Stýdentter avtobýstarǵa mingen júrginshilerdi kúımen qarsy alyp, aıryqsha lázzat, qýanysh, kóterińki kóńil-kúı syılady. Dombyranyń qulaǵynda oınaıtyn jas dombyrashylar qara dombyra shanaǵynan Qurmanǵazyny, Táttimbettiń, Dınanyń kúılerin tógildirip, ulttyq týyndylardyń máńgi ólmes qudyretin tanytty. Júrgizýshiler de bir sátke sheteldiń dańǵaza mýzykasyn óshirip, dombyranyń únine qulaq túrdi. Uıaly telefondarynan kóz almaıtyn jastar eleń ete qalysty. «Saryarqa», «Babyraýyn» oınaı jónelgende qyz-kelinshekter jaǵy bılep ketýge shaq qaldy.
«Unjyrǵam túsip kele jatyr edi. Qazaǵymnyń mýzykasyn estip, kóńilim jadyrap sala berdi. Balam dombyra tartýdy úırenip júr. Osyndaı sharalardyń jıi uıymdastyrylǵanyn qalaımyn», deıdi qala turǵyny Mahabbat Qaıyrjanova.
Anastasııa Evdokımenko Naýryzdy adamdardy bir-birine jaqyndastyratyn, biriktiretin dostyq meıramy retinde sanaıtynyn, shyǵys halyqtarynyń jańa jylyn birge toılasyp kele jatqanyn jetkizdi.
«Aınalaǵa qarańyzshy, tabıǵat túrlenip, kún shýaǵyn shashyp edi, ózgeshe jylylyq paıda boldy. О́zim ónerli adamdardy jaqsy kóremin. Ulttyq aspaptyń únin estimegeli biraz bolyp edi. Menińshe, halyqtyq ónerlerdi kóbirek nasıhattaý kerek. Qýanyshty kúnder kóp bolsyn», dedi ol aq tilegin arnap.
О́mir ESQALI,
«Egemen Qazaqstan»
Soltústik Qazaqstan oblysy
