Taǵy bir el táýelsizdigin jarııalady

Senbi, 7 sáýir 2012 8:02

Malıdiń soltústik aýdandaryn baqylaýyna alǵan týare taıpasynyń kóterilisshileri ózderi basyp alǵan aýmaqty táýelsiz dep jarııalady. Frans-press agenttiginiń habarlaýynsha, 6 sáýirden bastap bul aýmaq Azavad memleketi dep atalady.

Senbi, 7 sáýir 2012 8:02

Malıdiń soltústik aýdandaryn baqylaýyna alǵan týare taıpasynyń kóterilisshileri ózderi basyp alǵan aýmaqty táýelsiz dep jarııalady. Frans-press agenttiginiń habarlaýynsha, 6 sáýirden bastap bul aýmaq Azavad memleketi dep atalady.

Malıdiń soltústik bóliginde turatyn týaregter uzaq jyldardan beri el úkimetine táýelsiz memleket qurý jóninde ótinish bildirip kelgen. Tipti, olarmen partı­zan­dyq kúres te júrgizipti. Nátıjesinde 4 sáýirde týaregtik kóterilisshiler Malı áskerlerimen shaıqasta ózderi talap etken aýmaqty basyp alǵan. Naýryzdyń sońynda bul elde áskerı tóńkeris bolǵany belgili. Eń bastysy, el pre­zıdentiniń kóterilisshilerdi basyp-janshýǵa qaýqar­syzdyǵy.

Fransııadaǵy AES-ten aqaý shyqty

Frans-press agenttiginiń taratqan aqparattary boıynsha, Fransııanyń soltústigindegi «Penlı» atom elektr stan­sasynda radıoaktıvti sý tam­shy­la­ǵan. Keıbir aqparat kózderine qaraǵanda, 5 sáýirde AES-te eki órt bolǵan. Reaktor jumysyn avtomatty túrde toqtatqan.

EDF kompanııasy stansa operatorynyń aıtýynsha, ra­dıoaktıvti sýdyń tamshylap, órttiń shyǵýy reaktordy sal­qyn­datý úshin paıdalanylatyn sorǵy júıesiniń qosylatyn jeri búlinýinen bolǵan. Qazirgi kezde tamshylaǵan radıo­aktıvti sý arnaıy rezervýarǵa quıylýda, reaktordy sal­qyn­datý shtattyq rejimde ótýde. EDF kompanııasy ókil­deriniń habarlaýynsha, qorshaǵan ortaǵa qazirge qaýip joq. «Penlı» AES-i 1990 jyly jumys isteı bastaǵan. Onda jylyna 2,7 myń megavattqa jýyq elektr energııasy óndiriledi.

Prezıdenttik saılaýǵa qatysqysy keledi

Burynǵy Iýgoslavııanyń sońǵy prezıdenti jáne serbııalyq oppozısııa demokrattarynyń lıderi Voılav Koshtýnısa Serbııada ótetin prezıdenttik saılaýǵa qatysýǵa nıettenip otyr.

V.Koshtýnısa Serbııa demokratııalyq oppozısııasy usynǵan kandıdat bolmaq. Onyń negizgi ıdeıasy – Serbııa­nyń saıası jáne áskerı beıtaraptyǵy bolyp tabylady. Koshtýnısanyń málimdeýinshe, «Serbııa úshin bostandyq sınonımine» baılanysty beıtaraptyqty saqtaý. Kandı­dat­tyń aıtýynsha, onyń bul ustanymy serbterdiń kóz­qarasyna jaqyn keledi. Sondaı-aq saıasatker Serbııanyń Eýropalyq odaqqa kirýine jáne Kosovanyń Serbııa qura­mynda bolýyna úzildi-kesildi qarsy ekenin málimdegen.

Reseıdiń NATO-daǵy jańa ókili

Reseıdiń NATO janyndaǵy turaqty ókiline Reseı Federasııasy syrtqy ister mınıstriniń orynbasary Aleksandr Grýshko taǵaıyndalady. Muny NATO-nyń Brıýsseldegi shtab-páteri málimdedi.

Aleksandr Grýshko mınıstrdiń orynbasary retinde jalpy eýropalyq jáne eýroatlantıkalyq uıymdar máselesimen aınalysady. Derek kózderi onyń atalǵan máselelerdi jaqsy biletinin aıtady. «Grýshko kásibı maman retinde NATO-men kópten beri aınalysyp keledi», – dep atap ótken derek kózderi. Ol Reseı syrtqy ister mınıstrliginde 1977 jyldan beri istep keledi. Mınıstrdiń orynbasary qyzmetine 2005 jyly taǵaıyndalǵan. Bul qyzmetti buǵan deıin Dmıtrıı Rogozın atqarǵan edi.

Eń tómengi deńgeıge tústi

Ulybrıtanııa premer-mınıstri Devıd Kemeron­nyń reıtıngi eń tómen­gi rekordtyq deńgeıge túsken. The Syn basylymynyń jazýynsha, eki aptada úkimet basshysynyń reıtıngi segiz paıyzǵa tómendegen, qazirgi kezde ol 30 paıyzdy quraıdy. Bul D.Kemeronnyń óz laýazymyna kiriskennen bergi eń tómengi kórsetkish.

Degenmen, premer-mınıstrdiń basty básekelesi, leıborıster partııasynyń lıderi Ed Mılıbendti suraý salǵan­dardyń 19 paıyzy qoldaǵan. Úmitkerlerdiń arasyn­daǵy eń tómengi reıtıngtik kórsetkish premer-mınıstrdiń orynbasary, lıberaldy demokratııalyq partııasynyń jetekshisi Nık Klettke tıesili. Onyń reıtıngi – 5 paıyzdyń tóńi­re­ginde. Devıd Kemoron reıtınginiń osynshalyqty quldyraýy eldegi ekonomıkalyq saıasatqa baılanysty bolsa kerek.

Jolaýshylar tasymaldaýǵa tyıym saldy

Belorýssııanyń «Belavıa» ulttyq avıa kompanııasy 13 sáýirden bastap Reseıdiń barlyq óńirlerine (Máskeý qalasynan basqa) jolaýshylar tasymaldaýǵa tyıym salady. Bul jóninde «Belavıa» bas dırek­torynyń orynbasary Igor Chergınes habarlady.

Derek kózderine qaraǵanda, «Belavıa» kompanııasy Más­keý, Kalınıngrad, Sankt-Peterbýrg, Ekaterınbýrg jáne Sochı qalalaryna jolaýshylar tasymaldap kelgen. Avıakompanııa jazda Novosibirge reıs ashýdy josparlap otyrǵan. Bul reseılikterge unamaı qalsa kerek.

Qysqa qaıyryp aıtqanda:

* AQSh soty meksıkalyq esirtki karteliniń basshysy Hose Ernandesti ómir boıy túrmede ustaý jóninde úkim shyǵardy.

* Lıvııanyń burynǵy basshysy M.Kaddafıdiń túrmedegi ulyna shabýyl jasaldy. Gaaga halyqaralyq soty ókiliniń málimdeýinshe, onyń zardaptary týraly ázirge naqty málimetter joq.

* Ońtústik Afrıka respýblıkasynyń qarýly kúshteri eldiń aýyl jáne orman sharýashylyǵyna tıesili jeti kemeni óz baqylaýyna alatyndyǵyn málimdedi.

* Ýkraınanyń burynǵy qorshaǵan ortany qorǵaý mınıstri G.Fılıpchýk óz ókilettigin asyra paıdalanǵany úshin úsh jylǵa bas bostandyǵynan aıyryldy.

* Berlın áýejaıynyń qyzmetkerleri ereýilge shyǵýynyń arqasynda aılyq jalaqylarynyń kóbeıýine qol jetkizdi.

* Fransııa prezıdenti Nıkolıa Sarkozı el prezıdenti bolyp qaıta saılanǵan jaǵdaıda Eýroodaqtyń jalpy bıýdjetine jarna tóleýdi toqtatatynyn málimdedi.

Internet materıaldary negizinde ázirlendi.