Ákim jańa baǵdarlamanyń mańyzdylyǵyn atap ótip, basty maqsat – halyqtyń turmys deńgeıin arttyrý ekendigin basa aıtty. О́ńir basshysy aldymen monoqalalardy damytý, turǵyn úı qurylysy boıynsha óńirde atqarylyp jatqan jumystardy jandandyrý kerektigine toqtaldy. Sondaı-aq, oblystaǵy kópbalaly otbasylardyń derekqoryn qaıta túgendeý kerektigi aıtyldy. Búgingi tańda oblys boıynsha 44 myń kópbalaly jáne 14852 az qamtamasyz etilgen otbasy bar desek, óńir basshysy bul sıfrdy qaıta naqtylaý kerektigin eskertti. Buǵan deıin Taraz qalasy boıynsha 11 arnaıy top qurylyp, qaladaǵy barlyq 4620 otbasyny túgeldeı aralap shyqqan. Dál osyndaı túgendeý jumystary aýdandar men aýyldar deńgeıinde de muqııat atqarylý kerek.
Asqar Myrzahmetov kópbalaly jáne az qamtylǵan otbasylardyń 70 paıyzy aýyldy jerlerde turatynyn eskerip, áleýmettik járdemaqydan bólek, olardy jumyspen qamtý sharalaryna barynsha tartý qajettiligin atap ótti. Elbasy tapsyrmasyna sáıkes aýyldardy damytý, bolashaǵy bar aýyldardy irikteý boıynsha da naqty jumystar qolǵa alynbaq. Ol úshin ár aýyldyq okrýgten bir-bir aýyl sharýashylyq kooperatıvterin qurýdyń ózektiligi sóz boldy. Bul baǵytta az aqsha bólinip otyrǵan joq. Tek aýdan ákimderi tarapynan úılestirý jumystaryn shıratý qajet.
Sondaı-aq, jıynda Elbasy baǵdarlamasyndaǵy turǵyndardy taza aýyz sý, keń aýqymdy gazdandyrý, sapaly densaýlyq saqtaý qyzmetine qoljetimdilikti qamtamasyz etý, barlyq deńgeıdegi ákimderdiń jumysyn jandandyrý baǵytyndaǵy tapsyrmalardy oryndaý sharalary da jan-jaqty qaýzaldy. Aıta ketý kerek, bul baǵyttardaǵy jumystardy júıeleý oblysta ótken jyldan-aq qolǵa alynǵany belgili. Nátıjesinde byltyr aýyz sý boıynsha 10 nysan paıdalanýǵa berildi. Naqty taldaýlardyń arqasynda aýyz sý qubyryna qosylmaı otyrǵan 149 myń turǵyn anyqtalyp, onyń 7 myńy aýyz sýmen qamtyldy. Bul oraıda bıyl 50 myń turǵyndy qamtý josparlanýda. Al, gazdandyrýǵa keletin bolsaq, byltyr quny 43 mıllıard teńgeni quraıtyn 84 eldi mekenderdi gazdandyrýdyń jobalyq smetalyq qujattary daıyndalǵan. Aǵymdaǵy jyly bul eldi mekenderge gaz qubyry qurylysyn júrgizý jumystary bastaý almaq. 3 jylǵa josparlanǵan bul jumystar iske asqan jaǵdaıda oblystaǵy gazdandyrý kórsetkishi 48 paıyzdan 70 paıyzǵa artpaq. Sol sekildi ótken jyly óńirde 39 medısınalyq nysan salynyp, paıdalanýǵa berildi desek, aldaǵy bir jarym jylda qalǵan 60 eldi meken alǵashqy medısınalyq kómek kórsetetin nysandarmen tolyǵymen qamtylmaq. Aýdan jáne aýyldyq okrýg ákimderiniń jumys nátıjeliligin artyrý úshin arnaıy júıeni bekitý isi de qolǵa alynǵan.
Jıynda Asqar Myrzahmetov Elbasy baǵdarlamasyndaǵy tapsyrmalardy óńir deńgeıinde jemisti júzege asyrý úshin barlyq baǵyttaǵy jumystardy jandandyrý kerektigine toqtaldy. Ol úshin esep-qısap sharalary atqarylyp, is-sharalar jobasy bekitilmek. О́ńir basshysy bıylǵy barlyq ındıkatorlyq kórsetkishterdi oryndaý jolynda osy baǵytqa asa basymdyq beriletinin basa aıtty.
Hamıt ESAMAN,
«Egemen Qazagstan»
Jambyl oblysy
