaly ótkizýine arnaldy.
Eriktiler lıgasy jetekshisiniń aıtýyna qaraǵanda, búginde Almaty qalasy boıynsha eriktilerdiń sany bes myńnan joǵary. Erikti bolý ońaı emes, ol – mártebeli is degen árbir jas trenıng barysynda til bilýmen qatar ózge de qabiletterge ıe bolýy kerek ekenine kóz jetkizdi. Ásirese, netvorkıng formatynda ótken trenıng sóılesý men qarym-qatynas jasaýdy qalypqa keltirýge úıretedi. Onyń ıdeıasy adamdardyń mamandyǵy men mansabyna, qoǵamdaǵy statýsyna qaramastan, jaqsy qarym-qatynasqa túsý. Iаǵnı, bir ýaqytta, tanymal saıasatker, juldyzdan aýla sypyrýshyǵa deıingi aralyqta kelisim degen sóz. Is-sharaǵa «Almaty Marafon» uıymdastyrýshylary da qatysty.
Tájirıbe men ıdeıalar almasý úshin dıalog alańyn qalyptastyrýǵa, almatylyq stýdentterdiń ózekti máselelerin talqylaýǵa jınalǵan jıyrmaǵa jýyq oqý orny jastary shara sońyn Afterparty formatynda támamdady.
Jibek AQDARI,
stýdent
ALMATY
