Zilzala qurbandaryn eske aldy
Dúısenbi, 12 naýryz 2012 8:16
Keshe dúnıe júzin dúr silkindirgen Japonııadaǵy zilzala týyndatqan sýnamı apatyna bir jyl toldy. Sýnamı saldarynan qaza tapqandar bir mınót únsizdikpen eske túsirildi.
Sýnamı qurbandary 19 myń adamdy qurasa, «Fýkýsıma-1» atom elektr stansasyndaǵy apattan keıin 160 myńdaı adam óz úılerin tastap shyǵýǵa májbúr bolǵan edi. Qaraly sharalar búkil el boıynsha uıymdastyryldy. Tokıodaǵy Ulttyq teatrda premer-mınıstr Esıhıko Noda men ımperator Akıhıto únsiz duǵa oqydy.
Dúısenbi, 12 naýryz 2012 8:16
Keshe dúnıe júzin dúr silkindirgen Japonııadaǵy zilzala týyndatqan sýnamı apatyna bir jyl toldy. Sýnamı saldarynan qaza tapqandar bir mınót únsizdikpen eske túsirildi.
Sýnamı qurbandary 19 myń adamdy qurasa, «Fýkýsıma-1» atom elektr stansasyndaǵy apattan keıin 160 myńdaı adam óz úılerin tastap shyǵýǵa májbúr bolǵan edi. Qaraly sharalar búkil el boıynsha uıymdastyryldy. Tokıodaǵy Ulttyq teatrda premer-mınıstr Esıhıko Noda men ımperator Akıhıto únsiz duǵa oqydy.
Gaza sektoryna soqqy jasady
Izraıl áskerı-áýe kúshteri jeksenbige qaraǵan túni Gaza sektoryna jańadan soqqy jasady. Palestına medısına qyzmetteriniń derek kózderi arnaıy operasııa saldarynan bir adam qaza tapsa, úsheýi shabýyl kezinde kóz jumǵanyn aıtyp otyr.
Jańa bombalaýlardy qosa alǵanda, 7 naýryzda bastalǵan áýe shabýyly saldarynan qaza tapqan palestınalyqtardyń jalpy sany 16 adamǵa jetken. Al Palestına tarapy sońǵy táýlikterde Izraılge júz shaqty túrli zymyrandar jibergen. Birneshe adam jaraqattanypty. Izraıl aýmaǵyn atqylaý 7 naýryzda Izraıl ushaqtary Gaza sektoryna áýeden soqqy bergennen keıin bastalǵan bolatyn.
Eýroodaqtaǵy elshilerin keri shaqyrady
Sırııa birqatar EO elderindegi elshilerin keri shaqyryp alady. Bul týraly «Reuters» agenttigi habarlady. Damask mundaı qadamǵa Eýropa elderi prezıdent Bashar Asadtyń qatań is-áreketine jaýap retinde Sırııa elshilerin óz elderinen shyǵaryp jiberedi dep qaýiptengendikten baryp otyr, deıdi agenttik.
Atalǵan agenttiktegi derek kóziniń aıtýynsha, Sırııanyń EO-nyń birqatar elderindegi elshileri otandaryna oralýǵa daıyndalyp jatyr. Al áńgime qaı elder týraly ekeni naqtylanbaıdy. Máselen, Damaskimen dıplomatııalyq qarym-qatynas deńgeıin tómendetý jóninde Fransııa usynys bildirgen edi. Alaıda, buǵan baılanysty Eýropa elderi ázirshe kelisimge kele qoıǵan joq.
Obama Pýtındi jeńisimen quttyqtady
9 naýryz, juma kúni AQSh prezıdenti Barak Obama Vladımır Pýtındi Reseıde ótken prezıdenttik saılaýdaǵy jeńisimen quttyqtady. Telefon qulaǵyndaǵy áńgime shamamen jıyrma mınótke sozylsa, ol «beıresmı» sıpatta órbigen.
Reseı premer-mınıstriniń halyqaralyq ister jónindegi kómekshisi Iýrıı Ýshakovtyń aıtýynsha, AQSh prezıdenti Pýtınge «Reseıdiń saılanǵan prezıdentimen tyǵyz jumys isteýge» daıyn ekenin bildirgen. Pýtın óz kezeginde Obamaǵa onyń saılaýaldy naýqanyna tabys tilegen. Suhbattastar sondaı-aq RF – AQSh sammıtin ótkizý, t.b. máselelerdi talqylaǵan.
Bakıevtiń baýyry kolonııadan qashty
Qyrǵyzstanda taǵynan taıdyrylǵan prezıdent Qurmanbek Bakıevtiń baýyry – Ahmat Bakıevtiń kolonııa-qonystan qashýyna baılanysty qylmystyq is qozǵaldy. A.Bakıev túrli qylmystar jasady dep aıyptalyp, kolonııa-qonysqa jiberilgen bolatyn.
Qylmystyq is «Bostandyǵynan aıyrylǵan jerden nemese kúzetten qashý» baby boıynsha qozǵaldy. Sondaı-aq, quqyq qorǵaý qyzmetkerlerine qatysty óz mindetine saldyr-salaq qaraý boıynsha taǵy bir qylmystyq is qozǵalyp otyr. Q.Bakıevtiń bıligi kezinde onyń inisi A.Bakıev Jalalabad oblysynyń «kóleńkeli gýbernatory» eseptelip kelgen edi. Naqtysynda ol jergilikti keńestiń depýtaty ǵana bolatyn.
Beıbit turǵyndarǵa qarý qoldandy
Aýǵanstannyń ońtústiginde qyzmetin ótep júrgen amerıkalyq soldat beıbit turǵyndarǵa qarata oq atqan. Qandaǵar provınsııasy gýbernatorynyń sózine qaraǵanda, oqıǵa bolǵan jerde 16 adam qaza tapqan.
Oqıǵa soldat qyzmetin ótep júrgen áskerı bazadan tys jerde oryn alǵan. Amerıkalyqtyń ne sebepti qarý qoldanǵany ázirshe beımálim. VVS News-tiń derekterinshe, áskerı júıkesi syr bergennen keıin qarýǵa júginýi yqtımal. Bazaǵa oralǵan soń soldat qamaýǵa alynǵan. Aýǵanstandaǵy qaýipsizdikke yqpal etý jónindegi halyqaralyq kúshterdiń baspasóz qyzmeti qaza tapqandardyń otbasyna kóńil aıtqan.
Qysqa qaıyryp aıtqanda:
Grekııa qarjy mınıstri Evangelos Venızelos zeınetkerdiń shabýylyna ushyrady. Jergilikti ardager oǵan qaǵaz qorapqa salynǵan ıogýrt laqtyrǵan. Mınıstrdi shabýyldaǵan zeınetkerdiń kim ekeni naqtylanbaıdy.
Ýkraınanyń burynǵy úkimet basshysy Iýlııa Tımoshenkonyń ókilettiligin asyra paıdalandy dep jeti jylǵa bas bostandyǵynan aıyrylǵany belgili. Endi ol rejimdik talaptardy saqtaýdan bas tartyp otyr eken. Mysaly, ol túrme kıimin kııýden at-tonyn ala qashqan.
Tájikstan prezıdenti Emomalı Rahmon jala jáne til tıgizý týraly baptardy qylmystyq kodeksten ákimshilik kodekske aýystyrý týraly usynys túsirdi. Qazirgi kezde kináli dep tabylǵan adam QK-niń atalǵan baptary boıynsha aıyp tóleıdi, túzeý jumystaryna barady nemese eki jylǵa deıin sottalady.
Internet materıaldary negizinde ázirlendi.
