Hakerler belsendileri ustaldy
Beısenbi, 1 naýryz 2012 7:25
Argentınanyń, Chılıdiń, Kolýmbııanyń jáne Ispanııanyń polıseıleri keshe Anonymous hakerler tobynyń 25 belsendisin tutqyndady. BBC News saıtynyń habarlaýynsha, tutqyndalǵandardan 250-den astam toraptyq jáne mobıldi jabdyqtar alynǵan.
Ispanııa ishki ister mınıstrliginiń málimetterine qaraǵanda, osy eldiń polıseıleri Madrıd pen Malaga qalalarynda toptyń tórt múshesin ustaǵan. Olardyń biri Anonymous hakerlik tobynyń Ispanııa men Latyn Amerıkasyndaǵy úılestirýshisi bolǵan. Al barlyq operasııa Interpol arqyly júzege asyrylǵan. Hakerler Kolýmbııa men Chılı úkimetteriniń ınternet resýrstaryna kıbershabýyldar jasaýmen aınalysqan kórinedi. Olar sondaı-aq, Kolýmbııa prezıdenti men qorǵanys mınıstrliginiń saıttaryn da isten shyǵarǵan.
Beısenbi, 1 naýryz 2012 7:25
Argentınanyń, Chılıdiń, Kolýmbııanyń jáne Ispanııanyń polıseıleri keshe Anonymous hakerler tobynyń 25 belsendisin tutqyndady. BBC News saıtynyń habarlaýynsha, tutqyndalǵandardan 250-den astam toraptyq jáne mobıldi jabdyqtar alynǵan.
Ispanııa ishki ister mınıstrliginiń málimetterine qaraǵanda, osy eldiń polıseıleri Madrıd pen Malaga qalalarynda toptyń tórt múshesin ustaǵan. Olardyń biri Anonymous hakerlik tobynyń Ispanııa men Latyn Amerıkasyndaǵy úılestirýshisi bolǵan. Al barlyq operasııa Interpol arqyly júzege asyrylǵan. Hakerler Kolýmbııa men Chılı úkimetteriniń ınternet resýrstaryna kıbershabýyldar jasaýmen aınalysqan kórinedi. Olar sondaı-aq, Kolýmbııa prezıdenti men qorǵanys mınıstrliginiń saıttaryn da isten shyǵarǵan.
EKS-PREMER KEShIRIM SURAMAIDY
Osydan birneshe kún buryn Ýkraına prezıdenti Vıktor Iаnýkovıch eldiń eks-premeri Iýlııa Tımoshenkoǵa eger ol keshirim surasa, raqymshylyq jasalýy múmkin degen maǵynada málimdeme jasaǵan edi.
Tımoshenkonyń jaýaby óte qatqyl boldy. «Batkıvshına» partııasy saıtynyń jazýynsha, eks-premer prezıdentke ondaı ótinishti eshqashan jasamaıtynyn málimdegen. Buǵan qosa ol ózin kináli dep eseptemeıtindigin, sondyqtan da keshirim suramaıtyndyǵyn aıtqan. Tımoshenko sondaı-aq ózine qatysty qozǵalǵan qylmystyq isterdiń barlyǵy el prezıdenti V.Iаnýkovıchtiń tikeleı tapsyrmasymen jasaldy dep málimdegen. «Iаnýkovıchtiń meni «syndyrýǵa» múmkindigi joq» degen eken eks-premer.
PREZIDENTKE TAǴY DA OPERASIIа JASALDY
Venesýela prezıdenti Ýgo Chaveske qaterli isikti alyp tastaý úshin taǵy da operasııa jasaldy. Reıter agenttiginiń taratqan aqparattary boıynsha, oǵan operasııa 28 aqpan kúni Kýbada jasalǵan.
Venesýela oppozısııalarynyń málimetterine qaraǵanda, 57 jastaǵy Ýgo Chaveske Gavana qalasyndaǵy «Sımek» klınıkasynda operasııa jasalǵan kórinedi. Operasııa 1,5 saǵatqa sozylǵan, prezıdenttiń densaýlyǵy jóninde naqty aqparat joq. Aıta keteıik, osy jyldyń 7 qarashasynda Venesýelada prezıdenttik saılaý ótedi. Prezıdent bul saıası básekege kandıdat retinde qatysatyndyǵyn bildirgen bolatyn.
TERRORLYQ ÁREKETTERDIŃ ALDYN ALDY
Úndistannyń Nıý-Delı qalalyq polısııasy aýqymdy operasııalar júrgizýdiń nátıjesinde el astanasynda josparlanǵan birqatar terrorlyq áreketterdiń aldyn aldy. Jergilikti aqparat quraldarynyń málimetterinshe, quqyq qorǵaý qyzmetkerleri «Lashkar-ı-Taıba» atty terrorshyl uıymnyń eki sodyryn tutqyndaǵan.
Tergeýshilerdiń paıymdaýynsha, tutqynǵa alynǵan bul eki sodyr el astanasyndaǵy ómirlik mańyzy bar nysandarǵa shabýyl jasap, birqatar tanymal tulǵalarǵa qastandyq uıymdastyrmaq bolǵan. Polısııa mundaı aqparatty barlaý qyzmetkerleri arqyly bilgen kórinedi. Atalǵan terrorshy uıym eldiń soltústigindegi Djamma jáne Kashmır shtattarynda ornalasqan.
131 AVIAREISTI AÝYSTYRÝǴA MÁJBÚR BOLDY
Ispandyq «Iberııa» avıakompanııasy ushqyshtardyń ereýilge shyǵýyna baılanysty keshegi kúnge josparlanǵan 131 reısti aýystyrýǵa májbúr boldy. Olardyń ishinde Lıma, Mehıko, San-Paýlý jáne Býenos-Aıres baǵytyna qatynaıtyn reıster de bar.
Avıakompanııa basshylarynyń aıtýynsha, aýystyrylǵan bul reıstermen ushýǵa tıis jolaýshylarǵa ótemaqy tólenedi nemese olardyń ózge avıakompanııalardyń qyzmetin paıdalanýlaryna múmkindik qarastyrylǵan. Osy avıakompanııanyń qyzmetkerleri ótken jyldyń jeltoqsanynda jáne ústimizdegi jyldyń qańtarynda birneshe ret ereýilge shyqqan bolatyn. Talaptary – qyzmetkerlerdiń eńbekaqysyn kóterý.
POLISIIа KÚShEITILGEN TÁRTIPKE KО́ShIRILDI
Máskeý qalasynyń polısııasy prezıdenttik saılaýǵa baılanysty 1 naýryzdan bastap kúsheıtilgen rejimde qyzmet etetin bolady. Bul týraly qoǵamdyq tártipti qorǵaý basqarmasynyń bastyǵy V.Kozlov málimdedi.
Onyń sózine qaraǵanda, saılaýǵa baılanysty qoǵamdyq tártipti qamtamasyz etýge 36,5 myń adam tartylyp otyr. Olardyń 16 myńnan astamy polıseıler, 14 myńǵa jýyǵy halyq jasaqshylary, 2,2 myńy MAI qyzmetkerleri. ITAR-TASS agenttiginiń aqparattary boıynsha, polısııa arnaıy esepte turatyn azamattardyń páterlerin, basqa da kúdikti oryn-jaılardy tekserip jatqan sııaqty. Kúsheıtilgen rejim Reseıdiń basqa qalalarynda da engizilip otyr.
Qysqa qaıyryp aıtqanda:
Iemendik ereýilshiler AQSh-tyń osy memlekettegi elshisin elden ketirýdi talap etti. Olardyń pikirinshe, AQSh elshisi Iemenniń ishki isine aralasýda.
Týnıs qajet bolǵan jaǵdaıda Sırııanyń prezıdenti Bashar Asadqa jáne onyń jaqyndaryna saıası baspana berýge daıyn ekendikterin málimdedi.
Reseıdiń Hımkı mańyndaǵy qoımaǵa qaraqshylyq shabýyl jasaǵandardyń kimder ekendigi anyqtaldy. Olardyń ekeýi – Daǵystannyń, bireýi Túrkimenstannyń azamattary eken.
Abhazııa halyq jınalysy saılaýyna tanylǵan jáne tanylmaǵan onshaqty elden 25-ten astam baıqaýshyny shaqyrdy. Arasynda Ońtústik Osetııa men Taýly Qarabaq bar.
Grýzııa prezıdenti Mıhaıl Saakashvılı óziniń bıylǵy joldaýynda Reseımen vızalyq rejimdi belgili tártippen aýystyrýdy usynǵan.
Internet materıaldary negizinde ázirlendi.
