- Barshańyzdy búgingi merekemen quttyqtaımyn. Bul erekshe mereke. Sebebi 1-naýryz Elbasymyzdyń sheshimimen Assambleıa kúni jáne de Alǵys aıtý kúni bolyp jarııalanǵan bolatyn. Bul elimizde turyp jatqan barlyq etnostardyń yntymaǵy, birligi men dostyǵynyń naǵyz sımvolyna aınalǵan biregeı ınstıtýt. Alǵys aıtý kúni – bul qıyn-qystaý ýaqytty birge ótkergen jáne eń qysqa merzim ishinde Táýelsiz Qazaqstandy birge qurǵan azamattardyń bir-birine degen ózara qurmetiniń, meıirimdiliginiń, dostyǵynyń merekesi. Bul ortaq tarıhymyzǵa, jyldar boıy elimizde dostyq pen ózara túsinikti qalyptastyrǵan aǵa urpaqqa, bizdiń ákelerimiz ben atalarymyzǵa degen qurmet. Sondyqtan ortaq merekemiz qutty bolsyn!, - dedi saltanatty sharada sóılegen sózinde óńir basshysy.
Sondaı-aq merekelik sharaǵa jınalǵandardy «Haımat» nemis etnomádenı birlestiginiń tóraǵasy Edýard Frısler, «Vaınah» sheshen-ıngýsh etnomádenı birlestiginiń aqsaqaldar keńesiniń tóraǵasy Abýıazıd Hasıev, koreı etnomádenı birlestiginiń tóraǵasy Vıtalıı AN jáne taǵy basqa etnomádenı birlestikteriniń ókilderi quttyqtady.
- Bir kezderi Sovet úkimetinde Edil boıy respýblıkasy bolǵan edi. Meniń ata-anam sol jerde týǵan, 30 jasynda qazaq jerine kóshirilgen eken. Men qazir70 jasqa keldim, osy jerde, Jympıty aýdanynda dúnıege keldim. О́zimdi Qazaqstannyń tolyqqandy azamatymyn dep esepteımin. Oılap qarasam, ótken ómirimde qýanyshpen eske alatyn sátterim kóp. Grýzın, armıan, evreı, orys, qazaqpen tatý-tátti aralasyp óstik. О́zim áli kúnge deıin aýyl sharýashylyǵy salasynda eńbek etemin. Maǵan qarap-aq Qazaqstannyń nemisteri qandaı baqýatty jaǵdaıda turyp jatqanyn kórińizder. Myń da bir alǵys! - deıdi Edýard Frısler.
Qazbek QUTTYMURATULY,
«Egemen Qazaqstan»
Sýretti túsirgen Temirbolat TOQMÁMBETOV
Batys Qazaqstan
