Sharaına
Senbi, 8 jeltoqsan 2012 7:17
AQSh-qa jaýap sharalar qoldanady
AQSh Kongresi «Magnıtskıı tizimi» deıtinge qatysty arnaıy zań qabyldady. Ol boıynsha Reseıdegi adam quqyn aıaqqa basyp otyr dep sanalǵan laýazym ıeleri Qurama Shtattar shekarasynan ári attap basa almaıdy.
AQSh-tyń bul qadamyna Reseı birden jaýap sharalar qabyldanatynyn málimdedi. Bul málimdeme Reseı syrtqy ister mınıstri Sergeı Lavrovtyń aýzymen jasaldy. Endi Máskeý de adam quqyn buzǵan AQSh azamattaryn elge esh jaǵdaıda kirgizbeıdi. Adam quqynyń buzylýy qandaı is-áreketpen ólshenetinin eki jaq ta naqtylamaıdy.
Senbi, 8 jeltoqsan 2012 7:17
AQSh-qa jaýap sharalar qoldanady
AQSh Kongresi «Magnıtskıı tizimi» deıtinge qatysty arnaıy zań qabyldady. Ol boıynsha Reseıdegi adam quqyn aıaqqa basyp otyr dep sanalǵan laýazym ıeleri Qurama Shtattar shekarasynan ári attap basa almaıdy.
AQSh-tyń bul qadamyna Reseı birden jaýap sharalar qabyldanatynyn málimdedi. Bul málimdeme Reseı syrtqy ister mınıstri Sergeı Lavrovtyń aýzymen jasaldy. Endi Máskeý de adam quqyn buzǵan AQSh azamattaryn elge esh jaǵdaıda kirgizbeıdi. Adam quqynyń buzylýy qandaı is-áreketpen ólshenetinin eki jaq ta naqtylamaıdy.
Mysyrdyń mazasy ketip tur
Egıpet Arab Respýblıkasynyń prezıdenti Mohammed Mýrsı el halqyna teleúndeýmen shyqty. Onda ol oppozısııany kelissóz ústeline otyrýǵa shaqyrdy. Biraq oppozısııa prezıdenttiń bul usynysyn qabyldamaı tastady.
Sóıtip, Mysyrda taıtalas jalǵasyp jatyr. Mýrsıdi jaqtaýshylar men oppozısııa arasyndaǵy qaqtyǵys saldarynan qaza tapqandar da bar. 600-den astam adam túrli dene jaraqatyn alǵan. El astanasy – Kaır qalasynda oppozısııashylar «Musylman-baýyrlar» partııasynyń shtab-páterine ot qoıdy. Bul sharaǵa shamamen 200 adam qatysqan. Eldegi qaqtyǵystar 22 qarashada Mýrsı konstıtýsııaǵa ózine keń ókilettikter beretin túzetýler engizbek bolǵan kezde bastalǵany belgili.
Taıfýn qurbandary kóbeıip barady
Fılıppınniń ońtústigindegi Mındanao aralyndaǵy taıfýnnan kóz jumǵan adamdar sany 420-ǵa jetti. Kem degende taǵy 400 adam iz-túzsiz joǵalǵandar qatarynda. Al AǴR derekteri boıynsha, qaza tapqandar sany 500 adamǵa jetip otyr.
«Bofa» taıfýny Fılıppın jaǵalaýlaryna 4 jeltoqsan kúni erteńgisin jetken bolatyn. El basshylyǵy evakýasııa jarııalasa, ol 56 myńnan astam adamdy qamtyǵan edi. Topan sý saldarynan bárinen de Nıý Bataan qalasynyń turǵyndary kóp zardap shekti. Osydan bir jyl buryn atalǵan araldaǵy sý tasqynynan 1200 adam qurban bolǵan edi.
Medvedev otstavkaǵa kete me?
Dmıtrıı Medvedevtiń úkimeti 2013 jyldyń naýryz-sáýir aılarynda otstavkaǵa ketedi. Mundaı boljamdy Jahandaný problemalary ınstıtýty jasady. Onyń sebebi, Reseıdiń bıligindegi «aǵaıyndar» arasyndaǵy soǵys, deıdi Mıhaıl Delıagınniń ınstıtýtyndaǵylar.
Úkimet otstavkasyn jedeldetetin qosymsha faktor retinde burynǵy aýyl sharýashylyǵy mınıstri Elena Skrynnık tóńiregindegi janjal atalady. Ol Medvedev serikteriniń biri sanalady. О́tken qarasha aıynda «Rossııa 1» telearnasy Skrynnıktiń «Rosagrolızıng» kompanııasyndaǵy urlyqqa yqtımal qatystylyǵy týraly materıal kórsetken bolatyn.
Saıasatker úı qamaǵyna alyndy
Bishkekte sot oppozısıoner Nurlan Motýevke jaza qoldandy. Ol jaqynda áıel zorlady degen kúdikpen qamaýǵa alynǵan bolatyn. Endi, sot sheshimi boıynsha, Motýev eki aı boıy úı qamaǵynda ustalmaqshy.
Qyrǵyz saıasatkeri 5 jeltoqsan kúni ustalǵan edi. Buǵan osydan bir kún buryn 21 jastaǵy Bishkek turǵynynyń mılısııaǵa jazǵan aryzy sebep boldy. Bıkeshtiń sózine qaraǵanda, ol Motýevpen jaqynda tanysypty. Saıasatker ony birden úıine shaqyryp, zorlyq kórsetken. Endi osy is boıynsha qylmystyq is qozǵalyp, zardap shegýshige dene zaqymy bar-joǵyn anyqtaý úshin saraptama taǵaıyndalǵan.
Aqyrzaman týraly jarııalady
Avstralııa premer-mınıstri Djýlııa Gıllard el azamattaryna úndeý jazyp, onda jaqynda aqyrzaman ornaıtynyn jarııalaǵan. «Meniń qymbatty otandastarym! Aqyrzaman shyn máninde kele jatyr. [...] Maııa úndisteriniń kúntizbesi dál bolyp shyqty», delingen Gıllardtyń úndeýinde.
«Sońǵy soqqy qandaı bolatyny mańyzdy emes. Ol mıdy ishteı jeıtin zombı bola ma, tamuqtan shabýyldaıtyn ázázilder bola ma, báribir. Eń bastysy, men árqashan sizdermen birgemin. Aqyr aıaǵyna deıin», dep sóz beripti Gıllard. Avstralııalyqtar jergilikti radıostansalardyń birinde efırge shyǵarylǵan rolıkke ártúrli kózqaras tanytqan.
Qysqa qaıyryp aıtqanda:
Avstralııa polısııasy Chılıden jetkizilgen kokaınniń asa iri partııasyn tárkiledi. Chılıden, tutastaı alǵanda, jalpy quny 81 mıllıon dollar turatyn 135 kılo esirtki jetkizilse kerek.
Japonııanyń Honsıý araldary jaǵalaýlarynda magnıtýdasy 7,3 ball bolatyn jer silkinisi tirkeldi. Dúmpýler Tokıo qalasynda da qatty sezilgen. Bıiktigi ári ketkende 1 metr bolatyn sýnamı kútilip otyr.
Qyrǵyzstan syrtqy ister mınıstrligi jergilikti bazarlarda saýda jasaıtyn shetel azamattaryna tyıym salý kerek degen usynys bildirdi. Mundaǵy maqsat jergilikti kásipkerlerdiń múddesin qorǵaý kórinedi.
Túrkimenstanda adasyp ketip shekara buzǵan qazaqstandyq tórt kóshi-qon polısııasynyń qyzmetkeri men úsh ańshyǵa úkim shyǵaryldy. Túrkimenbashı qalalyq soty ustalǵandardy qatań rejimdegi kolonııada jeti jylǵa bas bostandyqtarynan aıyrdy.
Reseıdiń Tver oblysynyń burynǵy gýbernatory Dmıtrıı Zelenın traktor júrgizýshisiniń kýáligin aldy. Ol atalǵan oblysty 2003 jyl men 2011 jyl aralyǵynda basqarǵan bolatyn. Endi D.Zelenın aýyl sharýashylyǵymen aınalyspaq.
Internet materıaldary negizinde ázirlendi
