Andreı Mamykın - Latvııa ýnıversıtetiniń fılologııa fakýltetin aıaqtaǵan. 2014 jyldan bastap Eýroparlament depýtaty qyzmetin atqarady.
Ol estafetany belgili qazaqstandyq jýrnalıst, «Habar» agenttiginiń Belgııadaǵy tilshisi Janat Ernstten alyp, QR Syrtqy ister mınıstriniń orynbasary Roman Vasılenkoǵa joldady.
Eske sala keteıik, 2018 jyly Almaty qalasy ákimdiginiń qoldaýymen «Tulpar minip, tý alǵan!» ádebı, tarıhı-tanymdyq baıqaýy ótti. Baıqaýǵa Almaty qalasyndaǵy 133 mektepten 500 muǵalim qatysyp, 1300 oqýshy «Alpamys batyr» jyryn jattady. Qatysýshylar ishinde 54 ózge ult ókilderi boldy.
«Tulpar minip, tý alǵan» ulttyq jobasyn qoldaý maqsatynda «Alpamys jyryn» oqýdan estafeta uıymdastyrylǵan bolatyn. Estafetany 300-den asa elimizdiń tanymal tulǵalary qoldady. Onyń ishinde mınıstrler, depýtattar, oblys pen qala ákimderi, dıplomattar men sot júıesiniń ókilderi, joǵary oqý ornynyń basshylary, ǵalymdar, qoǵam jáne mádenıet qaıratkerleri, belgili sportshylar boldy.
Bıylǵy jyly Jobanyń aıasynda 132 betten turatyn «Qobylandy batyr» jyryn 50 000 oqýshyǵa tolyq jattatý kózdelýde.
Baıqaýdyń maqsaty – óskeleń urpaqty halyq poezııasyna, qazaq halqynyń rýhanı asyl murasyna degen súıispenshilikke jáne patrıotızmge tárbıeleý, eldik pen erlik rýhyn, namysshyldyq,qaısarlyq qasıetterge baýlý. Baıqaý respýblıka boıynsha 6-10 synyp oqýshylarynyń arasynda ótedi. Baıqaý aıasynda qatysýshylar «Qobylandy batyr» jyrynyń Marabaı jyraý nusqasyn jatqa aıtyp, jyrdyń ishindegi kónergen, tarıhı sózderdiń maǵynasyn ashyp, ázirlengen suraqtarǵa jaýap beredi.
Baıqaý respýblıka boıynsha 5 000 mektepten 50 000 oqýshy men 25 000 muǵalimdi qamtıdy dep kútilýde. Jeńimpaz atanǵan oqýshylar men olardy saıysqa baýlyǵan ustazdardy aqshalaı syıaqylar kútedi.
Baıqaýdyń uıymdastyrý komıteti – «Qazaq Epos» qoǵamdyq qory.
Jobany qoldaýshy Qazaqstan Respýblıkasy Aqparat jáne kommýnıkasııalar mınıstrligi, Bilim jáne ǵylym mınıstrligi, «Habar» Agenttigi, jergilikti atqarýshy organdar.
