Mundaı saılaý buryn-sońdy bolǵan emes
Juma, 20 qańtar 2012 7:20
ÝTRO.ru. Qazaqstan Parlamenti tómengi palatasyna ótken saılaý resmı turǵydan moıyndaldy. Onyń nátıjeleri saılaý úderisi aıaqtalǵannan keıin kóp uzamaı-aq jarııa etildi.
Daýys berýge kelgen saılaýshylar sany búkil kámelet jasyndaǵy turǵyndardyń 75 paıyzdan astamyn qurady. Muny aıtarlyqtaı joǵary deńgeıdegi belsendilik deýge bolady.
Juma, 20 qańtar 2012 7:20
ÝTRO.ru. Qazaqstan Parlamenti tómengi palatasyna ótken saılaý resmı turǵydan moıyndaldy. Onyń nátıjeleri saılaý úderisi aıaqtalǵannan keıin kóp uzamaı-aq jarııa etildi.
Daýys berýge kelgen saılaýshylar sany búkil kámelet jasyndaǵy turǵyndardyń 75 paıyzdan astamyn qurady. Muny aıtarlyqtaı joǵary deńgeıdegi belsendilik deýge bolady.
«Nur Otan» partııasy 81 paıyzǵa jýyq daýys jınady. «Aq jol» partııasy men Qazaqstan Kommýnıstik halyq partııasy da 7 paıyzdyq tabaldyryqtan attap, Parlamenttiń tómengi palatasyna óz ókilderin jiberetin boldy.
Qazaqstan Prezıdenti Nursultan Nazarbaev bylaı dep málimdedi: «Bul saılaý jarııalylyǵy, ashyqtyǵy jáne ádilettigi boıynsha buryn-sońdy kezdespegen saılaý boldy. Qazaqstan kúlli álem aldynda demokratııalyq damý jolymen yrǵaqty túrde alǵa jyljyp kele jatqanyn kezekti márte dáleldedi».
N.Nazarbaevtyń atap ótkenindeı, «Nur Otannyń» jaqsy nátıjesi – bul partııanyń jeke óziniń ǵana emes, sondaı-aq búkil halyqtyń jeńisi. «Bizdiń azamattarymyz turaqtylyq, tynyshtyq, toleranttylyq, kóp ultty halyqtyń dostyǵy úshin daýys berdi», dedi Qazaqstan Prezıdenti. Memleket basshysynyń sózine qaraǵanda, «tipti Jańaózendegi oqıǵalardyń ózi adamdardy burynǵydan beter toptastyra tústi. Bul qazaqstandyqtardyń turaqtylyqty saqtaýǵa degen umtylysyn kórsetedi».
ARGÝMENTY ı FAKTY. TMD Parlamentaralyq Assambleıasy baıqaýshylar mıssııasy Qazaqstan Parlamenti Májilisiniń depýtattaryn saılaý barysyndaǵy daýys berý úderisterinde eshqandaı zań buzýshylyqtardy baıqaǵan joq jáne saılaý ýchaskeleriniń jaraqtandyrylý deńgeıin joǵary baǵalady.
«Árıne, Qazaqstan saılaýǵa óte jaqsy daıyndyqpen keldi. Barlyq saılaý ýchaskeleri qajetti qurylǵylarmen jabdyqtalǵan. Saılaý ýchaskelerindegiler – tájirıbeli adamdar, olardyń júzderinen jyly lep esedi», dedi mıssııa basshysy reseılik senator Aleksandr Torshın Astanada ótken brıfıng kezinde.
«Búgin biz birqatar saılaý ýchaskelerinde boldyq. Bizdiń baıqaýshylarymyzdyń derekterine súıensek, ýchaskelerdiń barlyǵy ýaqytynda ashylǵan», dedi reseılik depýtat. Sondaı-aq ol saılaýshylar belsendiligin aıtarlyqtaı joǵary dep sıpattady.
