Jansel 73 keli salmaqta synǵa túsip, jarystyń jartylaı fınalynda súrindi.
«Aqpan aıynda biz eki iri reıtıngilik týrnırge qatystyq. Mundaı básekelerge álemniń ár túkpirinen sportshylar jınalady. О́ıtkeni, báriniń maqsaty bireý – reıtıngtegi ornyn jaqsartý.
Olımpıadalyq reıtıngte joǵary upaı jınap, úzdik altylyqqa ený meniń de eń basty mindetim. Biraq bul ońaı sharýa emes. Joldamaǵa iligý úshin kúsh-jigerimdi aıap qalmaımyn. Iri jarystardan oljalaǵan árbir júldem maǵan senimdilik syılasa, jeńilistiń de óz sabaǵy bar», - dedi Olympic.kz saıtyna suhbat bergen sportshy.
Jansel Denız Túrkııa jáne Egıpette ótken reıtıngilik týrnırlerden júldesiz oralǵan joq.
Sondaı-aq, ulttyq quramadaǵy úzdikterdiń biri sanalatyn Smaıyl Dúısebaı (87 keli) Irandaǵy básekesiniń kúmisin ıelense, Samat Temirhan (54 keli) qola júldeger atandy.
