Basqa basylymdardan
Senbi, 31 naýryz 2012 7:55
QARÝSYZDANÝKО́ShBASShYSY
Qazaqstan PrezıdentiNursultan Nazarbaevtyńbastamasy álemnazarynda
_______________________________________
AP. RF Prezıdenti Dmıtrıı Medvedev pen AQSh Prezıdenti Barak Obama burynǵy Semeı ıadrolyq synaq polıgony endi qater týǵyzbaıtynyn málimdedi. Reseı basshysy, sondaı-aq muny ıadrolyq qaýipsizdik máselelerimen aınalysatyn ózge elder úshin naqty mysal bolatynyn atap ótti.
Senbi, 31 naýryz 2012 7:55
QARÝSYZDANÝKО́ShBASShYSY
Qazaqstan PrezıdentiNursultan Nazarbaevtyńbastamasy álemnazarynda
_______________________________________
AP. RF Prezıdenti Dmıtrıı Medvedev pen AQSh Prezıdenti Barak Obama burynǵy Semeı ıadrolyq synaq polıgony endi qater týǵyzbaıtynyn málimdedi. Reseı basshysy, sondaı-aq muny ıadrolyq qaýipsizdik máselelerimen aınalysatyn ózge elder úshin naqty mysal bolatynyn atap ótti.
Dmıtrıı Medvedev úsh memleket 2004 jyldan bastap túsinistik jaǵdaıda Semeı polıgonynyń zardaptaryn joıý maqsatynda birlesken jumystar jasap kele jatqanynan habardar etti. Osyǵan baılanysty Reseı basshysy Qazaqstan Prezıdenti Nursultan Nazarbaevqa bul máselede ornyqtylyq jáne belsendi kózqaras tanytqany úshin alǵys bildirdi.
«Reseı men AQSh ıadrolyq qaýipsizdik máselesi jaýapkershiligin ózderine júktegen memleketter retinde atalǵan problemalarmen aınalysýǵa jáne ony sheshýge resýrstar taba bildi», – dedi D.Medvedev. Barak Obamanyń pikirinshe, «sońǵy birneshe jylda úsh el aýqymdy jumystardy júzege asyrdy». Aq úı basshysy «qyrǵı-qabaq» soǵys kezinde Semeı polıgonynda kóptegen ıadrolyq materıaldar jınalyp qalǵanyn atap ótti. «Biz ıadrolyq materıaldardyń qaýipsiz orynda bolýyna qol jetkizdik. Endi ondaǵy ıadrolyq materıaldar terrorshylardyń qolyna túspeıtindeı qorǵalǵan», – dedi AQSh Prezıdenti.
Seýlde Iаdrolyq qaýipsizdik jónindegi sammıt ótti. Jıynnyń jumys otyrystaryna 50-den astam eldiń jáne tórt halyqaralyq uıymnyń basshylary qatysty. «Sammıt alańynda» birqatar shaǵyn quramdaǵy kezdesýler josparlanǵan edi. Sondaı kezdesýdiń biri Reseı, AQSh jáne Qazaqstan prezıdentteriniń arasynda boldy. Kezdesýde Dmıtrıı Medvedev úsh memlekettiń Semeı polıgony jónindegi yntymaqtastyǵy ıadrolyq qaýipsizdik máselesimen aınalysatyndarǵa úlgi bolatynyn atady.
«2004 jyldan bastap úsh memleket: Qazaqstan, AQSh jáne Reseı Semeı polıgonyn paıdalanýdan qalǵan zardaptardy joıýmen aınalysýdamyz, – dedi Dmıtrıı Medvedev. – Sondaı-aq men Reseı Federasııasy men AQSh-tyń ıadrolyq qaýipsizdik jaýapkershiligin júktegen memleketter retinde qajetti kooperasııa kórsetkenin atap ótkim keledi».
TREND. Vashıngton sammıtinen keıingi eki jyl jahandyq ıadrolyq qaýipsizdik salasynda aıtarlyqtaı jaǵdaılarǵa toly boldy. «Birinshiden, 2011 jyly Iаdrolyq qarýdy taratpaý shartynyń aıasynda Sholý konferensııasy ótti, – dedi sammıtte sóılegen sózinde Qazaqstan Prezıdenti Nursultan Nazarbaev. – Ekinshiden, eki jyl ishinde álemde joǵary baıytylǵan ýrannyń úlken kólemi joıyldy. Álemdegi otyzdan astam memleket ıadrolyq qaýipsizdik salasynda ulttyq mindettemeler qabyldady. Úshinshiden, 2010 jyly Astanada Iаdrolyq terrorızm aktilerimen kúres jónindegi jahandyq bastamalar konferensııasy tabysty ótti».
Nursultan Nazarbaev, sondaı-aq Qazaqstan ulttyq deńgeıde 210 tonna ıadrolyq otyndy qaýipsiz saqtaý úshin tasymaldaý jobasyn júzege asyrǵanyn, Qazaqstan «Úlken segizdik» elderine jappaı qyryp-joıatyn qarýdyń taralýymen kúreste jahandyq áriptes retinde shyqqanyn atap ótti. «Qazaqstan Iаdrolyq qaýipsizdik jónindegi sammıtterdi ár eki jyl saıyn ótkizýdi usynady. Biz bolashaqta Astanada osyndaı sammıtterdiń birin qabyldaýǵa daıynbyz. Qazaqstan AQSh pen Reseı arasyndaǵy Strategııalyq shabýyldaý qarýyn qysqartý týraly sharttyń kúshine enýin qoldaıdy jáne Prezıdent Barak Obamanyń jańa ıadrolyq strategııasyna qoldaý bildiredi. Iаdrolyq qarýy bar elderdiń barlyǵyn osyndaı izgi nıet kórsetýge shaqyrady», – dep atap ótti Qazaqstan Prezıdenti.
