Sol tusta «El-jurttyń jaǵdaıy mynaý. Táı-táı basqan táýelsiz memleketimiz áli de eńse tikteı almaı jatyr. Keleshegimiz qalaı bolady?» degen sansyz oı sanamyzdy sharlady. Sol kezderi biz jalyndap ósip kele jatqan jastar edik. Halyqaralyq dodalarda eleýli tabystarǵa qol jetkizip, bolashaqqa úlken jospar quryp ta úlgergenbiz.
Desek te ishte «Sporttyq kareramyz endi ne bolady?» degen ýaıym da bolady. Biraq munymyz beker eken. Memleket basshysy óziniń syndarly ári salıqaly saıasatynyń arqasynda elimizdi tyǵyryqtan alyp shyqty. Daǵdarysty jeńe bildik. Tipten, eń bir qıyn kezeńderdiń ózinde Nursultan Nazarbaevtyń sportshylar qaýymyna degen qamqorlyǵy erekshe boldy. Elbasy bizge únemi qoldaý kórsetip, óz qamqorlyǵyn esh aıaǵan joq. Sonyń arqasynda Qazaqstannyń sporttyq dańqy asqaqtap, ataǵy shartarapqa jaıyldy.
Jeke ózime keler bolsam, Nursultan Ábishulymen birneshe ret júzdesýdiń sáti tústi. Memleket basshysy meni 1996 jyly Atlanta Olımpıadasynan keıin «Qurmet» ordeni, 1999 jyly Hıýstondaǵy álem chempıonatynan keıin «Parasat» ordeni jáne 2000 jyly Sıdneıdegi Olımpııa oıyndarynan keıin «Eren eńbegi úshin» medalimen marapattady. Iá, marapat alǵan adamnyń árkez marqaıyp júretini ras qoı. Sonymen qatar aıtýly kezdesýlerdiń barlyǵynan keremet áser alyp, Elbasynyń kóregendigine tamsandyq.
Sóz sońynda qosarym, elordamyzdyń Nur-Sultan bolyp ózgerýi de kóńilimnen shyqty.
Bolat JUMADILOV,
Olımpıadanyń eki dúrkin kúmis júldegeri, álem chempıony
