Iran BUU-dan kúmándanady

Senbi, 21 qańtar 2012 7:42

Irannyń ıadroshy-ǵalymy Mostafa Ahmadı Roshandy óltirýshilerge BUU-dan alynǵan aqpa­rat­tyń kómegi tıgen bolýy múmkin.
Bul týraly Irannyń BUU-daǵy turaqty ókiliniń orynbasary Eshaga ál-Habıbtiń málimdemesine silteme jasaı otyryp, Reıter agenttigi habarlaǵan. Ál-Habıbtiń aıtýynsha, qanisher BUU Qaýipsizdik Keńesi men Halyqaralyq atom energetıkasy jónindegi agenttiktiń málimetter bazasyndaǵy aqparattarǵa qol jetkizgen. Onyń aıtýynsha, halyqaralyq uıymdar Iranda júrgizilgen ınspeksııanyń málimetterin qupııa túrde saqtaı almaı otyr.

Senbi, 21 qańtar 2012 7:42

Irannyń ıadroshy-ǵalymy Mostafa Ahmadı Roshandy óltirýshilerge BUU-dan alynǵan aqpa­rat­tyń kómegi tıgen bolýy múmkin.
Bul týraly Irannyń BUU-daǵy turaqty ókiliniń orynbasary Eshaga ál-Habıbtiń málimdemesine silteme jasaı otyryp, Reıter agenttigi habarlaǵan. Ál-Habıbtiń aıtýynsha, qanisher BUU Qaýipsizdik Keńesi men Halyqaralyq atom energetıkasy jónindegi agenttiktiń málimetter bazasyndaǵy aqparattarǵa qol jetkizgen. Onyń aıtýynsha, halyqaralyq uıymdar Iranda júrgizilgen ınspeksııanyń málimetterin qupııa túrde saqtaı almaı otyr.

AÝǴANSTANDAǴY TIKUShAQ APATY
Aýǵanstanda NATO kontıngentine qarasty tik­ushaq apatqa ushyrap, so­nyń saldarynan alty áskerı qyzme­t­shi qaza tapqan.
Oqıǵa eldiń ońtústigindegi Gılmend provınsııasynda oryn alǵan. Qarýly kúsh­ter qolbasshylyǵy ázirge tikushaqtyń apatqa ushyraý se­bep­terin, sol sııaqty qaza tapqan soldattardyń qaı ulttan ekenin aıtýdan bas tartqan kórinedi. Sonymen birge 20 qańtar kúni tikushaq qulaǵan aýdanda zańsyz qarýly qurylymdar múshe­leriniń belsendiliginiń baıqalmaǵany da belgili bolyp otyr.

PERRI BÁSEKEDEN BAS TARTTY
Tehas shtatynyń gýbernatory Rık Perrı res­pýb­lıkalyq partııa atynan AQSh prezıdenttigine kan­dıdattyqqa usynylý quqy jolyndaǵy kúresten bas tartty.
Ońtústik Korolınada ótken baspasóz máslıhatynda osy jóninde resmı málimdeme jasaı otyryp, Perrı óziniń respýblıkalyq partııadan túsetin kelesi kandıdat Nıýt Gıngrıchke qoldaý kórsetetinin habarlaǵan. О́tken jyldyń tamyzynda óz kandıdatýrasyn usynǵysy keletin nıetin bildirgen kezde Perrı ózge úmitker-respýblıkalyqtar arasynan az ýaqytqa bolsa da qara úzip shyqqan bolatyn. Biraq halyq aldynda sóılegen sózderiniń álsizdigi onyń tanymaldyǵynyń quldyrap ketýine ákelip soqtyrdy.

PALESTINA TÁÝELSIZDIGIN MOIYNDADY
Taılandtyń BUU-daǵy mıssııasy Palestınanyń táýelsizdigin moıyndaıtynyn málimdegen.
Palestına memleketi 1967 jylǵy shekaralary boıynsha moıyndalyp otyr, olaı bolsa onyń quramyna Ierýsalım ǵana emes, sonymen birge ızraıldik eldi mekender bar aýmaqtar da kirýge tıis. Palestına syrtqy ister mınıstri Rııad ál-Malıkı Bangkok el táýelsizdigin 131-shi bolyp moıyndady dep málimdegen. Osyǵan deıin Palestınany eń sońǵy moıyndaǵan el Islandııa bolatyn.

ZAŃ JOBASYNAN KINÁRAT TABYLDY
Fransııa senatynyń komıssııasy basym daýyspen armıan geno­sı­din joqqa shyǵarǵany úshin jaý­ap­kershilik engizýdi qarastyratyn zań jobasy konstıtýsııaǵa qaıshy kele­di dep esepteıdi.
Zańnama jónindegi komıssııa jetekshisi Jan-Per Sıý­er­diń aıtýynsha, eger zańdy senat qabyldanǵan jaǵdaıda onyń azamattardyń, sóz erkindigin qosa alǵandaǵy, konstıtýsııalyq quqylaryn burmalaý qaýpi mol. Túrkııada senat komıssııasynyń ustanymy joǵary baǵalanyp otyr. Aıta ketý kerek, atalǵan zań jobasy boıynsha daýys berý 23 qańtar kúni ótetin bolady. Buǵan deıin, ıaǵnı 2011 jyldyń 22 jeltoqsanynda zań jobasyn el parlamentiniń tómengi palatasy qýattaǵan bolatyn.

TYŃShYLYǴY ÚShIN ELDEN QÝYLDY
Reseı men Kanada arasynda tu­tan­ǵan tyń­shy­larǵa qatysty janjal­dyń sońy eki reseılik dıp­lo­mattyń Ottavadan shyǵarylýyna aparyp soqtyr­dy.
Kanada arnaıy qyzmetiniń paıymdaýyna qaraǵanda, Reseı elshiliginiń qyzmet­kerleri taıaýda ǵana orys agentterine qupııa málimetter berý kezinde ustalǵan áskerı-teńiz barlaý qyzmetiniń leıtenantymen baılanysta bolǵan. Reseı elshiliginiń tórt qyzmetkeri otanyna qaıtarylyp otyr. Olardyń arasynda attashe Konstantın Kolpakov pen áskerı attashe, podpolkovnık Dmıtrıı Fedorchatenko bar. Al qalǵan ekeýi tehnıkalyq qyzmetkerler.

SOLTÚSTIK IRLANDIIаDAǴY JARYLYS
Soltústik Irlandııanyń Londonderrı qalasynyń ortalyǵynda eki birdeı jarylys boldy.
Bı-Bı-Sı taratqan málimetterge qa­ra­ǵanda, bir bomba iri saýda orta­ly­ǵy­nyń janynda, ekinshisi memlekettik ǵı­marattar ke­­sheni mańaıynda jarylǵan. Tótenshe oqı­­­ǵa saldarynan zardap shekkender joq. Eki saǵat buryn ter­ror­­lyq akt bolatyny týraly habar alǵan polısııa ha­­­lyqty qaý­­ipti jerden kóshirip úlgergen. Qazirgi ýaqytta birde-bir uıym terakt úshin jaýapkershilikti óz moıyndaryna almaı otyr.

LOBBIShILER DE TIRKELÝDEN О́TEDI
«Deılı telegraf» basylymynyń habarlaýynsha, Ulybrıtanııa ókimeti lobbıshiler úshin arnaıy tirkelý engizýdi josparlap otyr.
Basylym qolyna túsken qujatta keltirilgendeı, «lob­bıshi» sózi keń maǵynaǵa ıe bolǵan kórinedi. Kásipodaqtar, qaıyrymdylyq uıymdary, túrli qysym jasaý toptary men saraptama ortalyqtary osy uǵymǵa engizilgen. Tir­kelýden ótkennen keıin olarǵa ózderiniń qarjylandyrylý kózderin ashýlaryna týra keledi. Dástúrli maǵynadaǵy lobbıshige kelsek, olar óz klıentteriniń aty-jónderin ja­rııa­laýǵa máj­búr bolmaqshy. Al tirkelýden bas tartý eleý­li aıyppulmen nemese tipti túrmede qamaý jolymen jazalanatyn bolady.
Internet materıaldary negizinde ázirlendi.