Sırııada referendým ótti
Seısenbi, 28 aqpan 2012 7:26
Sırııada jańa konstıtýsııanyń jobasy boıynsha uıymdastyrylǵanreferendým óz dárejesinde ótti dep moıyndaldy.
Bul týraly osy eldiń ishki ister mınıstri Mohammad Ash-Shaar habarlaǵan. Onyń aıtýynsha, eldiń kóptegen aýdandarynda jańa konstıtýsııany qabyldaý boıynsha daýys berý úderisi qalypty ótip, azamattar referendýmǵa belsendi qatysqan. Nátıjesinde saılaýshylardyń referendýmǵa kelýi jetkilikti deńgeıde joǵary paıyzdy qurap otyr. Referendým ótkizý týraly bastamany prezıdent Bashar Asad kótergen bolatyn. Degenmen, oppozısııa ony qoldamaı otyr. Al referendýmǵa qatysýshylardyń deni jańa konstıtýsııa qabyldaýdyń mańyzdylyǵyn atap kórsetýde.
Seısenbi, 28 aqpan 2012 7:26
Sırııada jańa konstıtýsııanyń jobasy boıynsha uıymdastyrylǵanreferendým óz dárejesinde ótti dep moıyndaldy.
Bul týraly osy eldiń ishki ister mınıstri Mohammad Ash-Shaar habarlaǵan. Onyń aıtýynsha, eldiń kóptegen aýdandarynda jańa konstıtýsııany qabyldaý boıynsha daýys berý úderisi qalypty ótip, azamattar referendýmǵa belsendi qatysqan. Nátıjesinde saılaýshylardyń referendýmǵa kelýi jetkilikti deńgeıde joǵary paıyzdy qurap otyr. Referendým ótkizý týraly bastamany prezıdent Bashar Asad kótergen bolatyn. Degenmen, oppozısııa ony qoldamaı otyr. Al referendýmǵa qatysýshylardyń deni jańa konstıtýsııa qabyldaýdyń mańyzdylyǵyn atap kórsetýde.
AHÝALDYŃ TYNYShTALǴANYN KÚTPEK
Aýǵanstanda AQSh armııasy áskerı qyzmetshileriniń Qurannyń birneshe danasyn órteýine baılanysty týyndaǵan antıamerıkalyq ereýilder toqtamaı tur.
«Talıban» qozǵalysy amerıkalyq áskerılerge qarsy birneshe teraktiler uıymdastyrdy. Vashıngton keshirim surap ta qoıdy, biraq Aýǵanstan prezıdenti Hamıt Karzaı Pentagonnyń kinálilerdi jazaǵa tartýyn talap etýde. Al AQSh-tyń Kabýldaǵy elshisi Raıan Kroker ahýal tynyshtalǵanǵa deıin amerıkalyq áskerdi Aýǵanstannan shyǵarýdy toqtata turýǵa shaqyryp otyr.
SALEHTYŃ BASQARÝ DÁÝIRI AIаQTALDY
Alı Abdalla Saleh prezıdenttik ókilettikti óziniń burynǵy orynbasary Abdý Rabbı Mansýr Hadıge saltanatty túrde tapsyrdy.
69 jastaǵy Alı Abdalla Salehtyń prezıdent laýazymynan óz erkimen ketpegenin eske sala ketý qajet. Ol halyqaralyq deńgeıde qysym kórsetýdiń jáne Parsy shyǵanaǵyndaǵy arab elderiniń aralasýynan keıin osyndaı qadamǵa májbúr bolyp otyr. 21 aqpan kúni Iemende merziminen buryn prezıdent saılaýy ótip, onda jeńiske jetken Abdý Rabbı Mansýr Hadı 25 aqpanda memlekettiń jańa basshysy retinde ant qabyldady.
IZRAIL ÁZERBAIJANǴA QARÝ-JARAQ SATPAQ
Ázerbaıjan 1,6 mıllıard dollarǵa ushqyshsyz ushatyn apparattar, áýe jáne zymyran shabýylyna qarsy qorǵanys júıesin satyp alý jóninde Izraılmen kelisimge keldi.
2011 jyldyń naýryzynda Ázerbaıjan qorǵanys mınıstrligi men Izraıldiń Aeronautics Defense Systems kompanııasy qurǵan birlesken kásiporyn Aerostar jáne Orbiter ushqyshsyz ushatyn apparattar shyǵarýdy bastaǵan bolatyn. Ázerbaıjanda ushqyshsyz ushatyn apparattardy lısenzııaly túrde shyǵarý isi bolashaqta odan ári ulǵaıa túspek degen pikirler aıtylýda.
QYRǴYZSTAN QYR KО́RSETTI
Reseıdiń Ortalyq Azııadaǵy sheshýshi áskerı nysany – Qyrǵyzstandaǵy avıabazasynan aıyrylýy múmkin.
Qyrǵyzstan prezıdenti Almazbek Atambaev Máskeýdi arenda aqysyn tólemedi dep kinálap, bazany jabýy múmkin ekenin eskertken. Baza reseılik generalıtettiń menmendigin ǵana beınelep otyr, arenda aqysy tólenbeıdi, mindettemeler oryndalmaıdy, dep túsindirgen ol oıyn «Kommersant» basylymyna bergen suhbatynda. A.Atambaevtyń bul áreketi Qyrǵyzstannyń jańa basshylyǵynan kóp úmit kútken Máskeý úshin óte tosyn jáıt bolyp otyr. О́ıtkeni, Reseıdiń osy eldegi ózge de múddelerine qaýip tónýde.
BIRLESKEN ÁSKERI JATTYǴÝLAR BASTALDY
Ońtústik Koreıa men AQSh keshe jyl saıynǵy keń aýqymdy áskerı jattyǵýlaryn bastady.
200 myń ońtústikkoreıalyq jáne 2000-nan asatyn amerıkalyq áskerı qyzmetshilerdiń qatysýymen ótetin jattyǵýlar 30 sáýirge deıin jalǵaspaq. Ońtústik Koreıa men AQSh-tyń mundaı is-áreketi QHDR tarapynan teris reaksııa týǵyzyp otyr. Resmı Phenıan jattyǵýlardy «únsiz soǵys jarııalaý» dep atasa, Soltústik Koreıa kósemi Kım Chen Yn Ońtústik Koreıamen shekaradaǵy áskerı bazada bolyp, shekara buzylǵan jaǵdaıda qýatty soqqy berý jóninde buıryq bergen.
«KО́LEŃKELI» HATTAR JARIIаLANÝDA
WikiLeaks portaly amerıkalyq Stratfor barlaý-saraptaý kompanııasynyń elektrondy hattaryn jarııalaýdy bastady.
WikiLeaks málimetterine sáıkes, 2004-2011 jyldardaǵy habarlarda Stratfor-dyń tyńshylary, tólemaqy júıesi jáne jumystaǵy psıhologııalyq ádis-tásilder týraly aqparattar bar. Hattarda sondaı-aq bıznesmenderden, saıasatkerlerden nemese sheneýnikterden alynǵan tapsyrystardyń «óńdeý» úshin jeke adamdarǵa jetkenge deıingi tizbekteri de kórsetilgen. Sol sııaqty hattardyń bir bóliginde saıtqa jáne onyń negizin qalaýshy Djýlıan Assandjǵa AQSh úkimetiniń shabýyl jasaýǵa talpynysy da kórinis tapqan.
TEMIR JOLDAǴY APAT
26 aqpan kúni Kanadada iri temir jol apaty oryn aldy.
Kanadanyń Berlıngton qalasynyń mańaıynda Nıagara-Folzdan Torontoǵa bara jatqan poıyzdyń eki vagony relsten shyǵyp ketken. Poıyzda 75 adam bolǵan kórinedi. Oryn alǵan tótenshe jaǵdaı saldarynan temir jolda jumys isteıtin úsh adam qaza tapqan. Al jolaýshylar túrli dárejedegi dene jaraqattaryn alǵan. Olardyń bir bóligi áli de maıysyp qalǵan vagondardyń ishinde qamaýda otyr. Qutqarýshylar bolsa, adamdardy arnaıy tehnıkanyń kómegimen bosatyp alýǵa talpynýda.
BEIBIT ATOMǴA ÁRKIM DE QUQYLY
Iranmen kelissóz júrgizip jatqan elder Tehrannyń ıadrolyq energııany beıbit maqsatta paıdalaný quqyn bekitýi tıis.
Reseı Federasııasynyń syrtqy ister mınıstri Sergeı Lavrov baspasóz máslıhatynda osyndaı pikir bildirgen. Irannyń MAGATE tarapynan týyndaǵan barlyq máselelerdi japqanyn barsha da synyqqa syltaý izdemeı moıyndaýy tıis. Sonymen birge ol Iаdrolyq qarýdy taratpaý jónindegi kelisimge múshe elderge qatysty quqyqtardyń báriniń, sonyń ishinde ıadrolyq otyn óndirý úshin ýrandy baıytý quqy da bar, Iranǵa da qatysty ekenin atap kórsetken reseılik mınıstr.
Internet materıaldary negizinde ázirlendi.
