«Tekserýler nátıjesinde 39 myńnan astam ónerkásiptik qaýipsizdik talaptarynyń buzylǵany anyqtaldy. Zańdy óreskel buzǵadary úshin 827 nysan men 3 kásiporynnyń jumysy toqtatyldy. 147 mln. teńgeden astam 2 myń aıyppul salyndy. Júrgizilgen júıeli jumystarǵa qaramastan 2018 jyly 27 avarııaǵa jol berilip (2017 jyly – 19), 17 adam zardap shekti (olardyń 6-y adam ólimine ákeli)», - dep atap ótti mınıstr.
Avarııalardyń negizgi sebepteri eskirgen, moraldyq jáne fızıkalyq turǵydan tozǵan jabdyqtardy paıdalaný; ónerkásiptik qaýipsizdik talaptary men qaǵıdalaryn buzý; óndiristik baqylaýdyń bolmaýy nemese qyzmetkerler biliktiliginiń tómendigi.
О́ndiristik qaýipsizdikti qadaǵalaýdyń tıimdiligin arttyrý, qaýipti óndiristik nysandarda bolatyn apattardy jáne jaraqattardy azaıtý maqsatynda Mınıstrlik birqatar tıisti sharalar qabyldaýda.
«Mınıstrlik qaýipti óndiristik nysandardaǵy avarııalar men jaraqattaný deńgeıin tómendetý maqsatynda tehnıkalyq qurylǵylar men tehnologııalyq tizbekterdiń qaýipsiz jáne turaqty jumysyn qamtamasyz etý úshin jyl saıyn tehnıkalyq qaıta jaraqtandyrý josparyn ázirledi (2009 jyldan qazirgi ýaqytqa deıin 12 088 dana jabdyq pen 595 tehnologııalyq tizbek aýystyryldy). Budan bólek, zańnamany jetildirý jáne ónerkásiptik qaýipsizdik salasyndaǵy memlekettik qadaǵalaý tıimdiligin arttyrý maqsatynda ónerkásiptik qaýipsizdik máseleleri týraly zań jobasy ázirlendi», - dep habarlady Roman Sklıar.
Sonymen qatar vedomstva ónerkásiptik qaýipsizdik salasyndaǵy memlekettik qyzmetterdi avtomattandyrý, qaýipti baǵalaý krıterıılerin qaıta qarastyrý jáne ónerkásiptik qaýipsizdik salasyna baqylaý jumystaryn júrgizedi. Tekserý talaptarynyń tizimi 28 %-ke qysqartyldy. Mınıstrlik qabyldanǵan barlyq sharalar qaýipti óndiristik nysandarda qaýipsizdikti qamtamasyz etýge baǵyttalǵan.
