Ońtústik Amerıka Brıtanııany aıyptady

Seısenbi, 21 tamyz 2012 7:19

Ońtústikamerıkalyq ulttar odaǵy  12 eliniń  syrtqy ister mınıstrleri Ekvadorǵa qoqan-loqy  jasaǵany úshin Ulybrıtanııany aıyptady.

Dıplomattardyń narazylyq bildirýine Brıtan ókimetiniń Londondaǵy ústimizdegi jyldyń maýsym aıynan beri WikiLeaks saıtynyń negizin qalaýshy Djýlıan Assandj jasyrynyp júrgen Ekvador elshiligin basyp alý jónindegi málimdemesi sebepker bolǵan.

Seısenbi, 21 tamyz 2012 7:19

Ońtústikamerıkalyq ulttar odaǵy  12 eliniń  syrtqy ister mınıstrleri Ekvadorǵa qoqan-loqy  jasaǵany úshin Ulybrıtanııany aıyptady.

Dıplomattardyń narazylyq bildirýine Brıtan ókimetiniń Londondaǵy ústimizdegi jyldyń maýsym aıynan beri WikiLeaks saıtynyń negizin qalaýshy Djýlıan Assandj jasyrynyp júrgen Ekvador elshiligin basyp alý jónindegi málimdemesi sebepker bolǵan. Osy jylǵy 19 tamyzda Santıago de Gýaıakılde UNASUR ótip, onyń qorytyndysy bo­ıyn­sha qol qoıylǵan kommıýnıkede Ekvadordyń Uly­brıtanııa men Shvesııanyń avstra­lııalyqtyń qaýipsizdigine kepildik bermeı, ony Amerıka ókimetine tapsyrmaý týraly ózine mindetteme almaýyna baılanysty osyndaı sheshim qabyldanǵany aıtylǵan.

Depýtattar sany jetpeı qaldy

Jarty ǵasyr ishinde alǵash ret Somalıde dúısenbide ótýi tıis bolǵan prezıdent saılaýy  parlamentte depýtattar sanynyń jetispeýine baılanysty belgisiz merzimge keıinge qaldyrylyp otyr.

Korrýpsııa men zań buzý­shylyq­tar­­dyń órship ketkeni sondaı, búginde parlamenttegi 275 oryn­nyń 225-de ǵana depýtattar bar. Somalı prezı­denttigine kan­dıdattardyń túpkilikti tiziminde qazirgi kúni  20 adam bar. Degenmen saıası baqy­laýshylar qazirgi memleket basshysy Sheıh Sharıf Sheıh Ahmad, premer-mınıstr Abdıvılı Mohamed Alı jáne parlament spıkeri Sharıf Hasan Sheıh Adenniń prezıdent bolýdan úmitteri kóbirek dep sanaıdy.

Amerıkalyq mas kongressmender áreketi

AQSh-ta ótken jyldyń tamyzynda Izraılge saparmen kelgen respýblıkalyq partııanyń 30 kongressmenine qatysty janjal týyndady.

Jýrnalıstik zertteýler barysynda kongressmenderdiń bir keshki kóńil kóterýde alkogoldi ishimdikti kóbirek iship, otbasy múshelerimen jáne kómekshilerimen birge jappaı shomylý uıymdastyrǵany anyqtalyp otyr. Mas kúıde shomylýǵa 20-dan astam adam qatysqan. Olardyń ishinde Stıv Saýterlend (qyzymen), Tom Rıd (áıelimen), Ben Kýeılı, Djef Denhem jáne Maıkl Grımm, sol sııaqty  Stıv Stombers, Tım Berrı tárizdi  kongressmenderdiń kómek­shileri bolǵan kórinedi. Olar­dyń keıbireýleri sýǵa kıim­derimen súńgise, endi bireýleri tyr jalańash sheshingen degen málimet bar.

Qytaı Japonııaǵa narazylyq bildirdi

Tokıo Pekınnen QHR-daǵy japon azamattarynyń qaýipsizdigin qamtamasyz etýdi surap otyr.

Osynyń aldyndaǵy kúni Qytaıdyń birqatar qala­la­ryn­da Japonııaǵa qarsy   ere­ý­il­­­­­­­der bolyp ótti. Adamdar kó­­shege shyǵyp Qytaı jaǵy óziniki dep sanaıtyn Senkaký (Dıao­ıýıdao) araldary tó­ńi­regindegi Japonııamen ara­da­ǵy aýmaq­tyq daýǵa ózderiniń narazylyqtaryn bildirdi. Keıbir qala­larda narazylyqtar tártipsizdikterge ulasty. Máselen, Shenchjende ereýilshiler Japonııada jasalǵan polısııa mashınasyn aýdaryp, japon restoranynyń tas-talqanyn shy­ǵarǵan

Lıvııada tutqyndaýlar júrýde

Lıvııada birqatar terrorlyq aktiler jasady degen kúdikpen jappaı tutqyndaýlar bolyp ótti.

Jańa ókimet ózderine bılikten ketirilgen dıktator Mýamar Kaddafıdiń jaqtastarynan turatyn «qylmystyq topty» joıýdyń sáti tústi dep málimdep otyr. Lıvııanyń qaýip­sizdik jónindegi joǵarǵy komıssııasynyń habarlaýynsha, barlyǵy 32 adam tutqynǵa alynǵan. Olardyń bári bir-birimen qylmystyq baılanysta turǵan kórinedi. Aıta ketý kerek, osynyń aldynda ǵana Trıpolıde eki birdeı jarylys oryn alǵan bolatyn. Onyń saldarynan eki adam qaza taýyp, tórt adam jaraqattar alǵan.

Indonezııada jer silkindi

Jeksenbi kúni Indonezııanyń soltústik bóliginde oryn alǵan qatty jer silkinisinen kem degende 4 adam qurban bolǵan.

Keıbir málimetterge qaraǵanda, zilzala qýaty 6,2 ballǵa jetken kórinedi. Jer silkinisiniń resmı tirkelgen zardaptary boıynsha qazirgi ýaqytta 4 adam qaza taýyp, 7 adam túrli jaraqattar alǵan, 51 ǵımaratqa eleýli zaqym kelgen. Zilza­lanyń kóptegen laı kóshkinin týdyrýyna baılanysty qurban bolǵandar sanynyń ósýi múmkin degen aqparat bar. Eldiń birqatar óńirlerimen kólik baılanysy toqtap qalǵan kórinedi.

Sýdanda ushaq apaty oryn aldy

Sýdannyń astanasy Hartýmnan 650 shaqyrym jerdegi Talodı qalasy mańaıynda ushaq apaty oryn alǵan.

Ushaq ishinde 32 adam bol­ǵan. Olardyń arasynda eldiń senim jáne din isteri jónindegi mınıstri Gazı ál-Sadek, sol sııaqty  búginde bılikte turǵan beıbitshilik jáne ádilettilik partııasynyń basshylarynyń biri Makkı Balaıela bolǵan kórinedi.  Delegasııa musylmandardy Oraza-Baıram mere­kesimen quttyqtaý úshin Ońtústik Kordofan provınsııasyna bara jatyr eken.

Internet materıaldary negizinde ázirlendi.