Shar Aına

Sársenbi, 18 shilde 2012 7:41

Keń aýqymdy shabýylǵa shyqpaq

Sırııalyq oppozısııa búkil el boıynsha úkimettik áskerlerge qarsy keń aýqymdy shabýyldy bastaı­tyn­dyqtary týraly jarııalady. Mundaı málimdemeni búlikshiler 16 shilde kúni keshkisin taratqan.
Málimdemede bul keń aýqymdy shabýyl Sırııa pre­zıdenti Bashar Asadtyń rejimi jasaǵan «qaskóılik» áre­ketterge jaýap bolyp tabylatyny kóldeneń tartylady. Jańa taktıkaǵa sáıkes, oppozısııa armııasy búkil el aýma­ǵyndaǵy qalalar men aýyldardaǵy úkimettik áskerlerdiń shepterin shabýyldamaq. Sóıtip, Asadty berilýge máj­búrlemek, bolmasa túpkilikti kózin joımaq.

Sársenbi, 18 shilde 2012 7:41

Keń aýqymdy shabýylǵa shyqpaq

Sırııalyq oppozısııa búkil el boıynsha úkimettik áskerlerge qarsy keń aýqymdy shabýyldy bastaı­tyn­dyqtary týraly jarııalady. Mundaı málimdemeni búlikshiler 16 shilde kúni keshkisin taratqan.
Málimdemede bul keń aýqymdy shabýyl Sırııa pre­zıdenti Bashar Asadtyń rejimi jasaǵan «qaskóılik» áre­ketterge jaýap bolyp tabylatyny kóldeneń tartylady. Jańa taktıkaǵa sáıkes, oppozısııa armııasy búkil el aýma­ǵyndaǵy qalalar men aýyldardaǵy úkimettik áskerlerdiń shepterin shabýyldamaq. Sóıtip, Asadty berilýge máj­búrlemek, bolmasa túpkilikti kózin joımaq.

AQSh korabli úndisterge oq jaýdyrdy

AQSh áskerı-teńiz kúshteriniń ko­rabli  Parsy shyǵanaǵynda, Birikken Arab Ámir­likteri jaǵalaýlaryna ja­qyn mań­da, úndilik balyqshylar mingen qaıyqqa oq atqan. Amerıkalyqtar óz áreketteriniń sebebin qaıyqtyń tym jaqyn kel­gendigimen túsindirýge tyrysyp otyr.
Oqıǵa saldarynan bir balyqshy qaza tapsa, úsheýi túrli dene jaraqattaryn alǵan. Birikken Arab Ámirlikteriniń basshylyǵy oqıǵany tergeýge kiristi. Bahreınde or­nalasqan AQSh 5-shi flotynyń korablderi Parsy shy­ǵanaǵynda turaqty qyzmet atqarady. Iran Ormýz buǵazyn jaýyp tastaımyz dep qoqan-loqqy jasaǵaly beri AQSh-tyń áskerı-teńiz kúshteri óńirde kúsheıtile túsken bolatyn.

Reseı bazasyn tegin ornalastyrady

Tájikstan basshylyǵy óz aýmaǵynda Reseıdiń áskerı bazasyn ornalastyrý týraly joba maquldaýǵa tu­rar­lyq dep eseptep otyr. Bul jóninde Reseıdiń qurlyq­taǵy áskerleriniń bas qolbasshysy, general-polkovnık Vladımır Chılkın málimdedi.
Tájikstanda 201-shi áskerı bazanyń 49 jyl merzimge kelip ornalasýyn bekitetin kelisim jobasyn tájik jaǵy quptap otyr, dep málimdedi V.Chılkın. Onyń sózine qaraǵanda, tájik basshylyǵy atalǵan kelisimniń kúshine enýin jyldamdatýǵa yqpal etýge ýáde bergen. Jáne ornalasý qaıtarymsyz negizde, ıaǵnı tegin júzege asyrylmaq.

Qytaılyq balyqshylar atqylandy

Japon  teńizinde Reseıdiń sheka­ra­lyq kúzet korabli Qytaı týy astynda kele jatqan shhýnany atqylady. Reseı jaǵy oqty brakonerlik shhýnaǵa qarsy atqandaryn aıtyp aqtalyp otyr. Oqıǵa keshe erteńgisin oryn alǵan.
Shhýna Reseıdiń ekonomıkalyq aıma­ǵynda kózge tústi. Toqta degen talapqa olar qaıyrylǵan joq. Odan keıin shekarashylar zań buzýshylardyń izine túsip, oq atýǵa májbúr boldy, deıdi Reseı Federaldy qaýipsizdik keńesi jaǵalaý kúzeti shekara basqarmasynyń baspasóz qyzmetine silteme jasaǵan «Jańalyqtar» aqparat agenttigi. Zardap shekkender týraly eshteńe aıtylmaıdy.

Aýǵan áskerıi aýyr jaza aldy

Tórt fransýz soldatyn óltirgen Aýǵanstan áskerıi ólim jazasyna kesildi.  Bul týraly Aýǵanstan qorǵanys mı­nıstrligindegi aqparat kózi málimdegen. Úkimge sáıkes endi aýǵandyq Abdýl Sabor degen áskerı darǵa asylatyn bolady.
Fransýz soldattary ústimizdegi jyldyń qańtarynda eldiń soltústik-shyǵysyndaǵy Kapısa provınsııasynda atyp óltirilipti. Aýǵandyq áskerı fransýzdarǵa ózderiniń áskerı bazasynyń aýmaǵynda erteńgilik jattyǵýǵa shyqqan kezde oq jumsaǵan. Sabor tórt fransýzdy óltirse, 15-in jaralaǵan. Osyǵan oraı fransýz basshylyǵy óz áskerin Aýǵanstannan shyǵarý úderisin jedeldetýge sheshim qabyldaǵany belgili.

Aptaptan zardap shekkender kóp

Japonııada aptap ystyqtan bir adam kóz jumsa, 700-i aýrýhanaǵa tús­ken. О́lgen Nııgata prefektýrasynda turatyn mosqal er adam kórinedi. Ol kóshede birneshe saǵat júrip kelgennen keıin ózin óte nashar sezingen jáne  kóp uzamaı kóz jumǵan.
Aýrýhanaǵa túskenderdiń barlyǵyna ystyq urǵan degen dıagnoz qoıylǵan. Asa ystyq aýa raıy Japonııanyń shyǵysy men batysynda oryn alyp otyr eken. Eldiń 60 aýdanynda termometr baǵanynyń kórsetkishi 35 gradýstan asyp túsken. Tokıo tóńireginde 37,6 gradýs ystyqtyq tirkelse, Gýmma prefektýrasynda temperatýra birshama ýaqyt 39 gradýstan joǵary bolyp turǵan. Aptap áli eki-úsh kún saqtalady delinýde.

Qysqa qaıyryp aıtqanda:
Latvııada Vladımır Lınderman basshylyq etetin jańa partııa tirkeldi. Onyń aty «Ana tili úshin!» dep atalady. Lın­der­man­nyń ózi buǵan deıin Latvııada ulttyq azshylyqtardyń múd­desin bildiretin qosarlanǵan parlament qurýdy usynǵan bolatyn.
Mysyrdyń burynǵy prezıdenti Hosnı Múbárak áskerı gos­pıtalden túrmege qaıta jetkizilgen. Ony túrmege qaıtarý týraly sheshimdi medısınalyq qorytyndyǵa súıene otyryp, el prokýratýrasy qabyldaǵan. Iаǵnı, eks-prezıdenttiń den­saýlyǵy turaqtanǵan sekildi.
Túrkimenstanda buǵan deıin ár adamǵa naqty belgilengen baǵaǵa 5 kılogramnan un berilip kelgen bolatyn. 1990-jyldardyń ortasynda engizilgen bul úderis toqtatyldy. Sebebi, elde sol kezden beri un men nan baǵasy áldeneshe ese óskendikten, unnyń kılosyna 14 sentti saqtap qalý memleketke úlken salmaq túsiretin bolypty.
Búkilálemdik saýda uıymy (BSU) AQSh-tyń talaby boıynsha Qytaı saýda qyzmeti týraly kelisimdi buzdy jáne álemdik tólem júıesine qatysty qysym kórsetý saıasatyn júrgizip keledi degen aıyp taqty. Bul týraly BSU-nyń keshe jarııa­lanǵan baıandamasynda aıtylady.

Internet materıaldary negizinde ázirlendi.