Sharaına
Beısenbi, 12 shilde 2012 7:40
Sırııa jónindegi qarar jobasy
Reseı BUU-nyń Qaýipsizdik Keńesine Sırııa boıynsha qarar jobasynázirlep usyndy. Joba Sırııadaǵy halyqaralyq baıqaýshylardyń bolýmerzimin úsh aıǵa uzartýdy qarastyrady. Bul týraly Reseıdiń«Jańalyqtar» aqparat agenttigi habarlady.
Beısenbi, 12 shilde 2012 7:40
Sırııa jónindegi qarar jobasy
Reseı BUU-nyń Qaýipsizdik Keńesine Sırııa boıynsha qarar jobasynázirlep usyndy. Joba Sırııadaǵy halyqaralyq baıqaýshylardyń bolýmerzimin úsh aıǵa uzartýdy qarastyrady. Bul týraly Reseıdiń«Jańalyqtar» aqparat agenttigi habarlady.
Reseıdiń BUU janyndaǵy turaqty ókiliniń birinshi orynbasary Aleksandr Pankınniń sózine qaraǵanda, usynylǵan qarardyń máni BUU-nyń Sırııa boıynsha arnaıy ókili Kofı Annannyń kúsh-jigerine qoldaý kórsetý bolyp tabylady. Jalpy, AQSh bastaǵan Batys elderi Sırııa prezıdenti Bashar Asadtyń prezıdenttikten ketkenin qalasa, Reseı buǵan qarsy ustanymda.
Prezıdent dekretiniń kúshin joıdy
Mysyrdyń konstıtýsııalyq soty eldiń jańa taǵaıyndalǵanprezıdenti Mohammed Mýrsıdiń áskerıler bılikte turǵan kezdetaratqan parlamentti jumysyna qaıtarý týraly dekretiniń kúshinjoıdy.
Quramynda ıslamısterdiń «Musylman baýyrlar» partııasynyń ókilderi kóp jańadan saılanǵan parlament konstıtýsııalyq sot tarapynan osylaısha zańsyz dep tabylyp otyr. Ol saılaý zań buzýshylyqtarmen ótti dep esepteıdi. Sot mundaı sheshimdi 14 maýsymda qabyldaǵan edi. Biraq Mýrsı 8 shildede joǵarydaǵydaı dekretke qol qoıǵan bolatyn. Konstıtýsııalyq sot ony zańsyz dep taýyp, kúshin joıdy.
Kenshiler ereýili eskerile me?
Ispanııada kenshiler jappaı ereýilge shyqqan edi. Olar úkimettiń kómiróndirisi salasyn sýbsıdııalaýdy 63 paıyzǵa qysqartý týralysheshimine osylaısha narazylyq bildirgen bolatyn. Keshe ereýilshiler400 shaqyrym júrip ótip, Madrıdtiń bas alańyna atbasyn tiredi.
Kenshilerge polısııa rezeńke oq atyp, raılarynan qaıtarmaqshy bolǵan edi. Biraq olarǵa qala turǵyndary kómekke kelgendikten, tártip saqshylary sheginýge májbúr boldy. Kenshiler burynǵy ýaǵdalastyqtardyń oryndalǵanyn ǵana qalaıtynyn, jańa talap qoımaıtynyn málimdeýde. Eger sýbsıdııalaý qysqarsa, 10 myńdaǵan kenshi jumyssyz qalmaq.
Koreıa basshysynyń baýyry ustaldy
Ońtústik Koreıa prezıdenti Lı Men Baktyń aǵasy Lı San Dykjemqorlyq týraly is boıynsha qamaýǵa alyndy. Keshe «Frans-Press»agenttigi habarlaǵandaı, Seýl soty prokýratýranyń onytutqyndaý týraly usynysyn qanaǵattandyrǵan.
76 jastaǵy Lı San Dyk eldegi eki iri bankten olarǵa qatysty júrgizilip jatqan tekserýlerdi toqtatýǵa ýáde berip, esesine para talap etken degen kúdik bar. Tekserý derekterinshe, prezıdenttiń baýyry 2007 jáne 2011 jyldar aralyǵynda kem degende 600 mıllıon von (525 myń dollar) para alǵan. Al eki banktiń jumysy qarjy jetpegendikten toqtatylǵan.
Beseskýdiń ımpıchmenti zańdy
Rýmynııa parlamenti el prezıdenti Traıan Beseský qyzmet babyn asyra paıdalandy dep sheship, oǵan qarsy ımpıchment jarııalaǵany belgili. Endi elde atalǵan másele boıynsha referendým ótkiziletin boldy. Oǵan saılaýshylardyń kem degende 50 paıyzy kelse, referendým ótkizilgen bolyp tanylady.
Referendým ótkizý týraly sheshimdi burnaǵy kúni Rýmynııanyń konstıtýsııalyq soty qabyldady. Al kópshiligi Beseskýdiń saıası básekelesteri bolyp tabylatyn parlament 6 shildede prezıdenttiń ımpıchmentine daýys bergen edi. Endi, joǵaryda atap kórsetilgenindeı, eldiń konstıtýsııalyq soty prezıdentke ımpıchmenttiń zańdylyǵyn qýattap berdi.
Uzaq jylǵy úzilis úzildi
Keshe Mıanma jerine (burynǵy Bırma) 22 jylǵy úzilisten keıin alǵash ret AQSh elshisiniń aıaǵy tıdi. AQSh-tyń Mıanmadaǵy elshisi qyzmetine 47 jastaǵy Derek Mıtchell kirisetin boldy. Ol ótken jyldyń sáýirinen beri AQSh prezıdenti Barak Obamanyń Mıanmadaǵy arnaıy ókili bolyp kelgen-tin.
Mıanmamen dıplomatııalyq qatynasyn qaıta ornatý týraly sheshimin Vashıngton ústimizdegi jyldyń qańtarynda jarııalaǵan edi. Bul qadam Mıanmada birqatar saıası reformalar júrgizilýine oraı jasalǵan bolatyn. Máselen, 2011 jyly eldi 1962 jyldan beri basqaryp kelgen áskerı hýnta bılikti azamattyq úkimetke ótkizip bergen edi.
Qysqa qaıyryp aıtqanda:
Sarapshylar eýroaımaqta jumyssyzdyq deńgeıi 2013 jyldyń sońyna deıin osy kólemde saqtalatynyn kóldeneń tartyp otyr. Iаǵnı, jumyssyzdyq bıyl 10,5 paıyzdy qurasa, kelesi jyldyń sońyna qaraı 11 paıyz tóńireginde bolmaq.
Lıvııadan Italııa jaǵalaýlaryna rezeńke qaıyqpen jetpekshi bolǵan 54 mıgrant shólden mert boldy. Bir ózi ǵana aman qalǵan Erıtreı azamatyn Týnıstiń jaǵalaý kúzeti qyzmetkerleri qutqaryp qalypty. Jyl basynan bergi ólgen bosqyndar sany 170 adamǵa jetip otyr.
Qyrǵyzstannyń Qorǵanys mınıstrligi el aýmaǵynda ornalasqan Reseıdiń úsh áskerı bazasy úshin jaldyq aqyny kóteretin boldy. Qorǵanys mınıstri Taalaıbek Omýralıevtiń túsindirýinshe, aqynyń kóterilýi ınflıasııamen baılanysty.
Reseı men Ýkraına Azov teńizindegi shekara men Kerch buǵazyndaǵy shekarany Ýkraına sharty boıynsha delımıtasııalaý týraly kelisimge keldi. Tıisti qujatqa búgin Qyrymda Reseı prezıdenti Vladımır Pýtın men Ýkraına prezıdenti Vıktor Iаnýkovıch qol qoıady dep kútilýde.
Internet materıaldary negizinde ázirlendi.
