Adamdardyń ómirin qutqarýda kórsetken batyldyǵy men erligi úshin Nurqanat Muratuly Dúısen «Tótenshe jaǵdaıdaǵy erligi úshin» medalimen marapattaldy.
Ishki ister mınıstriniń atynan Almaty qalasy Tótenshe jaǵdaılar departamentiniń bastyǵy, órt sóndirý qyzmeti general-maıory Serik Áýbákirov Dúısen Nurqanatqa atalǵan marapatty saltanatty túrde tabys etti.
Serik Ǵabdoluly jalǵyz ózi janyp jatqan úıdegi bes balany jalynnan aman-esen alyp shyqqan Dúısen Nurqanattyń kásibı taǵylymdamadan ótýine, sondaı-aq oǵan erekshe jaǵdaılarda árqashanda daıyn bolýǵa úıretken komandırlerine alǵys aıtty.
О́rt 2019 jylǵy 11 naýryz kúni saǵat 18.00-de Almaty qalasynyń Jetisý aýdanyndaǵy Pervomaıskıı kóshesinde ornalasqan jataqhanada boldy.
О́rt sóndirý brıgadalary kelgenge deıin úıdiń janynan ótip bara jatqan Dúısen Nurqanat terezeden aıǵaılaǵan daýysty estip, tez arada kómekke umtylǵan bolatyn.
