11 aıda 119 jýrnalıst…

Senbi, 24 qarasha 2012 7:11

Burynǵy ataýyn qalpyna keltirmek

Meksıka prezıdenti Felıpe Kalderon eldiń resmı ataýyndaǵy «quramashtattary» sózderin alyp tastaýdy usyndy. «Assosheıted press»agenttiginiń habarlaýynsha, 22 qarashada prezıdent osyndaı zań jobasynparlamentke joldaǵan.

Senbi, 24 qarasha 2012 7:11

Burynǵy ataýyn qalpyna keltirmek

Meksıka prezıdenti Felıpe Kalderon eldiń resmı ataýyndaǵy «quramashtattary» sózderin alyp tastaýdy usyndy. «Assosheıted press»agenttiginiń habarlaýynsha, 22 qarashada prezıdent osyndaı zań jobasynparlamentke joldaǵan.

«Meksıkalyqtardyń óz otanynyń jarasymdy jáne qarapaıym «Meksıka» degen ataýyn qaıtaratyn ýaqyt keldi, – dep málimdegen prezıdent. – Eldiń qazirgi ataýy HIH ǵasyrda paıda boldy». Memleket Ispanııadan táýelsizdik alǵannan keıin, ıaǵnı 1824 jyldan «Meksıka qurama shtattary» dep atala bastaǵan. Bul ataý negizinen resmı qujattarda, sondaı-aq aqsha banknottarynda qoldanylady eken. F.Kalderon eldiń qazirgi ataýy kúndelikti ómirde qoldanylmaıtynyn da atap ótken.

11 aıda 119 jýrnalıst…

Halyqaralyq baspasóz ınstıtýty óz baıandamasynda bıylǵy jyldyńbasynan bergi ýaqyt ishinde qaza tapqan jýrnalısterdiń sanyn atady.

Baıandamada keltirilgen málimetke qaraǵanda, 2012 jyly óziniń qyzmettik mindetin oryndaý kezinde 119 jýrnalıst qaza tapqan. Bul ótken jylǵydan birshama kóp. Instıtýt jýrnalıster úshin eń qaýipti el retinde Sırııany atapty. Bıylǵy jyly osy memleket aýmaǵynda BAQ-tardyń 36 tilshisi men basqa da ókilderi mert bolǵan. Olardyń kópshiligin jaýlasýshy taraptar shynaıy aqparattardyń taralyp ketpeýine baılanysty qasaqana óltirgen. Ekinshi qaýipti el retinde Somalı atalǵan, onda jyl basynan beri 16 reporter qaza taýypty. Jýrnalıster úshin eń qaýipti aımaqtar bolyp Taıaý Shyǵys pen Afrıka, al elder arasynda Sırııa jáne Somalımen qatar, Meksıka, Pákstan, Fılıppın tanylǵan.

Jaı sóz emes sııaqty

Grýzııanyń jańa premer-mınıstri Bıdzına Ivanıshvılı baspasóz más­­­-

lıhaty barysynda prezıdent Mıhaıl Saakashvılıge qatysty qoıylǵansuraqqa baılanysty jaýa­bynda qazirgi prezıdentti tutqyndaý múmkindigijóninde aıtqan.

Grýzııa BAQ-tarynyń habarlaýynsha: «Meniń jeke ózim Saa­ka­sh­vılıdi tutqyndaýdy qalamaımyn, – depti premer-mınıstr. – Biraq, eger prokýratýra memlekettiń joǵary laýazymdy tul­ǵa­syna qarsy naqty is usynatyn bolsa, ondaı isti jaba almaımyn». Úkimet basshysy osyǵan baılanysty Ýkraınanyń eks-premeri Iýlııa Tımoshenkonyń taǵdyryn eske túsirgen. Degenmen, ol Grýzııadaǵy jaǵdaıdyń ýkraındyq ssenarııden bólek eken­digin málimdepti.

Merziminen buryn bosatty

Qytaı múddesine tyńshylyq jasaǵany úshin 14 jylǵa sottalǵan reseılikfızık Valentın Danılov Novosibir qalasynda turatyn boldy.ITAR-TAAS agenttiginiń habarlaýynsha, 13 qarashada sot onyń merziminenburyn shartty túrde bosatý jóninde bergen aryzyn qanaǵattandyrǵan.

Keshe belgili bolǵanyndaı, V.Danılov búgin bostandyqqa shyǵady. Onyń zaıyby Novosibirde turady eken. Ol otanyna qastandyq jasady degen aıyppen 2001 jyly tutqyndalǵan. Alqabılerdiń qatysýymen ótken sotta aqtalǵanmen, ekinshi márte bolǵan sotta ony 14 jylǵa bas bostandyǵynan aıyrdy. Reseılik quqyq qorǵaýshylar Danılovty saıası tutqyn retinde sanap, kezinde oǵan raqymshylyq jasaýdy talap etken edi.

Júzge jýyq kólik soqtyǵysty

AQSh-tyń Tehas shtatyndaǵy kúre jolda 100-ge jýyq avtokólik soqtyǵysypqaldy. Apat saldarynan 50-den astam adam zardap shekti, qaza bolǵandar da bar. Keıbir aqparattar boıynsha, soqtyǵysýǵa qalyń tuman sebep bolǵan kórinedi.

Apat jergilikti ýaqyt saǵat segizder shamasynda Bomont qalasynyń mańyndaǵy shtataralyq avtomagıstralda oryn alypty. Avtokólikterdiń ekeýine qaýipti júk tıelgen eken. Zardap shekkenderdiń beseýiniń jaǵdaıy aýyr. Kólikterden adamdardy shyǵarýǵa qutqarýshylar arnaıy tehnıkalardy paıdalanǵan.

Qarsylyq aksııasyna shaqyrdy

Egıpettiń oppozısııasy prezıdent Mohammed Mýrsıdi memlekettik tóńkeris jasady dep aıyptap, el turǵyndaryn jappaı qarsylyq aksııasyna shaqyrdy. Bul jóninde «Frans-press» agenttigi habarlady.

Beısenbi kúni eldiń konstıtýsııalyq deklarasııasyna ózgeris­ter engizilgen bolatyn. Onda prezıdentke «tóńkeristi qorǵaý» úshin birqatar ókilettikter berilgen, sondaı-aq prezıdenttiń qol qoıǵan kez kelgen zańdary men jarlyqtary qaıta qaraýǵa jatpaıtyny týraly ereje de engizilgen. Sonymen qatar, bas prokýrordy prezıdent jarlyǵymen tórt jyl merzimge taǵaıyndaý tártibi de engizildi. Osy jáne taǵy basqa da máseleler oppozı­sııa­ny qanaǵattandyrmaıdy.

Qysqa qaıyryp aıtqanda:

— Qyrǵyzstannyń ulttyq qaýipsizdik komıteti Irlandııa azamaty, quqyqqorǵaýshy Konor Parasadtyń qyzmetine kúdik kel­­tirdi. Onyńavtomáshınesinen ultaralyq janjaldy qozdyratyn, adamdardy jappaıtártipsizdik jasaýǵa shaqyratyn materıaldar tabylǵan.

— Túrkııalyq «Otokar» kompanııasy aldaǵy ýaqytta jasalatyn Altay tankisiniń keıbir qupııalaryn jarııa etti. Onyń salmaǵy – 60 tonna, dvıgateliniń qýaty – 1,5 myń at kúshine teń. Tank 2015 jyly synaqtan ótkiziledi.

— LDPR fraksııasynyń depýtattary Memlekettik dýmaǵa qyz­metkerlerdińeńbekaqysyn apta saıyn tóleý týraly zań jobasyn usyndy.

— Germanııada taralymy 100 myń danadan asatyn Financial Times Deutschland gazeti jabylatyn boldy. Sonyń saldarynan basylymnyń 320 qyzmetkeri jumystan bosatylady.

Internet materıaldary negizinde ázirlendi.