Sharaına
Beısenbi, 26 qańtar 2012 7:29
TО́ŃKERISTIŃ BIR JYLDYǴY ATALYP О́TTI
Egıpette Hosnı Mýbarakty bılikten taıdyrǵan revolıýsııanyń bir jyldyǵy toılanýda.
Jańa ókimet bul kúndi barynsha keń kólemde atap ótpek nıette. Egıpette 30 jylǵa sozylǵan tótenshe jaǵdaı rejimi óz kúshin joıdy. Osy kúnnen bastap bul elde ulttyq revolıýsııaǵa baılanysty eki memlekettik mereke atalyp ótpekshi. Olardyń birinshisi, antımonarhııalyq tóńkeristi bildiretin 23 shildede atalsa, ekinshisi 25 qańtar kúnine belgilenip otyr. Sonymen birge, tóńkeristen keıin bir jyl ótkende ózgeristerdi talap etken halyq taǵy da Tahrır alańyna jınalýda.
Beısenbi, 26 qańtar 2012 7:29
TО́ŃKERISTIŃ BIR JYLDYǴY ATALYP О́TTI
Egıpette Hosnı Mýbarakty bılikten taıdyrǵan revolıýsııanyń bir jyldyǵy toılanýda.
Jańa ókimet bul kúndi barynsha keń kólemde atap ótpek nıette. Egıpette 30 jylǵa sozylǵan tótenshe jaǵdaı rejimi óz kúshin joıdy. Osy kúnnen bastap bul elde ulttyq revolıýsııaǵa baılanysty eki memlekettik mereke atalyp ótpekshi. Olardyń birinshisi, antımonarhııalyq tóńkeristi bildiretin 23 shildede atalsa, ekinshisi 25 qańtar kúnine belgilenip otyr. Sonymen birge, tóńkeristen keıin bir jyl ótkende ózgeristerdi talap etken halyq taǵy da Tahrır alańyna jınalýda.
BAILAR SALYQTY KО́BIREK TО́LEMEK
AQSh prezıdenti Barak Obama kongreste eldegi jaǵdaı týraly jyl saıynǵy dástúrli joldaýyn jasady.
Ol AQSh búginde burynǵydan da kúshti, Amerıka týy álemde asqaq bıikke kóterildi deı otyryp, sonymen birge el ekonomıkasynyń daǵdarystan áli túpkilikti ońalyp kete almaǵanyn da moıyndady. Obamanyń oıynsha, jaǵdaıdy baılarǵa salynatyn salyqtyq stavkany kóbeıtetin salyq reformasy ǵana túzeı alady. Sarapshylar B.Obamanyń kongrestegi sózin prezıdenttiń saılaýaldy baǵdarlamasy dep baǵalap otyr.
FRANSIIа ÁSKERIN ShYǴARÝǴA ASYQPAIDY
Fransııa óziniń Aýǵanstandaǵy áskerı kontıngentin osy elden shyǵarýǵa asyǵar emes.
Bul týraly eldiń syrtqy ister mınıstri Alen Jıýppeniń málimdemesine silteme jasaı otyryp, jergilikti BAQ habarlaǵan. Fransýz parlamenti depýtattarynyń suraqtaryna jaýap qaıtarǵan Jıýppe Parıj óz áskerin shuǵyl túrde shyǵarýdy qarastyryp otyrǵan joq, bári jaıbaraqat jáne uıymdasqan túrde júzege asýy kerek dep atap kórsetken. Mınıstr málimdemesiniń Parıjge Aýǵanstan prezıdenti Hamıt Karzaıdyń sapary qarsańynda jasalyp otyrǵanyn da aıta ketý qajet.
JAPONIIаDAǴY SAÝDA BALANSY TAPShYLYǴY
Japonııada sońǵy 30 jylda saýda balansynyń tapshylyǵy tirkeldi, dep habarlaǵan Frans-press agenttigi.
Japonııa qarjy mınıstrligi habarlaǵan málimetter boıynsha 2011 jyldyń qorytyndysynda saýda balansynyń tapshylyǵy 2,49 trıllıon ıendi (shamamen 32 mlrd. AQSh dollary) quraǵan. Esepti merzim ishinde ımport kólemi 12 paıyzǵa ósip, eksport 2,7 paıyzǵa tómendegen. Qarjy mınıstrligi saýda balansy tapshylyǵynyń negizgi sebebi retinde ótken jyldyń naýryzyndaǵy zilzala men sýnamı zardaptaryn jáne ulttyq valıýta baǵamynyń joǵarylyǵyn keltirip otyr.
KADDAFI JAQTASTARYNYŃ ShABÝYLY
Lıvııanyń burynǵy prezıdenti Mýammar Kaddafıge adaldyǵyn saqtap qalǵan kúshter Benı-Valıd qalasyn basyp aldy, dep habarlady Assosheıted press agenttigi.
Júrgizilgen operasııa nátıjesinde 4 adam qaza taýyp, 20 adam dene jaraqattaryn alǵan. Benı-Valıd qalasynyń alynýy Lıvııanyń bılikten taıdyrylǵan úkimetine adaldyǵyn saqtap qalǵan kúshterdiń alǵashqy uıymdasqan áskerı operasııasy. О́tpeli ulttyq keńes jasaqtarynyń brıgadasy qala syrtyna tyqsyrylyp shyǵarylǵan. Sóıtip, qulaǵan rejimniń týy qala ústinde qaıtadan jelbireı bastady.
KAPITALIZMNIŃ BOLAShAǴY TALQYLANBAQ
Shveısarııanyń Davos qalasynda 42-shi Dúnıejúzilik ekonomıkalyq forým óz jumysyn bastady.
Forýmda alǵashqylardyń biri bolyp kapıtalızmniń bolashaǵy talqylanbaqshy. «Uly transformasııa: jańa modelderdi qalyptastyrý» bıylǵy forýmnyń basty taqyryby bolmaq. Sonymen birge forýmda qaralatyn máselelerdiń qatarynda eýroaımaqtaǵy daǵdarys máselesi de bar. Uıymdastyrýshylar bıylǵy jıynǵa eki jarym myńnan astam adam qatysady dep boljap otyr.
MÝZYKANT SAIаSI OIYNNAN BAS TARTTY
Rollıng Stoýnz tobynyń lıderi Mık Djagger Davostaǵy halyqaralyq ekonomıkalyq forým barysynda Ulybrıtanııa premer-mınıstri Devıd Kemeron ótkizetin shaı ishý rásimine qatysýdan bas tartty.
Mýzykanttyń atalmysh is-sharaǵa qatysý arqyly konservatıvtik partııaǵa óziniń qoldaýyn bildiretindigi týraly birqatar brıtandyq gazetter jazǵan bolatyn. Djagger bolsa ol habarlardy joqqa shyǵara otyryp, óziniń saıası partııalar qyzmetine aralasýdy unatpaıtynyn jáne ózin «saıası fýtbol» oıynyna tartýdy qalamaıtynyn aıtyp, shaqyrýdan bas tartqanyn málimdegen.
AMERIKALYQ SERJANT ÚSh AIǴA SOTTALDY
2005 jyly Iraktyń 25 turǵynyn óltirdi dep aıyptalǵan AQSh-tyń áskerı qyzmetshisi túrmege qamalmaıtyn boldy.
Serjant Frenk Výtrıchtiń isine qatysty úkim taıaý ýaqyttarda shyǵarylmaq. Biraq áskerı sottyń sheshimi qazirdiń ózinde belgili. Iraktyń 24 beıbit azamatyn óltirgen AQSh teńiz jaıaý áskeriniń serjanty F.Výtrıchke 3 aı túrmede otyrý jazasy kesilip, sonymen birge ol aılyq jalaqysynyń 75 paıyzy mólsherinde aıyppul tóleıtin boldy.
APATQA KOMPANIIа MENEDJERI KINÁLI
«Kosta Konkordıa» kapıtany Franchesko Skettıno laınerdiń apatqa ushyraýyna Carnival kompanııasynyń menedjeri kináli dep málimdedi.
Kapıtannyń aıtýynsha, dál osy menedjer ony jaǵalaýǵa tym jaqyn kelýge májbúrlegen. Bul týraly ol telefon arqyly sóılesken kezde aıtqan kórinedi. Orbetello qalasyndaǵy polısııa ýchaskesinde qamaýda otyrǵan kezde aıtqan kapıtannyń sózin polısııa qupııa túrde jazyp alǵan. Ázirge kapıtanǵa qysym kórsetken adamnyń keme bortynda nemese jaǵalaýda bolǵany belgisiz kúıinde qalyp otyr.
Internet materıaldary negizinde ázirlendi.
